اسمراني وسيم وزي القمر .. طول وعرض وخفة دم
شهم وطيب وجدع أوي ، والضحكة مش بتفارق عينيه ولا وشه
مافيش حد عرفه وما حبهوش ... ومافيش حد عرفه زعل منه
وجوده في أي مكان ليه طعم تاني .. وجوده يعني ضحك وفرفشة ومافيش هم
بيحب الدنيا أوووووووووي وبيحب يعيش حياته صح
ويحافظ على صحته وعلى شياكته
هو نور عيون أمه وفرحة قلبها
وسند اخواته وضهرهم
من بعد ما الموت خطفه ماعرفش البيت طعم الفرحة اللي بجد
و راحت فرحة الشارع كله مش بيتهم بس
.........
وحشتني اوي رغم اني عمري ما شوفتك
واخدت من طباعك وملامحك من كتر حب أمي ليك
كان نفسي أشوفك ولو مرة واحدة من كتر كلامها عنك
لما بقلب في جواباتك واشوف خط ايدك اللي كان هو نفسه بيضحك
بحس اني فاتني كتيييييييييير أوي علشان ماعرفتكش
بحبك أوي ياخالو
ربنا يرحمك
جمعك رب العالمين مع كل ما تحبين في جنات الفردوس ... أمين يا رب العالمين
ردحذفربنا يرحمه ويدخله فسيح جناته ويجمعك بيه في الجنه مه المصطفي صلي الله عليه وسلم
ردحذفمؤثرة أوي بجد يا سارة-سان، ربنا يرحمه ويغفر له وموتى المسلمين جميعاً.. بجد كلامك عنه في الأول حببني فيه من غير ما أشوفه ومن قبل ما أكمل قراءة التدوينة..
ردحذفشكراً سارة-سان الله يبارك لك :)
@ احمد فارس آميييييييييييييييين يارب وانت كمان يا احمد يارب
ردحذفاحمس ياااااااارب اللهم امييييييييين
ردحذفمحمد الوكيل :) ربنا يخليك يارب
ردحذفبس بجد انا تقريباً ماقولتش حاجة هو يستحق اكتر بكتيييييييييير