لعلمك

لعلمك

إقرأ لي

دخلوا بكليك شمال :D

Blog Archive

الأربعاء، نوفمبر 25، 2009

postheadericon مش قادرة أفهم ليه !






المعروف ان الانسان اللي ماشي غلط دا يا إما هو مش عارف انه ماشي غلط


يا إما عارف بس مش مقتنع بالصح أو مش حابب الصح


اللي مش قادرة افهمه بقى .. الإنسان اللي ماشي غلط ،

وعارف انه غلط ، وبيتظاهر بإنه بيعمل عكس الغلط دا 


يعني مثلاً في واحدة كنت اعرفها من كام سنة


البنت دي كانت مش عاتقة نفسها .. نميمة ع الناس تنم


توقيع وفتنة تعمل ؟، وبترسم على شباب وتحاول تشاغلهم


وبتكذب و وبتنافق و..... و.... إلخ 


وتلاقيها بتدرس في الأزهر ، و تدخل على المنتديات بأسامي دينية


وتلاقيها مافيش مانع انها تنزل مواضيع بتقول فيها مدى حرمانية النميمة والفتة والاختلاط و و و و


!!!!





وغيرها كتيييييييييييييييييييييييير


شوفت ولد زيها نفس الوضع كده .. بيتكلم على البنات 


وبيحاول يشاغلهم ويعلقهم بيه وبيدخل مواقع مش ولابد 


وتيجي تكلمه يحسسك انه راهب ما بيفارقش المصحف ولا سجادة الصلاة 


!!!!!








و النهاردة كنت بتفرج على بروفايل واحدة ع الفيس بوك وبشد في شعري


لأني عارفة كويس هي ايه وبتعمل ايه


والاقيها حاطة أدعية وأذكار وصور اسلامية !!


ليه كده ؟؟


وواحد اتجوز واحدة سيرتها تقرف وراح ملبسها نقاب علشان الناس ما تعرفش انها هي


الله ؟؟ لما انت عارف انها وحشة ومكسوف منها اتجوزتها ليه ؟؟


وواحدة تانية لبست نقاب من كتر ما هي سيرتها بقت هباب من اللي بتعمله مع الشباب


والمشكلة انها عارفة انه غلط ولسة مستمرة بعد ما لبست النقاب في اللي هي بتعمله


طب لييييييييييييه ؟؟



ليه لما انت شايف ان كلامك مع البنات غلط و المفروض انك مؤمن بكدة بتكلمهم ؟؟


لو قوولت لي مش مقتنع بكدة طيب ايه يخليك تقول كده للناس ؟؟!!


ليه لما انتي انسانة مش طاهرة وعفيفة بتلبسي حجاب وأحياناً نقاب 


وتعيبي كمان على اللي مش لابسة مثلاً نقاب وتتهميها بالتقصير والسفه !!


ليه  بيتظاهروا انهم حملان بريئة وهم مش كده 


لما هم مش مقتنعين بإنهم يكونوا كده بيقولوا احنا كده ليه ؟؟


ولو هم مقتنعين ان الصح هو اللي بيتظاهروا بيه ما بيعملوهوش ليه ؟؟



ليه تبقى عارف الطريق الصح فين وما تمشيش فيه


ليه بتعمل نفسك ماشي فيه واول ما الناس يدوك ضهرهم او يغمضوا عينهم 

تجري جررررررررررررررررري على الطريق الغلط


مش قادرة افهم بصراحة





______________________________________


تحديث مهم


التعليق دا جالي من " مجرد مدونة " عن الموضوع دا وبجد عرفت منه حاجات كتير كانت غايبة عني


علشان كده حبيت انكم تشاركوني قرأته 


بسم الله الرحمن الرحيم

بالنسبة للموضوع..
هو احنا ممكن نبص له من كذا اعتبار..
أول حاجة فى أشخاص مخطئين وبيعملوا ذنوب رهيبة، لكن بيقولوا فى نفسهم انا ممكن مش قادر ابطل الذنوب دى لكن موضوع انى احط مثلا خلفية اسلامية او دروس دينية، دى حاجة سهلة وبتجيب لى حسنات مش هخسر حاجة يمكن ربنا يغفر لى ويتوب عليا!!

ناس تانيين ممكن يكونوا فعلا مش عارفين انهم بيعملوا خطأ بس دول أكيد مش هينكروا على الناس الخطأ اللى هما بيقعوا فيه ..

لكن فى ملحوظة مهمة، انا ممكن اكون بعمل ذنب معين -ومحدش خالى من الذنوب- لكن مش قادر اتوب او بحاول اتوب، فلو شفت واحد بيعمل نفس الذنب هل أنكر عليه وأوعظه بالحسنى طبعا!! ولا لأ؟؟

العلماء بيقولوا انى لازم اوعظه حتى لو انا كنت بعمل نفس الذنب تصورى!!

وعشان كده فى جملة شهيرة بتقول "وجب على أصحاب الكؤوس أن يتناصحوا" يعنى ايه؟؟
يعنى لو اتنين بيشربوا خمر يجب عليهم انهم يقولوا كده "على فكرة يا جماعة احنا المفروض نبطل واللى احنا بنعمله حرام" طب ده مش يبقى تناقض؟؟

لأ مش تناقض لأنهم اذا ما عملوش كده هيبقى الذنب ذنبين:
1-المعصية
2-ترك الأمر بالمعروف والنهى عن المنكر
ولا شك ان ترك الأمر بالمعروف والنهى عن المنكر ذنب والرسول صلى الله عليه وسلم بقول:"من رأى منكم منكرًا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان" أو كما قال


وده ممكن يخليه هو بالتدريج يبطل المعصية دى مادام كل ما ييجى يعملها يستحضر انه بيعمل حاجة حرام، واحدة واحدة هيكره المعصية إن شاء الله..

فى ناس بقى زى ما حضرتك قلتى كده بيعملوا المحرمات وفى نفس الوقت بيوعظوا الناس لمجرد انهم يتكبروا عليهم مثلا أو يحسسوهم انهم أتقى منهم وده خطأ شنيع وإثم كبير والعياذ بالله، لكن احنا ما نقدرش نحكم على اللى فى قلوب الناس!

احنا لينا بالظاهر والله يتولى السرائر..

لكن على كل حال لازم اللى بتوعظ أختها أو صديقتها دى ما تبصلهاش أبدا نظرة احتقار أو استهانة {كذلك كنتم من قبل فمن الله عليكم} ، ولازم توعظها بالحسنى دون شدة.. كما كان هدى النبى صلى الله عليه وسلم {ولو كنت فظًّا غليظ القلب لانفضوا من حولك}

لكن رأيى الشخصى، ان التناقض هو سمة بشرية تختلف نسبتها فى كل إنسان ..
وأخيرا
تقبل الله منا ومنكم صالح الأعمال
كل سنة وانتم طيبين

10 بوينتس أوف فيو:

محمد أبوسنة يقول...

طبعاً كلام صح صح صح جداً

بس يا سارة أعتقد يعني
أن الناس ألي كدا عندهم خلل نفسي

يعني أكيد مفيش حد مبيغلطش
أنا بغلط و أنت بتغلطي كل الناس بتغلط
لكن أني أغلط و أفضل مستمر في الغلط
و قدام الناس أعمل نفسي ملاك طاهر
دا مش تفكير سوي على الأطلاق

لكن بردو في ناس بتغلط و مش عارفين أنهم بيغلطوا
أو بمعنى آخر
أنت شايفاهم بيغلطوا لكن هم مقتنعين أن الي بيعملوه دا الصح

دا موضوع تاني طبعاً

المهم

الأمثلة طبعاً زي الفل

و أسمحيلي أضيف حاجة شوفتها بعيني

مرة كنت طالع من كلية تربية ألي في محب
و ماشي ووصلت محب مع البحر و هنا شوفت أقذر منظر في حياتي

واحدة لابسة نقاب كامل على وشها و دا عادي
بس الحقارة بقى أنه على وشها و بس و بعد كدا لابسة بادي و بنطلون جنز ضيق

طبعاً كل واحد حر يلبس ألي على كيفة بس المنظر دا أستفزني فعلاً

و أعتقد أنها من ألي بتتكلمي عليهم

و تسلم أيدك على التدوينة الجامدة دي

سمو الأميرة سارة يقول...

تصدق فعلاً يا محمد ، هم اكيد مختلين نفسياً
اعتقد انهم شوية وهيجيلهم انفصام في الشخصية

عارف انا ممكن احترم اللي بيغلط ويقول انا معترف اني غلط بس مش قادر اتغير او بحاول اتغير
واحترم اللي بيغلط ومقتنع انه صح

اكتر من اللي يكون غلطان وعارف انه غلطان وينكر انه بيعمل الغلط دا ويدعي الطهارة

دا يبقى على رأي أحمد خالد توفيق " انسان جدير بحطب جهنم "

نورتني يا محمد

Appy يقول...

ساعات مبيكونوش عارفين انهم غلط الانسان مش بيشوف اخطائه
واللى بيدى حق لنفسه مبيرضاش يديه لغيره

سمو الأميرة سارة يقول...

آبي حبيبتي منوراااااااااني
بصي يا آبي لو هو مش عارف انه غلط مش هينكر انه بيعمل كده صح ؟

فؤاد العبيدي يقول...

السلام عليكم وبعد :- كلام جميل وصح لانو اسخف كذب في الوجود هو كذب الانسان على نفسه والمشكلة انو يقنع نفسه انه صح بس ما الفائدة ..كل الناس تعرف حقيقتك الي مخبيها في نفسك (تحت ذقنك او خلف نقابك)بس لو انتبهتي ايتها الاخت الكاتبة انه سبحان الله مهما بالغو في تمثيلهم على الناس فانهم في لحظة ما ينكشفون ويظهر للناس بصورة جلية المسخ او الشبح الذي يحاولون اخفائه واما جواب سؤالك (مش قادرة تفهمي ليه؟)فهو ان كنت لا تدري فتلك مصيبة .......... وان كنت تدري فالمصيبة اعظم

سمو الأميرة سارة يقول...

معاك حق يا فؤاد بيبقوا مكشوفين اوي وعاملين زي المسخ فعلاً
ماهو اصل ربنا لازم يفضحهم
ربنا يهديهم يارب

شكراً ليك يا فؤاد نورتني

وعجبني بيت الشعر دا بجد

حنين الذكريات يقول...

فيه ناس كتير اعرفهم زى اللى بتتكلمى عليهم ويقولوا قال الله والرسول وبتيجى الفتنه منهم والنفاق واضح جدا فى كل تصرفاتهم ربنا يهديهم
وكل عام وانتى بخير وياريت تقرى اخر حاجه كتبتها يمكن تعجبك زاى اللى قبلها

Somaya Kamal El Din يقول...

صح جداااااااااااا

فى ناس كتير كده

ممكن ناس تكون بعمل غلط وعارفة الصح بس مش بتقدر تعمل الصح

بس معرفش ليييييييييييييييييييييييه
بيعلوا نفسم كويسين وينصحوا ف الناس


او حتى الناس اللى مبعتملش غلط محدد لييييييييييييه بتحاسب الناس اللى بتعل الغلط اللى مش بتعمله


ناس بتشتغل بالها ناس تانية
وناس عايشة تحاسب ناس وناسية نفسها

بس المهم ان كل واحد يركز على نفسه ويعرف هو صح ولا غلط ويحاول دايما يمشى مع الصح وياخد الناس معاه فى طريقة

مجرد مدونة يقول...

بسم الله الرحمن الرحيم
أول تعليق ليا فى المدونة وإن شاء الله ما يكونش الأخير :) لكن طبعا زرتها كذا مرة قبل كده بس ما كانش فى وقت أكتب تعليق، بالمناسبة ليكى مدونات كتيرة اوى انا مش عارف اتابعها كلها ؟؟؟
بالنسبة للموضوع..
هو احنا ممكن نبص له من كذا اعتبار..
أول حاجة فى أشخاص مخطئين وبيعملوا ذنوب رهيبة، لكن بيقولوا فى نفسهم انا ممكن مش قادر ابطل الذنوب دى لكن موضوع انى احط مثلا خلفية اسلامية او دروس دينية، دى حاجة سهلة وبتجيب لى حسنات مش هخسر حاجة يمكن ربنا يغفر لى ويتوب عليا!!

ناس تانيين ممكن يكونوا فعلا مش عارفين انهم بيعملوا خطأ بس دول أكيد مش هينكروا على الناس الخطأ اللى هما بيقعوا فيه ..

لكن فى ملحوظة مهمة، انا ممكن اكون بعمل ذنب معين -ومحدش خالى من الذنوب- لكن مش قادر اتوب او بحاول اتوب، فلو شفت واحد بيعمل نفس الذنب هل أنكر عليه وأوعظه بالحسنى طبعا!! ولا لأ؟؟

العلماء بيقولوا انى لازم اوعظه حتى لو انا كنت بعمل نفس الذنب تصورى!!

وعشان كده فى جملة شهيرة بتقول "وجب على أصحاب الكؤوس أن يتناصحوا" يعنى ايه؟؟
يعنى لو اتنين بيشربوا خمر يجب عليهم انهم يقولوا كده "على فكرة يا جماعة احنا المفروض نبطل واللى احنا بنعمله حرام" طب ده مش يبقى تناقض؟؟

لأ مش تناقض لأنهم اذا ما عملوش كده هيبقى الذنب ذنبين:
1-المعصية
2-ترك الأمر بالمعروف والنهى عن المنكر
ولا شك ان ترك الأمر بالمعروف والنهى عن المنكر ذنب والرسول صلى الله عليه وسلم بقول:"من رأى منكم منكرًا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان" أو كما قال


وده ممكن يخليه هو بالتدريج يبطل المعصية دى مادام كل ما ييجى يعملها يستحضر انه بيعمل حاجة حرام، واحدة واحدة هيكره المعصية إن شاء الله..

فى ناس بقى زى ما حضرتك قلتى كده بيعملوا المحرمات وفى نفس الوقت بيوعظوا الناس لمجرد انهم يتكبروا عليهم مثلا أو يحسسوهم انهم أتقى منهم وده خطأ شنيع وإثم كبير والعياذ بالله، لكن احنا ما نقدرش نحكم على اللى فى قلوب الناس!

احنا لينا بالظاهر والله يتولى السرائر..

لكن على كل حال لازم اللى بتوعظ أختها أو صديقتها دى ما تبصلهاش أبدا نظرة احتقار أو استهانة {كذلك كنتم من قبل فمن الله عليكم} ، ولازم توعظها بالحسنى دون شدة.. كما كان هدى النبى صلى الله عليه وسلم {ولو كنت فظًّا غليظ القلب لانفضوا من حولك}

لكن رأيى الشخصى، ان التناقض هو سمة بشرية تختلف نسبتها فى كل إنسان ..
وأخيرا
تقبل الله منا ومنكم صالح الأعمال
كل سنة وانتم طيبين

فؤاد العبيدي يقول...

بسم الله الرحمن الرحيم وبعد : السلام عليكم وكل سنة وانتو طيبين وكل المسلمين يا رب مش حطول واكتر حسيبك تخوضي التجربة رغم اتفاق جميع الناس على انو الناس الي بالشكل ده مرضى نفسيين وحتلاقي الرد منهم كالاتي 1 مين انت علشان تنصحني ؟ وكانك بتكلمي ابن تيمية زمانو 2 على طرف لسانو اية قرانية تؤيد موقفو وكانو بيقلك انا حافظ 35 جزء من القران الكريم 3 حيدور ويقعدلك عل الزلة ويبص وراك في الرايحة والجاية وغيرو وغيرو الاجدر الدعاء لهم من بعيد وبس وده رايي على الاقل والسلام.

المتابعون

اعتبرها بيتك ♥

وِش القفص

خليك ورايا

دليفري..