لعلمك

لعلمك

إقرأ لي

دخلوا بكليك شمال :D

Blog Archive

الاثنين، ديسمبر 14، 2009

postheadericon سامحوني بالله عليكم





في حملة ع الفيس بوك اسمها اللهم اغفر لكل من اغتابني عجباني اوي الفكرة دي


وفي ناس كتير عملت استيتساتها " أنا اغتبتك من فضلك سامحني " لأي حد ممكن يكونوا جابوا سيرته


احنا كلنا مسحوبين من لساننا أساساً واسهل حاجة عندنا الكلام ..


ع نفس المنوال بقول سامحوني .. ع حاجات كتير  أوي


سامحوني لو وعدت حد اني اعمل حاجة وما عملتش << غالباً بكون نسيت او ما قدرتش أعملها 


سامحوني لو قصرت في السؤال عليكم <<  أنا مقصرة مع كل اصحابي للأسف ودا عيب كبير فيا بس والله بحبكم اوووووي


سامحوني لو كنت رخمة معاكم << لأني  اوقات ببقى في حالة نفسية ربنا اللي عالم بيها ما ببقاش طايقة نفسي ذات نفسها


سامحوني لو قولت كلمة عليكم من وراكم << بقالي اكتر من سنتين واخدة عهد على نفسي اني ما اغتابش حد بس والله غصب عني أحياناً حاجات بتفلت مني :D




سامحوني لو ظنيت بيكم سوء <<أنا باخد وقت كبير عقبال ما اثق فـ الناس ، غصب عني والله


وأخيراً .. سامحوني لو ما كنتش عند ظنكم الكويس بيا << بحاول والله اكون احسن وربنا يعينني 




طبعاً الكلام موجه لكل اصحابي ، وكل الناس اللي اتعاملت معاها حتى لو تعامل بسيط


انا حبيت ابرأ ذمتي لأن ماحدش عارف العمر باقي منه قد ايه

5 بوينتس أوف فيو:

محمد الوكيل يقول...

مش زعلانين من حاجة سارة-سان ^^

محمد الوكيل

شباك موارب/منار يقول...

مسامحينكك جدا
ببساطه لانك كل اللي كاتباه اخطاء مش كبيره
وعندنا امل من ربنا يغفرهالنا
ومن هنا اضم صوتي لصوتك وارفع ايدي بالدعاء معاكي

وليكي احلى بوسه على قلبك الطيب

dodoo يقول...

انا ياسارورتى كلى ثقه انك عمررررك ماتكلمى عنى وحش فى غيابى

بس انا نفسى بجد اى حد قلت عليه كلمه فى غيابه فعلا يسامحنننى

ربنا يتولانا برحمته

الحمله فعلا جااااااامده

momken يقول...

اللهم انى اتصدق بعرضى على كل من اغتابنى او اذانى



تحياتى

غير معرف يقول...

انا بحبك قوى بجد

المتابعون

اعتبرها بيتك ♥

وِش القفص

خليك ورايا

دليفري..