لعلمك

لعلمك

إقرأ لي

دخلوا بكليك شمال :D

Blog Archive

الجمعة، ديسمبر 18، 2009

postheadericon زهقت



زهقت من الانتظار ...



من القلق ...



من الخوف  ...



من الاحساس دايماً ان احلامي وحياتي كلها مهددة


والمشكلة ان كل دا مش ذنبي ومش حاجة عملتها بإيدي


زهقت بجد ، اوقات بتحمل وبعمل نفسي مش هامنني


بعمل نفسي بضحك وبعيش وبنبسط وبنسى 


بس ساعات بيفيض بيا


وأنا دلوقتي  فاض بيا

9 بوينتس أوف فيو:

dodoo يقول...

ازيك ياسارورتى

والف سلامه عليكى من الزهق ياقمر

ضاقت ولما استحكمت حلقاتها فرجت وكنت اظنها لا تفرج

باذن الله هيجى وقت تكون كلللل حاجه تمام وتتظبط حياتك وتمشى زى مابتتمنى لان مفيش اى حاجه فى الدنيا بتدوم على حال واحد

اووووووعى تزعلى نفسك من اى حاجه

bos bos بسمه عبدالباسط يقول...

معلش يا جميل

دى حالة بنمر بيها كلنا كل مده

وان شاء الله تعدى على كل خير وتبقى زى الفل

أحمد فارس يقول...

سبحان الله ...
أنا فاهم قصدك جداً والله
بس أبتديت اصلح من نفسي بعد ما اتفرجت على حلقة لحم الغد على قناة ازهري
كان بيتكلم فيها عن ان الحياة مش مستهله نخاف على اي شئ فيها.
فقط نعلم دائماً أن الله معنا ....
وأنه إذا اجتمع كل اهل الارض على ان يضروك بشئ لن يضروك بشئ لم يكتبه الله لك
ولو اجتمعوا على ان ينفعوك بشئ فلن ينفعوك الا اذا قدره الله لك.

توكلي على الله وتفائلي خيراً واجعلي ظنك بالله خيراً دائماً وأبداً وأن ظهر لك الامر بظهور سوء فهو في حقيقة الامر هين بل قدره الله لك لحكمة عنده
ولا تنسيني بالدعوة الحلوة الخالصة وزيارة صغيرة لمدونتي.

أبو كريم يقول...

سمو الأميرة سارة

لا عاش من زهق الاميره

قولى اللهم إنى إرزقنى الرضا بقضائك لليقين بحكمتك والصبر على الطاعه والشكر على النعم


معلش يا سمو الأميره كنت بعيد الفترة الى فاتت بس إنشاء الله راجع تانى للتدويين ولألق الى وحشتنى بجد

سلام مؤقت

مصطفى محمود يقول...

ده طبيعي يا سارة
أي حد عنده طموح وهدف معين مصر علىه لازم يمر بالمرحلة دي

مرحلة الخوف من ألا يتم ما يحلم به
مرحلة القلق من كل شيء حوله

انها النفس الأمارة بالسوء يا سارة

خللي بالك منها واستحملي
متخليش حاجة تبعدك عن اللي انتي عايزاه

سلام وربنا معاكِ

محمد الوكيل يقول...

سلام عليكم ^^
مرة أخرى: لا تفكري في المفقود حتى لا تفقدي الموجود يا سارة-سان.. ركزي في اللحظة الحالية إزاي تخليها أحسن ومتسمحيش لأي شئ كان يعكر صفوك أو راحة بالك.. يعني باختصار الباب اللي يجيلك منه الريح سده واستريح زي ما بيقول المثل ^^

وربنا يكون في العون إن شاء الله :)

محمد بدر يقول...

ازيك يا سارة معلش اتأخرت كتير عن زيارتك بس بجد غصب عني
وان شاء الله اتابعك علي طول
ادعوكي لزيارة مدونتي

ريم يقول...

سارة :) سمعت كتير عنك و أول مرة اكتب لك ..
عادي إنك تزهقي و تخافي و تقلقي..
لكن المهم إنك ماتخليش الأفكار دي تسيطر عليكي.. في إيدينا دايماً نحقق كل اللي نحبه و نعوزه - كل حاجة.. بس يبقى عندنا الارادة و الإيمان الكافي ..
و إوعي يفيض بيكي تاني :))

مصطفى أبوزيد يقول...



بسم الله

دي اول زياره ليا

بالطبع استعيني بالله على اي مشكله تقابلك في حياتك و تأكدي ان ربنا كاتبلك الخير

و لعل انتظارك ده يكون فيه خير اكبر من تعجيل الاحداث

ربنا سبحانه و تعلى بيقول على لسان النبي صلى الله عليه و سلم

" قل لو كنت أعلم الغيب لأستكثرت من الخير و ما مسني السوء "

لكن محدش عارف الغيب و محدش عارف الخير فين

ربنا يكرمك و يوفقك و يكتب الخير في كل احوالك و افعالك

تقبلي مروري و اعذريني على الاطاله

المتابعون

اعتبرها بيتك ♥

وِش القفص

خليك ورايا

دليفري..