2009-11-11

معلش




مابحبش أشتكي للناس .. كل ما يسألوني عن حالي بلاقي لساني يقول لهم



"زي الفل " أو " الحمد لله تمام "


رغم ان جوايا موجوع .. ورغم اني كنت عايزة أقول لهم تعبانة أوي

يمكن يبطلوا يحسدوني على ضحكتي اللي ما بتفارقش وشي


لكن انت .. بحب أوي أقولك كل اللي جوايا  .. كل اللي مخوفني وتاعبني .. 

علشان بحب أوي تقول لي معلش 


معلش بتاعتك غير بتاعة كل الناس


معلش بتاعتك بتخليني أسامح كل الدنيا .. 

بتخليني أحس ان كل حاجة في الدنيا دي تهون مدام انت قولت لي معلش


معلش بتاعتك بحس كأن ليها ألف إيد بتطبطب عليا بحنية


وكل ما تطبطب عليا مرة كل ما تشيل من على ضهري هم جديد








هناك 7 تعليقات:

  1. مشاركة الهموم مع انسان اخر بتخفف من الحمل ...بس مش اى حد!!!
    يارب ماتشيليش ابدا هم يا قمر ...ويارب يديم عليكى الصحبة الصالحة

    ردحذف
  2. السلام عليكم وبعد :- لا اتفق مع الاخت ريم مشاركة الهموم لا تخفف اي حمل بل بالعكس فهي هم مستقبلي سيضاف في اي وقت لسببين الاول والاهم لانه سيكشف نقطة ضعف لديك للشخص المستمع والثاني وبدون مبالغة والا ما شاء الله فان صديق اليوم عدو المستقبل .. والى الاخت صاحبة المقال ((مهما قلتي ما حك جلدكي مثل ضفركي )) ولا تشكو للناس جرحا انت صاحبه ............. لا يؤلم الجرح الا من به الم

    ردحذف
  3. ريم .. صح مش أي حد لازم يكون انسان بيحبك ويحس بيكي بجد

    ريم .. اسمك غالي عليا جداً :)

    نورتيني

    ردحذف
  4. فؤاد العبيدي وعليكم السلام ورحمة الله وبركاته .. انا متفهمة جداً وجهة نظرك ودا رأيي بالنسبة لشاخص كتير
    لكن الانسان اللي معلش بتاعته تعمل فيك كده مااعتقدتش انه هيكون عدو في يوم من الأيام .. او على الأقل ما اتمناش دا يحصل
    وانقلابه لعدو مصيبة أكبر من انه يملك نقطة ضعف ليا .. نورتني جداً

    ردحذف
  5. i have one of those people and i really am grateful. i only share my feelings with him and he knows how to make me feel better

    ردحذف

Say something...