إمبارح ع بالليل كنت فرحانة :) وصبحت متفاءلة
وبقالي كام يوم مستبشرة وراضية عن حالي ونفسي
صباحكم تفاؤل ورضا
:)
اسمعوا دي بقى .. وإدعولي ربنا يديم عليا روقان البال والرضا بالحال :)
إدَن ياديك كمان شوية
الضلمة ليك و الفجر ليا
والدمعة راحت و الضحكة جاية
والحزن نَشِن ما جتش فيا
إدَن ياديك إدَن ولالي
الشمس بكرة تسكن قُبالي
وتمد إيدها تلقاني عالي
وتقول يا غالي
من يوم سكوتك غيرت حالي
وجيه عزيز :)
ربنا يديمها عليكِ نعمة ويحفظها من الزوال ويهديكِ ويصلح بالك إن شاء الله :) (بس كنتِ تحطي أغنية ياباني من المرحين بدل وجيه عزيز اللي معرفوش ده :D )
ردحذفشكراً..
محمد الوكيل
كلمات جامدة جامدة جامدة
ردحذفده اولا
ثانيا الراجل ده اسلوبه حلو قوي وهو بيغني
شكرا يا سارة ع الحالة دي
وعقبالنا يارب بالنا يرتاح شويه
احمس
يااااااااه..
ردحذفاخيرا...
حد متفائل..!!!!
احمدك يااارب
ربنا يديم عليك الروقان..
انا باخد جولة سريعة في مدونتك وها اجي تاني اعلق (';')
وجيه عزيز ده عبقري
ردحذفبجد
ويارب دايما متفائلة كده وعقبالي يارب نفسي اتفائل تاني
عجبني اوي والحزن نشن مجتش فيا بس سبحان الله معايا بيبقي نظرة 6/6
ربنا يديمها عليكى نعمة ويديمها علينا
ردحذفوبجد انا سعيدة اوى انى اخيرا لاقيت بوست فيه تفاؤل وسعادة ورضا
تحياتى
السلام عليكم ورحمه الله وبركاته
ردحذفسعاده دايما علي طول يارب...
ربنا يسعدك كمان وكمان ..
فركشاوي ...زعلان !!
جميلة الاغنية وجميل اني لقيت حد تاني بيسمع وجيه عزيز زي حالاتي
ردحذفربنا يديم عليكي نعمة التفاؤل وهي نعمة لو تعلمين كبيرة