2009-10-11

ارحمونا بقى





كل ما اقعد اقرا واتابع الخناقات في البرامج بين  الصحفيين


والمفكرين والكتاب الكبار على حاجة معينة مثلاً ..

زي مثلاً السادات .. هل هو بطل ولا عميل وخاين 


وانا بقول " خناقة " مش " مناقشة " لأنها فعلاً بتبقى خناقة 


وبعيدة تماماً عن الحوار 


المهم


تيجي تسمع الطرف الأول .. تحس انه صح

ومعاه أدلة وإثباتات 


ويقعد يحكي ويحلف ويستشهد بحاجات حصلت 


وتيجي تسمع الطرف التاني .. تلاقيه هو كمان صح 


وبالأدلة والاثباتات والمواقف والاستشهادات


بحس بجد اني تايهة وضايعة وسط الكلام دا


مش عارفة اصدق مين ؟؟


لو قريت بلاقي كل كتاب بيكتب التاريخ على مزاجه


لو سمعت الناس كل واحد بردو بيحكي على مزاجه


ولو حاولت أنا أدور على الحقيقة هلاقي مليون بني آدم كل واحدة معاه حقيقة مختلفة


وكلهم معاهم أدلة


وكلهم معاهم إثباتات


طب بعديييييييين ؟؟


هنعرف الحقيقة ازاي ؟؟


اتقوا الله فينا يا جماعة .. اتقوا الله في عقلنا يا حضرات السادة الكبار


يا حاملي أمانة الكلمة والتاريخ



احنا كده بقينا ضايعين وتايهين مش عارفين الحق مع مين 


ولا ايه اللي حصل بالظبط علشان نحكم 


وبالتالي .. ممكن نعيش حياتنا كلها مؤمنين بمبادئ باطلة 


أو بندافع عن باطل 


لأن كل واحد من السادة الكبار


 بيستغل انه هو الوحيد اللي لسة عايش ويحكي على مزاجه


علشان يصفي حسابات شخصية من قديم الآزل 


ومش حاسس هو بيعمل ايه في جيل كامل وأجيال هتيجي بعده


يعني بسم الله ماشاء الله كده 


احنا مافيش قدامنا حل غير آلة الزمن


هي اللي ترجعنا زمان تاني نشوف بنفسنا وبعدين نحكم بالحق ونرتاح بقى 



هناك 15 تعليقًا:

  1. really need to know the truth ? i think you dont. these things are for old people, and you are only as old as yo think you are

    ردحذف
  2. welcome to Egypt

    الناس اللى بتفظسنى ضحك بقى اللى هو يسمع الرأيين و يحفظهم كويس ( مش يفهمهم ) .. المهم لما يشوف حد مع رأى ( فلان ) يقوله :
    - لأ انا مع رأى ( علان ) .. عشان كذا و كذا و كذا
    و ممكن بعدها بثوانى يقعد مع حد تانى بيوافق ( علان ) يروح صاحبنا قايله :
    - لأ انا مع رأى ( فلان ) عشان كذا و كذا و كذا

    و على رأى اللمبي
    محدش فاهم حاجة

    ردحذف
  3. محدش بقى عنده استعداد يسمع حد وكله اي كلام

    ردحذف
  4. بجد عندك حق

    واكبر مثال على كده الملك فاروق اللى فضلت طول عمرى الدراسى معرفش عنه غير انه كان معتبر مصر عزبته واذاى كان بيقضيها سهر وخمره ومخدرات تقريبا......واتصدمت فعلا لما قريت كتاب بس كان تقريبا عامله واحد قريب الملك لانه كان مصوره محمد على تانى.....بس ساعتها اتاكدت ان الراجل ده مش وحش زى مكانو بيعلمونا.

    الخوف بعد كام سنه نكتشف ان كل اللى اتعلمناه فى التاريخ ناقص او غلط.

    ردحذف
  5. ازيك يا بنوتى
    اللى بيعملوه ده حاجة تفرق بجد
    زى بالظبط مافى ناس تقولك عبد الناصر وناس تقولك لا وتبقى مش عارفة ايه مين فين ازاى
    فبصراحة استفتى قلبك يعنى انتى احساسك ايه انتى شايفه فلان ده فاد البلد دى فعلا واللا لا المهم النتيجة اللى ظهرت فى البلد فى فترة حكمه
    شوفى انصحك بانك بلاش تتفرجى على البرامج بتاعة الخناقات دى بجد والله
    انا مقاطعة الحاجات دى من سنين من ايام نجوى ابراهيم ماكانت على دريم طبعا انتى كنتى وقتها لسه بضفاير بس من ايامها لقيت الموضوع مش حضارى فيه هبل واستخفاف بالناس وكاه ملو وقت علشان اعلانات القناة قلت شكرا ميرسى قوى ومن يوميها ولا حتى برامج الفتاوى بجد والله الحاجات دى بتعمل بلبلة غير عادية
    اقولك القراءة هى الحل وسعى مداركك انتى بنفسك من الكتب الاعلام المرئى سم سم قاتل الاعلام المسموع المتمثل فى الاذاعات المختلفة افضل بكثير واكثر ثقافة ورقى والكتب بقى ماشاء الله ما اكثرها وما اكثر الفائدة بين دفتيها
    الاعلام المرئى سحر اسود



    مبروك اللوك الجديد للمدونة عسولة يا احلى سرسورة وحشانى

    ردحذف
  6. آه والله , انا بكره نفسي لما اشوف الحاجات دي

    ردحذف
  7. يا فندم لو مكنش الاتنين الضيوف كل واحد ليه رأى مخالف للآخر مكنش هيبقى فيه حلقه تتشاف أصلا


    وعامة الاختلاف ده شئ صحى .... وعليا بقى انى أفكر واختار الصح من وجهة نظرى ،، اللى أقدر بيه أتخانق مع أصحاب وجهات النظر الأخرى بعد كده :D

    ردحذف
  8. even a time machine can't help, because even if you live in the time of that president or king, you can't see the things that happen objectively. You'll always see it subjectively, as your interests dictate.
    I believe there is no objective history, only subjective histories and 'truths', depending on the point of view.

    sorry I answered in english, I have no arabic on this computer.

    ردحذف
  9. even a time machine can't help, because even if you live in the time of that president or king, you can't see the things that happen objectively. You'll always see it subjectively, as your interests dictate.
    I believe there is no objective history, only subjective histories and 'truths', depending on the point of view.

    sorry I answered in english, I have no arabic on this computer.

    ردحذف
  10. يرحمونا ليه

    دي تجارة يعني يجذبوا المشاهد بايه الا لما يجيبو لنا مصارعة ديوك كل واحد ينقر في التاني وينتفو ريش بعد ويعقدونا في حياتنا

    تحياتي

    ردحذف
  11. يا ست سارة
    العملية كلها أفلام
    يعني بتبقى متفبركة والطرفين بيمشوا مع بعض في عربية واحدة وبيسهروا في مكان واحد بعد لما البرنامج يخلص
    وبياخدوا دولارات كتير بعد الحلقة
    يعني سبوبة

    وأكيد الحقيقة مش مع حد فيهم
    الحقيقة احنا اللي هنوصلها بنفسنا لما نفهم الناس على حقيقتها وندور ونخبط في الدنيا شوية
    والزمن هيكشفهم جميعا
    بس العملية مسألة وقت

    ردحذف
  12. كلامك سارة-سان ينطبق بالمللي على برنامج معين في قناة الجزيرة أظن الكل عارفينه، خاصة إنه شهير بالخناقات الممتعة دي! أيوة خناقات ممتعة لأني بشوف فيها أقصى درجات الغضب البشري والبعد عن التحضر ف النقاش.. كنت شفت من كام يوم على يونيوب حلقة من نفس البرنامج ده للشيخ وجدي غنيم وواحد من قادة حركة فتح اسمه زياد أبو عين على ما أذكر، رغم إن الغلبة في الحوار والحجة كانت للشيخ وجدي إلا إني بلوم عليه -وأنا في ا لواقع بحترمه وبحبه جداً- إنه تحول في منتصف الحوار للصوت العالي وكان الموضوع فعلاً هيقلب بخناقة لولا إن المذيع هدا الجو!

    وشكراً سارة-سان على التدوينة :)

    محمد الوكيل

    ردحذف
  13. مفيش حاجه اسمها الحقيقه فين في التاريخ ، لان التاريخ عباره عن احداث و الناس بطبيعتها تختلف على تفسير هذه الاحداث و كل حسب رؤيته و عقليته ، فانا ممكن اشوف واحد بيتبرع بفلوس انه انسان خير ، و ممكن واحد تاني يشوفه انه منافق و بيحاول يجمل صورته ....

    في الاخر كل واحده فينا ليه رأي ..

    لكن هناك اشياء في التاريخ تستطيعي ان تأخذي منها العبر و خصوصاً ان لا خلاف عليها ، و اشياء تعرفي منها اصل الاشياء مثلاً كمن يعلم تاريخ اسرائيل في المنقطه و يعلم ان هذا الكيان لا يمكن ان يكون صديق و ان لا سلام مع بس هى مجرد هدنه و إن طالت ...

    و اشياء اخرى كثيره و عبر تأخديها من القصص و في وجهة نظري ان التاريخ الحديث اكثر تعقيداً من التاريخ القديم لما فيه من اشغال سياسيه كثيره و عدم حياديه في كتابته و لذلك ربما تجدي نفسك لا تعرفي اين الحقيقه ، اما عن التاريخ الذي هو حقيقي بالفعل وليس فيه اي خطأ لان من كتبه لا ينظر من جانب واحد ولا يمكن ان يلتبس عليه الامر و هو الوحيد الذي يعرف ما بداخل الانسان هو التاريخ و القصص التي ذكرها القرآن عن الاقوام السابقه ...

    دي كانت بعض مفاهيمي العامه ولكن في النهايه يبقى ان عليكي و على جميع الناس التحلي بالقراءه و معرفه التاريخ و اصول الاشياء حتى تكون لديهم ولو بعض المقاييس يستطيعون ان يتحققوا من الاشياء بها و تساعدهم على فهم الاوضاع ...

    اتمنى لكي مشاهده ممتعه
    إلى اللقاء .

    ردحذف
  14. هههههههههههههههههههه


    مش دول اللى انتى عايزة تبقى معاهم

    عموما

    السفه ف كل مكان و لكل وقت

    وعلى الدنيا السلنكتيه

    ردحذف
  15. ده مش مكانك
    مش دورك
    مش رسالتك
    مكانك مش مشاهدة ولا قارئة ولا مستمعة
    دورك استقراء الاحداث
    وتوضيح هذه الامور من وجهة نظرك كصحفية ومحققة للأحداث
    كل حوار ونقاش مطلوب منك ان تبحثي وراءه
    وتقرأي لتصلي للرأي الادق
    وتكتبيه ونقرأ نحن لك
    انت لست قارئة
    وانما تقرأي لتكتبي
    لا يجب ان تشاهدي مثلنا
    والا فأنت تتخلي عن كونك صحفية
    لتجلسي في مقاعد الجمهور
    يجب ان تنظري بعين غير اعيننا
    وتسمعي بأذن غير أذننا
    لأنه مطلوب منك البحث والتقصي
    دورك الكتابة وليس القراءة

    ابحثي جيدا
    لتوضحي لنا الامور
    توضيح باحث عن الحقيقة
    وليس سفسطة متحامل او تبرير مذنب
    فالتاريخ لا يكتبه من عاصره
    والحقيقة لا يظهرها من شارك في صنعها
    انما هم رواة
    يكتبون ما يرونه بأعينهم
    وانت
    والمحققون التاريخيون والمؤرخون
    دوركم البحث بالمنهج العلمي
    للوصول للحقيقة

    نحن في انتظار اعين وآذان ولسان الصحفية المدققة المحققة

    ربنا ييسرلك امورك

    ردحذف

Say something...