لعلمك

لعلمك

إقرأ لي

دخلوا بكليك شمال :D

Blog Archive

الاثنين، سبتمبر 28، 2009

postheadericon موضوع أكتبه مضطرة

عندما قرأت هذا الخبر .. شعرت بشماتة كبيرة جداً في مجتمعنا الهش

وشعرت بالشماتة نفسها حينما رأيت هلع بعض الشباب

واعلانهم الامتناع عن الزواج بعد معرفة هذا الخبر

ولكنني شعرت بالأسى لحال الفتيات في مجتمعنا في الوقت نفسه

شعرت بالشماتة لأني رأيت فيه صفعة على وجه المجتمع ..

تنبهه بأن يعيد تقييم معاييره للاخلاق والشرف والفضيلة ...

وشعرت به يقتص لحق كل فتاة فقدت عذريتها قهراً ..

وترك المجتمع الجاني و عاقبها وهي الضحية

يقتص لحق فتيات كثيرات فقدن عذريتهن بسبب حادثة أو ما شابه ..

وهي كثيراً ما تحدث خاصة في كليات التربية الرياضية أثناء ممارسة تمارين صعبة ..

الآن اضطر المجتمع الى التسليم بأن تربية الفتاة وأخلاقها هي حجابها الوحيد عن الرذيلة

الآن عليه ان يبث في الفتاة الإحساس بالتعفف عن ارتكاب الرذائل

لا الاحساس بالخوف من عقابهم اذا اكتشفوا ارتكابها للرذيلة

وفي نفس الوقت شعرت بالأسى لحال الفتيات في مجتمعنا ..

فكلما رأيت الهلع في كلام وعيون الناس فور معرفتهم بالخبر أشعر بالامتهان

ألهذة الدرجة نحن في نظر المجتمع ضعفاء أمام الرذيلة والخطأ ؟؟

ألهذه الدرجة لم يعد هناك ذرة من الثقة في الفتاة ؟؟


لا أعرف متى يأتي اليوم الذي يكف فيه  الذكور وأولياء الأمور عن ممارسة دور الرقيب على الفتاة  ؟؟

ومتى يدركون أنهم ليسوا ملائكة ولا انبياء بلا خطايا كي ينصبون أنفسهم  قضاة عليها ؟؟

متى يثقوا بأنفسهم فعلاً كي يتمكنوا من الثقة في الفتيات ؟؟


         

ملحوظتان :

* أرجو ألا يفهم أحد من كلامي أني اؤيد هذا المنتج المقزز .. بالعكس أنا ضده تماماً وضد من تلجأ له لخداع الناس وايهامهم بانها مثال للشرف والطهر والبراءة .. لكني شعرت انه اثبات قوي على اختلال معايير الحكم على هذا الأمر في المجتمع

* حاولت كتمان رأيي هذا كي لا يُساء فهمي ،  ولأني لا أحب ان اخوض في مثل هذه الأمور

وبالفعل صمتت طويلاً .. لكن طفح الكيل من كثرة ما رأيت من ذعر وهلع في كل مكان من الخبر فاضطررت أن اتكلم .. مفضلة الكلام على أن اموت بانفجار المرارة !
 

21 بوينتس أوف فيو:

eng-menna يقول...

اسمعك واوافقك تماما
خليهم يعرفوا ان الله حق

๓คภ๏ภค يقول...

مش عارفة اقولك ايه ياسارة بس بجد كلامك جميل وصحيح

ربنا يستر اعراضنا كلنا تحت الارض وفوق الارض

ويرحمنا برحمته

تسلم ايديك

shiko يقول...

امتناع الشباب ده معناه ان اصلا الشباب مستعدين للجواز وده اللى معطلهم.
اولا هو فيه حد لاقى يتجوز اليومين دول ( الكلام ع الشباب لان اللى بره الفئه ديه هما بس اللى بيتجوزو ).

بالنسبة للمنتج الغريب ده فاعتقد ان كده يبقى بنقضى على بواقى الشرف اللى فينا.

اما بقى حكاية نظرة المجتمع للفتاة ....فمجتمع مليان ثقوب فى كل حته فيه ايه اللى منتظر منه..مجتمع بيسهر طول الليل يتفرج ع الكليبات والرقص ويصحى الصبح يشتم فى المطربات والاغانى والمجون.

احمد ماهر يقول...

والله انا مقدر شعورك
بس دخول منتج زى ده هيبقى خراب على الجنسين يعنى الكل هيتضر مش طرف واحد بس


الصراحة الحكومة المصرية ان سمحت بحاجة زى دى ... يبقى خلاص نقول على البلد السلام

أبــــو ضـــيــاء يقول...

طبعا الحكم الاوحد على اي بنت هي اخلاقها

kafrawy يقول...

امتناع الشاب عن ايه يا حاجه ساره
هو حد لاقى جواز و قال لا
يعنى تفتكرى ان الواحد يحب الحرام عن الحلال
طيب طالما هيا كدة يا سارة

ما يرخصوا الدعارة زى زمان و تبقى مقننهساعتها مش هقدر اقولك غير حاجه واحده

انا مش بعاند الزمن اللى رفع اندال

DEDY يقول...

بحييكي على موضوعك الرائع دا مع ان الكلام فيه صعب جدا لانه محيير قوي..منقدرش ناخد فيه قرار ونقول صح ولا غلط ولا نقدر نقول ان الشباب غلطان او لاء..لو فكرنا شويه هنلاقي اننا منقدرش نعاقب شاب رفض الزواج ببنت خضعت للتجربه دي مهما كانت اسبابها لانه عنده حق انه يشك ومنقدرش نقوله انه يثق في البنت وفي نفس الوقت صعب جدا لمشاعر اي بنت وجرح لكرمتها انها تحس ولو للحظه انها في موضع شك وانها مش موثوق فيها لمجرد ان حصلها ظروف خارج عن ارادتها..اما بالنسبه لموضوع الرقابه اللي اتكلمتي عنه فاحنا مش بنطلب ان ميبقاش فيه رقابه من اولياء الامور او غيره فيه فرق كبير بين الرقابه للحمايه من المجتمع واللي بيحصل فيه وفي نفس الوقت فيه ثقه متبادله وبين الرقابه لمجرد انها بنت ولازم تبقى في موضع شك كل اللي بنطلبه ان يبقى فيه ثقه متبادله ونعرف ان كل انسان بيغلط بس مهما كان فيه حدود للغلط وفي الاخر الرقيب هو الله ....الموضوع كبير وفيه كلام كتير لكن انا بشكرك جدا على انك اتكلمتي فيه واسفه اني طولت عليكي

dr/shiko يقول...

طبعا انتي ما وضحتيش ايه هو الشئ اللي مستفز ليكي.. بس الواضح ان الكلام علي غشاء البكارة الصيني الذي دخل الاسواق المصرية ...للأسف الشديد ان الثقة اللي انتي بتتكلمي عليها معدومة بين الطرفين وليست من جانب واحد ... وبعدين الستات اللي اتعرضوا لحوادث اغتصاب اباح لهم دينا الحنيف عمليات الترقيع للستر عليهم ولان ليس لهم ذنب... اما عن حكاية التربية الرياضية فانا لاتفق معك ... وبعدين الرقابة من الرجل علي المرأة واجبة بحكم الدين ولا نقاش في ذلك لان هذا الرجل هو الاب والاخ والزوج... كما انني كرجل لا اعتبر نفسي ملاكا او مرفعا عن الخطأ ولكن الخسارة التي تلحق بالفتاة اكبر بكثير من تلك التي تلحق بالفتاة في هذا الموضوع بالذات .. ارجو ان تكون وجهه نظري قد وصلت .. واتاسف عن اي لفظ قد يكون خادش للبعض ولكنها الضرورة...

سمو الأميرة سارة يقول...

منة نورتيني يا منون وبجد عجبتني اوووووي كلمة خليهم يعرفوا ان الله حق

سمو الأميرة سارة يقول...

منونة .. يااااااااااااااارب اللهم امييييييييييييييين نورتيني يا منمن

سمو الأميرة سارة يقول...

شيكو انا اقصد بالكلمة دي يا شيكو الولاد اللي اعلنوا في الفيس بوك بالحرف كده احنا مش هنتجوز على فكرة لو البتاع دا دخل مصر .. واكتر من ولد مش ولد واحد يعني

ما اعتقدش يا شيكو انه هيقضي على بواقي الشرف اللي فينا .. في بنات كتير جداً بتخاف من ربنا وبنات حرة بجد والحرة لا تزني يا شيكو .. المنتج دا زيه زي العمليات اللي كانت بتتعمل كل الحكاية انه ارخص أكيد

سمو الأميرة سارة يقول...

احمد ماهر .. ليه يا احمد خراب ؟؟ هي البنات للدرجة دي مافيش حاجة مانعاها عن الغلط غير الحكاية دي ؟؟
والله في بنات عندها كرامة وبنات متربية وبنات بتخاف ربنا

في ايه يا جماعة ؟؟ للدرجة دي مش واثقين في البنات ؟؟؟؟

سمو الأميرة سارة يقول...

ابو ضياء .. هو دا الكلام بجد

سمو الأميرة سارة يقول...

يا كفراوي .. ردي على حكاية الولاد اللي ما تتجوزش دي رديته فوق

انا قصدي بيها ان في اولاد قالوا لأ مش هنتجوز طالما الموضوع فيه كده

بعدين على فكرة يعني مش كل الشباب مش لاقي ياكل .. في شباب مقتدرين وفي شباب اهلهم بيساعدوهم

بالنسبة لأنه هيحب الحرام عن الحلال انا ما قولتش كده خالص

انا قصدي انهم قالوا مش هنتجوز علشان خايفييييين وبيقولوا اش ضمننا ان البنت اللي هنتجوزها دي تمام بجد مش صيني

سمو الأميرة سارة يقول...

بحييكي على موضوعك الرائع دا مع ان الكلام فيه صعب جدا لانه محيير قوي..منقدرش ناخد فيه قرار ونقول صح ولا غلط ولا نقدر نقول ان الشباب غلطان او لاء..لو فكرنا شويه هنلاقي اننا منقدرش نعاقب شاب رفض الزواج ببنت خضعت للتجربه دي مهما كانت اسبابها لانه عنده حق
انه يشك ومنقدرش نقوله انه يثق في البنت وفي نفس الوقت صعب جدا لمشاعر اي بنت وجرح لكرمتها انها تحس ولو للحظه انها في موضع شك وانها مش موثوق فيها لمجرد ان حصلها ظروف خارج عن ارادتها..
==================

كلامك مظبوط جداً يا ديدي ،، بس كمان انا قصدي على الولاد اللي شكت في كل بنت لدرجة انهم قالوا مش هنتجوز واحنا اش ضمننا !!
طب ليه يعني ؟؟ انت تقبل ان حد يقول على اختك ايش ضمنني هي تمام ولا لأ ؟؟

ما اظنش

___________________________



اما بالنسبه لموضوع الرقابه اللي اتكلمتي عنه فاحنا مش بنطلب ان ميبقاش فيه رقابه من اولياء الامور او غيره فيه فرق كبير بين الرقابه للحمايه من المجتمع واللي بيحصل فيه وفي نفس الوقت فيه ثقه متبادله وبين الرقابه لمجرد انها بنت ولازم تبقى في موضع شك كل اللي بنطلبه ان يبقى فيه ثقه متبادله ونعرف ان كل انسان بيغلط بس مهما كان فيه حدود للغلط وفي الاخر الرقيب هو الله ....

===================

مظبوط يا ديدي هو دا اللي انا عايزة اقوله

الثقة الثقة الثقة

_______________________


الموضوع كبير وفيه كلام كتير لكن انا بشكرك جدا على انك اتكلمتي فيه واسفه اني طولت عليكي

===============

آسفة ايه بس دا انتي نورررررررررررتيني يا قمراية

سمو الأميرة سارة يقول...

طبعا انتي ما وضحتيش ايه هو الشئ اللي مستفز ليكي.. بس الواضح ان الكلام علي غشاء البكارة الصيني الذي دخل الاسواق المصرية ..
=====================

لأ انا حطيت لينك للخبر يا دكتور شيكو على فكرة .. يعني وضحت قصدي ايه

__________________________


.للأسف الشديد ان الثقة اللي انتي بتتكلمي عليها معدومة بين الطرفين وليست من جانب واحد ... وبعدين الستات اللي اتعرضوا لحوادث اغتصاب اباح لهم دينا الحنيف عمليات الترقيع للستر عليهم ولان ليس لهم ذنب...

====================

بس مش كلهم بيروحوا يعملوها .. ومش كلهم بيقدروا يكملوا حياتهم بعد كده
واي حد بيتقدم لهم بعد كده اعتقد انه لو عرف اللي حصل بينسحب من حياتهم

_________________



اما عن حكاية التربية الرياضية فانا لاتفق معك ...

==============
الحكاية دي بتحصل كتير لدرجة ان الكلية بتمضيهم على تعهد بخصوص الموضوع دا

____________________



وبعدين الرقابة من الرجل علي المرأة واجبة بحكم الدين ولا نقاش في ذلك لان هذا الرجل هو الاب والاخ والزوج... كما انني كرجل لا اعتبر نفسي ملاكا او مرفعا عن الخطأ ولكن الخسارة التي تلحق بالفتاة اكبر بكثير من تلك التي تلحق بالفتاة في هذا الموضوع بالذات ..

==============

هات لي آية او حديث شريف يا دكتور بيؤمر ربنا فيها بالرقابة دي .. الدين أمر بالرعاية والمسؤولية .. الرعاية يعني الاهتمام والحب والحماية مش الرقابة والترهيب صح ؟

_____________

ارجو ان تكون وجهه نظري قد وصلت .. واتاسف عن اي لفظ قد يكون خادش للبعض ولكنها الضرورة...

==========

نورتني يا دكتور ومافيش في كلامك اي شيء خادش .. ع الأقل بالنسبة لي

منورني

Eng Sarah يقول...


بجد مش عارفه ياساره

بس ليهم حق الشباب وانا ف صفهم
رغم ان كان فيه طرق للخداع تانيه

بس غلابه ف الاول والاخر
وخدى ف بالك ان المظاهر بتخدع اوى

انا ضد المنتج ده من قريب ومن بعيد وما اعتقدت انه نازل الا عشان يقول

"ياصايعه ياضايعه ياللى من اياهم.... عندنا الحل السريع"

حسبنا الله ونعم الوكيل

حاجة مستفزه بجد بجد

shiko يقول...

انا اعترض ( من حق كل مواطن انه يعترض فى البلد ديه المهم من غير مايعمل دوشه)
انا اعترض لان كلمة انه هيقضى على بواقى الشرف اللى فينا مش مقصود بيها البنات لان اكيد طبعا فيه بنات والحمد لله محترمين جدا جدا وعلى خلق عالى زى مافيه ولاد برضه محترمين جدا انا قصدى على الشرف اللى فى المجتمع المخربء اللى بيقيس الشرف بالكيلو واللى ميهموش ليه فيه ناس اعتدو على بنت ماشيه فى حالها فى الشارع اد مايهمه يعرف هل العمليه ديه حلال ولا حرام!!!!! واللى يعملها يكون دكتور ولا دكتوره!!!!!!! وعمره مافكر فى لحظه هو ايه اللى وصل بالشباب لكده؟؟؟

Mohajer Masr مهاجر مصري يقول...

ساره
الحقيقه الموضوع ده وصل حتي بلاد ما خلف البحار الرابط عندي في و تعليقي علي الموضوع كله من وجهه نظر مختلفه
http://mohajermasry.blogspot.com/2009/09/blog-post_28.html

مهاجر مصري

فكرة من الزمن ده يقول...

من غير مقدمات انتي شبهي او انا شبهك مش عارفة
بس انا جيت اقولك كده لاني بادور على حاجة في جوجل فصفلي مدونتك واتكعبلت في بوست روائح الكآبة
واستغربت لاني دايما كزل الناس عكسي اول مرة بالاقي حد بيحب الدنيا مغيمةيااااه بابقى في احسن حالاتي ونشاطاتي وباكون مصالحة الدنيا والناس كلها
وبيحب المطر
ومش بيحب الشمس
زيي
وحد ذكراياته تتجد عن طريق حاسةالشم
وعن طريق حاسةالسمع
يااااه انا ممكن يومي يتملي كآبة لو سمعت اغنية في الراديو مثلا الصبح كنت باسمعها في يوم جدول المدرسة في ابتدائي ماكانش عاجبني
اعيش نفس الحالة وكاني رايحة ادرس حصص غلسة وعايزة اتحجج واغيب ومش ع ارفةاقنع ماما بضرورة اني اقعدالنهاردة جنبها في البيت ولكن هيهات
سعيدة بجد اني لقيت حد زيي ومش بيستغرب من الحاجات اللي بحبها

ايه ده كل ده كلام؟ وعن بوست قديم كمان
مش عارفة حاسةاني عايزة امسح كل اللي كتبته ده ومالوش لازمة
لكن خليه مش هامسحه خليكي تدعي على جوجل اللي كعبلني في البوست ده لكن انا باشكره


اما عنالبوست الجديد فانا مرارتي مش متحملة كلامفي الموضوع ده
وكفاية الناس اللي اتفقعت مراراتهم بسببه ربنا يعينا
تحياتي

أحمد كمال يقول...

عند زيارتي لمدونتك أحببت أن أقول لك : جوها خفيف جدا و مريح و تعجبني بساطتك في كل شيء ، مع وضعك لحدود واضحة ألزمتي نفسك بها ، فتحياتي لك

أما تعليقي على موضوع البوست فلا أحب الاستفاضة في مواضيع يمكن تلخيها بمبادئ نحفظها جميعا : فالشرف أمانة ، و الرقيب هو الله ، و لا يأمن أينا في أي فتنة قد يقع ، فنسأل الله العفو و العافية .

المتابعون

اعتبرها بيتك ♥

وِش القفص

خليك ورايا

دليفري..