لعلمك

لعلمك

إقرأ لي

دخلوا بكليك شمال :D

Blog Archive

الأحد، ديسمبر 13، 2009

postheadericon انا قررت اذاكر




ايون .. انا  - بكامل قواي العقلية - قررت أذاكر


كفاية بقى لعب وتضييع وقت لحد كده .. 


كل سنة كده اضيع وقتي واجي وقت الامتحانات اتلخم


لأ انا قررت اتغير

انا بس هقرا زغازيغ بتاع د / احمد خالد علشان نفسي تتفتح ع المذاكرة واذاكر بعدها بقى 


ايون


قريت زغازيغ وكل ما اقرا حبة واحس بالساقعة اسحب اللحاف اكتر وانزل تحتيه اكتر


ونزلت نزلت نزلت  لحد .........


خخخخخخخخخخخخخخخخخ


- سارة انتي نمتي


ها ؟ اه


 - سارة انتي مش هتسهري تذاكر


هه ؟ مش قـ ـ ـ ـ ادرة  .. بكرة بكرة


تاني يوووووووووم


خلصت زغازيغ الحمد لله 


اذاكر بقى


امممممم يوتوبيا شكلها مغري ، كل الناس بتحبها وانا بكرهها ياترى ليه ؟


اقراها كده واكملها يمكن كرهتها علشان قريتها ع الكمبيوتر


بعدين لازم اخلصهم علشان ارجعهم لــ الوكيل ، عيب كده لما أأخرهم


صح


اقري يوتوبيا 


بس المرة دي بقى هشرب شاي علشان اصحصح كده وما انامش زي امبارح


شربت الشاي


الله الدفا حلو اوووووي 


الله اللحاف والبطانية دول نعمة من ربنا والله


 - سارة اوعي تنامي


* انااااااام ؟؟ هع يابنتي انا شربت شاي

اسكتي بقى علشان اركز ف يوتوبيا


-------


لحظات من الصمت ثم 


خخخخخخخخخخخخخخخخخخخ


سااااااااااااااارة انتي نمتي تاني ؟


- هه ؟ لأ خالص انا صاحية اهو


خخخخخخخخخخخخخخ




سااااارة يابنتي قومي ذاكري


- بصـ ـ ـ ـي انــ ـا هـ ـقـ ـولك هعمل ايه .. انا هصحى بكرة بدري


بدري .. بدري اوي اوي 


واخد دش واعمل نسكافيه علشان افوق


واقعد اذاكر بقى


- بس انتي بتقعدي نت بالنهار ما بتذاكريش


* لالالالالالالالا ، هذاكر مافيش وقت اساساً


- طيب




*****


صحيت النهاردة ، وكالعادة فتحت الجهاز قبل ما افتح عيني ، وصحيح اخدت دش وشربت نسكافيه بس وانا مبحلقة قدام الجهاز


ورغم ان الفيس رخم جداً اليومين دول ، ورغم اني  مش لاقيه حاجة اعملها إلا إني لسة قاعدة لحد دلوقتي


عاااااااااااااااااااااااااااااااااااااااا نفسي اذاكر والله


عندي امتحان يوم التلات ويوم الأربع وكل ما اجي افتح الكتاب انااااااااااام




10 بوينتس أوف فيو:

محمد الوكيل يقول...

هههههههه هما يوتوبيا وزغازيغ فيهم منوم ولا إيه؟ :D (أستعير هنا اقتباس للعظيم حسن حسني على الكوتشي بتاع حلمي: تكونش دي المنوم اللي بتنيمه؟!)

بجد ضحكت من قلبي على البوست ده :D لا لا لازم تشدي حيلك في المذاكرة أكتر سارة-سان وإلا أحس بالذنب وشكلي كده هولع في الكتب بعد ما أسترجعهم لحسن ينوموني أنا كمان XD

شكراً سارة-سان واجتهدي في المذاكرة أكتر هاه؟ ^^

محمد الوكيل

محمد أبوسنة يقول...

ههههههههههههه
دمك زي العسل وربنا
من الأخر كدا دا ألي بيحصل معانا كلنا
و عقبال ما نبدأ نذاكر بجد نلاقي الأمتحان بكرة
و أحنا بنذاكر نقول لنفسنا
يا سلام لو في يومين زيادة قبل الأمتحان
هقفل المادة
طب ما كان قدامك السنة كلها
هههههه
بالنسبة ليوتوبيا
أنا طالبها من الوكيل من زمااااااااان

خدها شريف و دلوقتي أنتِ
و أنا على قائمة الأنتظار
فياريت تذكري و سيبك منها << علشان أخدها :D
أو متذكريش و سيبك منها بردو
ههههههه
ربنا يكرمك يارب
و أن شاءالله تذكري و تجيبي تقدير

احمس يقول...

عارفه يا سارة
انا بقالي في الكلية سنين كتير قوي
كل سنة اقول انا عايز اذاكر بقي من الاول
ومفيش حاجة تفوتني وابقي ملتزم
واعمل جدول مذاكرة ويبقي كله تمام
وبالظبط هما يومين وكان شيئا لم يكن
بس انا ناوي السنة دي بقي التزم بجد
دي اخر سنة وعشان خاطر الكلمتين بتوعك دول هبدأمن دلوقتي
وربنا يوفقنا كلنا يارب ونخلص بقي
شكرا سارة


احمس

๓คภ๏ภค يقول...

هههههههههههههههههه

وربنا حقيقى بيحصل لدرجة انى انا كمان بقيت عايزة انام من كتر ماهى بتنام جنبى

وربنا ماهتفلح السنة دى سارة صدقونى

لا بس بجد ضحكتينى رغم انى عايشة الموقف بتفاصيله

Somaya Kamal El Din يقول...

هههههههههههههههه

اشاركك نفس الشعور

بس انتى كلية ايه

bos bos بسمه عبدالباسط يقول...

ربنا معاكى

حاسة بكلامك ده لانه كان بيحصلى

شدى حيلك

:))

شباك موارب/منار يقول...

لا دا انتي شكلك مش هتجيبيها لبر السنه


بقولك ايه ماتنامي على الارض
وتطلعي السرير من اوضتك خالص

شكلك انتي والسرير بينكم عواطف رهيبه
وواخدين ع بعض خالص

بقولك ايه
هزرنا كتير
نذاكر بقى شويه
خلصي اول400 صفحه وانا مستنياكي

baludec17 يقول...

Wow! good post, nice blog. Blog inter face is very attractive. I am follow your blog. Thanks for share.

بنـوتــــة يقول...

احم
بتفكريني بمقطع فيديو عن مازنجر لجورج عزمي - كما أتذكر اسمه
عن مازنجر
بيتريق ان الحلقات كلها نفس السيناريو مع تغيير الوحش فقط لا غير
أهو احنا كمان كده
D:
كل يوم نفس الاسطمبة و السيناريو
مع اختلاف
المادة المراد مذاكرتها
و الحاجة اللي بنضيع فيها الوقت
D:

تسلم إيديكي يا سارة
بجد حلوة
^ـ^

سمو الامير يقول...

ههههههههههههه

لو عايزة تذاكري بجد ابعدي نفسك عن النت والكتب

أنا زيك كده بردو لما نجتمع احنا الاربعة ( انا والمذاكرة والنت والكتب ) مستحيل اذاكر

يعني لو تعرفي تذاكري مع حد من صحباتك يكون أفضل

ربنا يوفقك يارب

المتابعون

اعتبرها بيتك ♥

وِش القفص

خليك ورايا

دليفري..