2009-11-21

هتشتري الكتاب .. تبقى حبيبي وكفاءة



أغلب الدكاترة في الكلية بنشتري كتابها علشان ورقة البحث وترمي الكتاب لأنه ما ينفعش ببصلة


وفي دكاترة - نادرة - بتستفيد من كتابها حتى بعد ما السنة تخلص


المهم ان كلنا عارفين اننا بنشتري الكتاب علشان البحث .. وبنعمل البحث علشان الدكتور يتأكد اننا اشترينا الكتاب


عارفين .. وساكتين .. وراضيين


والموضوع ماشي من تحت لتحت فلة جداً


لكن بقى التهديد يبقى عيني عينك كده ؟!!
حاجة مستفزة أوووووووووووي


الدكتور وهو بيشرح - او بيعمل ما يسميه شرح يعني - بيدينا مثال على الخبر


وعلى الخبر المفسر والمجرد


يقولك الخبر المجرد لما نقول



" د / عبد السلام سقط دفعة صحافة طنطا كلها "


أما الخبر المفسر بقى لما يقول :



" د / عبد السلام سقط دفعة صحافة طنطا كلها علشان ما اشتروش الكتاب !!! "


حاجة قمة في الـــــ ........
مش عارفة الاقي وصف مهذب بصراحة




يعني احنا متحملين انه بيخلينا نطلع من بيتنا الساعة 6.5 الصبح علشان نلحق محاضرته


متحملين انه بياخد غياب والمحاضرة مالهاش أي لازمة


بنروح المحاضرة علشان يقعد يحكي لنا قصة حياته


بيحكي لنا كل محاضرة قصة كفاحه واتخرج امتى واخد الدكتوراه امتى


وبيحكي لنا على بيته الــلي - عقبال عندكم 3 ادوار - وانه لازم يصحى بدري علشان يرش السقف


وبعدين يدي العمال المفتاح ويجيب الطي اللي ناقص و .......... إلخ الخ كل محاضرة كده


كأن المادة اسمها " محاضرات في السيرة الذاتية لدكتور عبد السلام " مش محاضرة تحرير صحفي


كل دا مستحملينه ومكتومين .. كمان يجي يقول اللي مش هيشتري الكتاب هيسقط ؟؟


ويقول لنا بصريح العبارة كده


" ادفعوا ادفعوا فلوس الكتب اشمعنى بتدفعوا فلوس في الشيبسي والحاجة الساقعة "


وانت مااااااااااااااااااااااااااااااااااالك ؟؟؟

انت مالك يا اخي


محسسني  اننا في ابتدائي



بندفع فلوسنا في الشيبسي والحاجة الساقعة




وختمها بقى بإيه ..


مسك كشف الاسامي ونادى اسم اسم .. واللي حجز الكتاب .. يبقى " موفق يا بني .. ناجح ان شاء الله " واللي ما حجزش


ما حجزتش ليه ؟؟


ويوقفه يستجوبه


طب انت ايش عرفك ما يمكن ظروفه ما تسمحش يا أخي انت مالك ؟؟ مالوش دعوة


وفي الآخر .. الكتاب ولا ليه أي لازمة


نص الصفحة كلام ممسوح وخط صغير


ولا بتفهم منه اي حاجة في اي حاجة


انا قولتها حكمة من زمااااااااااااان


" الدكتور اللي ياخد غياب في محاضرته يبقى واثق ان كلامه مالوش أي لازمة وإن الطلبة اكتشفوا ان كلامه مالوش أي لازمة "






هناك 9 تعليقات:

  1. للأسف الظاهرة دي موجودة كتير جداً وبيحسسوني إن الكلام الموجود في كتاب القسم (أو كتاب الأستاذ بمعنى أدق!!) كلام منزل لا يأتيه الباطل من بين يديه ولا من خلفه.. المفروض إننا مطالبين بإننا نذاكر وننجح بغض النظر عن مصدر المذاكرة.. صح؟

    طيب افرضي واحد اشترى الكتاب ومذاكرش منه! كده بقا هتبقا فلوس الكتاب حرام لأن الواحد مستفادش بالكتاب في شئ..!

    معلش يا سارة-سان استعيني بالله واصبري على الدكاترة دول إن الله مع الصابرين ^^

    محمد الوكيل

    ردحذف
  2. والله يا سارة معاكِ حق فعلاً في كل كلمة
    أنا في رابعة حقوق و 3 السنين ألي فاتوا ألي بتقولي علية دا كان بيحصل بالملي و كان في ناس بتسقط علشان مودتش البحث علشان دا معناه أنهم مشتروش الكتب فعلاً حاجة تحرق الدم

    على فكرة الكلام دا مبيحصلش معاية أنا أصلاً مبشتريش كتب ولا بودي أبحاث علشان ماما شغالة في الكلية بتجبلي الكتب ببلاش و الدكاترة عرفني << واسطة بقى حاجة تحرق الدم زيادة
    P:

    ردحذف
  3. محمد الوكيل .. مظبوط يا محمد والله .. مليون مرة بيقولوا لنا كلام مش مقتنعين بيه وبنضطر نردده زي الببغاوات علشان ننجح :((
    عايزة اقولك اني كتير جداً بشتري الكتاب وما بعملش بيه حاجة لأن اساساً الكلام اللي ف الكتاب غير اللي ف المحاضرة لأن الكتاب مش الدكتور اللي كاتبه هو مجمه قص ولزق من اماكن كتير

    ردحذف
  4. محمد ابو سنة يااااااااااااااسيدي ياااعم

    يابخت من كان الوزير خاله ;)

    ردحذف
  5. I faced a situation like this back when I was at college, a DR wanted us to buy a book not to succeed as your DR declared but to know the syllabus of the course and what to study!.
    The solution was that none of us bought the book even the ones who reserved it asked for their money back and we headed to the dean of the faculty and complained to him about what happened.
    The next lecture the whole class attended the lecture which normally had 20-30 attendees just to see the look on the DR's face after what happened.

    ردحذف
  6. هههههههههههههههههههههههه اسلام بجد انتوا جدعان اوي والله العظيم
    تصدق فكرة جامدة
    بس للأسف ما تنفعش عندنا عندنا ناس دحيحة ومش متفقين مع بعض وعايزين يطلعوا اوائل على الدفعة ومرضى بالجبن
    نورتني جداً
    بس ماقولتليش كان شكله ايه الدكتور بعد ما عملتوا فيه كده ؟

    ردحذف
  7. تيمووووووووووووو22 نوفمبر 2009 في 3:34 م

    تيموووووووو
    بجد الموضوع ده بقى كتير اوى فى الكليات والجامعات
    بس المهم انك ما قلتيش فين كليتك فى طنطا بالظبط اصل انا من طنطا وهموت واتعرف عليكى

    ردحذف
  8. The DR was a "She", she tried to explain the lecture as nothing happened at all but it was obvious that she was completely mad, at the end of the lecture she gave us the syllabus (we reglaha fo2 ra2abetha).
    Actually we also have some nerds that can't stand those situations but when they saw that the whole class is doing this (and luckily most of the top students were in) they decided to join.

    ردحذف
  9. سارة انتى لسه مافهمتيش الجامعه وخصوصا طنطا والزقازيق البحث او الشيت أهم من الشيبسى والحضور أساسا
    عشان كده عمرنا ماهنتقدم


    تحياتى

    ردحذف

Say something...