كلنا عارفين ان الفحوصات الطبية قبل الزواج بقت اجبارية منعاً للأمراض الوراثية والمعدية
واكيد طبعاً هي مهمة علشان في ناس ما بتكونش عارفة انها عيانة
وفي ناس بتكون عارفة وبتستعبط
وبتخبي على الانسان اللي هو المفروض شريك حياتهم << بيدبسوه >> بمعنى أصح !
وطبعاً دا ما يرضيش ربنا .
أي نعم الاختبارات دي في مصر نص كم وما بتكشفش المستخبي ولا بتنيل
بس المفروض انها تكون صح يعني
نفسي بقى يعملوا اختبارات نفسية اجبارية قبل الزواج
منعاً للأمراض الاجتماعية !
يعني يعملوا اختبار للزوجين يشوفوا الاتنين دول قد تحمل المسؤولية ولا لأ ؟
يعملوا بردو اختبارات علشان يعرفوا عيوب الشخصيات دي ايه ؟!
وكل شيء ينكشفن ويبان
ومش شرط يسيبوا بعض لما يعرفوا عيوب بعض ،
بالعكس ممكن اوي يكملوا بس يبقوا عارفين هم مقبلين على ايه ؟
وكل واحد من حقه يعرف شريكه بجد علشان يقدر يحكم بجد هو يقدر يعيش معاه ولا لأ
ومش شرط يسيبوا بعض لما يعرفوا عيوب بعض ،
بالعكس ممكن اوي يكملوا بس يبقوا عارفين هم مقبلين على ايه ؟
وكل واحد من حقه يعرف شريكه بجد علشان يقدر يحكم بجد هو يقدر يعيش معاه ولا لأ
لأن كتييييييييير أوي الناس بتكون في وقت الخطوبة حمل ودييييييع وبعد الجواز كله بيبان على حقيقته
وناس كتير بتقول عمري ما كنت اتخيل انه يكون كده او انها تكون كده
ولأن مش كل الناس عندها قوة ملاحظة وبتقدر تاخد بالها من التصرفات العفوية اللي بتبين حقيقة البني آدمين دول ايه قبل الجواز
الفكرة دي لو اتنفذت صح والله بجد هتتغير حاجات كتير
ومتهيألي معدلات الطلاق هتقل ، لأن كل واحد هيبقى عارف اللي فيها من اولها
وكل انسان هيقدر يتعرف على عيوب نفسه هو كمان ولو هو بني آدم بجد كويس هيحاول يصلح من نفسه
وياسلام كمان لو يعملوا كورسات اجبارية في تربية الأطفال تربية سليمة
ولازم يحضروها علشان يتم عقد الجواز ياااااااااااااااااه الدنيا تبقى فللي
عارفة اني بحلم بس مين عارف يمكن الحلم دا يتحقق في يوم من الأيام
هي فعلاً الدنيا تبقي فل اووي و عشان كدا ما أعتقدش إن دا هيتحقق ... بالنسبة لجزء تربية الأطفال و التأكد إنهم علي قدر المسئولية دا أنا موافق عليه جداا .. لكن عيوب الشخصية و الكلام التاني دا ما ينفعش لانه مش هيبقي مقنع بالنسبة للشخص يعني لما حد فينا هيسمع ان عيوبه كذا من شخص غريب عنه (الدكتور او الاخصائي)مش هيقتنع بيه لكن ممكن اننا نتخيل لو كمان نتعلم ازاي تكتشف من عيوب نفسك و تحاول تصلحها لان الانسان هيكون أمين علي نفسه لو عاوز يتصلح بجد و هيصدق نفسه لو كان هو دكتور نفسه و ممكن نتعلم كمان ايه هي اشهر العيوب في الناس و نحاول نصلحها في بعض قبل الارتباط او اثناءه او حتي نلغي الفكره لو شفنا انها مش هتنفع .. و احب ابشرك أنا شايف ان النت و الاحتكاك اللي بيحصل عليه دا بيخلينا نشغل دماغنا و كمان نستفيد من تجارب بعض و اعتقد اننا هنتحسن اكتر مع الوقت و في النهاية يااااااااريت كلنا نتعلم نستمتع بحياتنا و نحب بجد و نبقي مخلصين و يارب كل الخونة علي كل المستويات ينقرضوا و لكن للآسف دي سنه الحياه
ردحذفD007a
وياما أفكار عظيمة وأعمال أعظم نشأت من مجرد حلم بسيط ^^ المهم لا تيأسي سارة-سان، FIGHT!
ردحذفشكراً ^^
محمد الوكيل
ليس كل ما يتمناه المرء يدركه
ردحذف
ردحذفاو كل اتنين صارحو بعض بمشاكلهم و عيوبهم و اتعاونوا على تحسينها مش هيبقى فيه مشاكل
تقبل مروري
أممممممممممم
ردحذفمش عارف يا سارة أنا مش معاكِ في الموضوع دا خالص
علشان كدا هنفقد متعة التعرف على الطرف الأخر و الحكم علية بغض النظر لكون الحكم دا صح أو غلط
قصدي أنكِ لما تعرفي بنفسك عيوبة و مزاياه دا في حد ذاتة متعة
و يا سلام لو حاولتِ تقللي العيوب دي دي متعة أكبر
علشان مطولش عليكِ أنا شايف أن الموضوع دا مينفعش فية أخصائين أو دكاترة
عموماً و كالعادة أفكارك حلوة قوي مش عارف بتجيلك منين << حسد كدا عيني عينك :P
ده ايه الافكار الجهنمية الاسعية دى
ردحذفوالله يا سارة ياريت فعلا يكون فيه اختبارات نفسية لحسن كتير بيتجوزوا ويكتشفوا بعد كده انهم معاشرين ناس خلل
الهى يجعل كلامنا خفيف عليهم
هههههههههههههههه
وحشتينى اوى
احنا بعد عندنا هالاختباررات
ردحذفطبعا اقصد اختبارات الامراض العضويه
بس فكرة الامراض النفسيه حلوه وايد
:)
فكرة راااااائعة
ردحذفتسلمى
انا معاكى ان فى ناس كتير بتقول انا مكنتش متخيل او متخيله انو كده بس خليكى معيا و متبصيش على الفرد نفسو و بس لو انتى ارطبطى بواحد و انتو الاتنين فرحنين مش هتشوفو فى الاول كويس بعد كده تبتدى تنشء عاطفه تتحول الى حاله من الحب او اى كان اسمها فى الحاله دى (المرايه العميا )هتخليهم ميشفوش عيوب بعض اما بالنسبه للمسئوله فا لو راجل بجد و اتحط فى موقف لو عندى 10 سنين هيتحمل مسئوليه و ده رئى المتواضع
ردحذفمحمد فتوح
فكرة جميلة جدا واهم شىء فى البداية الصراحة والوضوح والصدق بين الطرفين ولو اتحققت حاتغير مفاهيم كتير جدا وحايكون فيه وعى فى العلاقة بينهم
ردحذف