لعلمك

لعلمك

إقرأ لي

دخلوا بكليك شمال :D

Blog Archive

الثلاثاء، يونيو 30، 2009

postheadericon أموت بس النظارة تعيش




أي حد من ذوي الأربع عيون زيي أكيد هيحس بالبوست دا أوووووووي

لأننا معشر رباعيي العيون عندنا شعار متفق عليه من غير كلام  " أموت بس النظارة تعيش

نحكي بقى ...

وأنا في رابعة ابتدائي وانت طالع بقى كنا أنا وأخويا لما نتخانق أهم حاجة نحَرَص عليها قبل وبعد وأثناء المعركة ههههههههههههه 
ولو الواحد مننا ناوي على شر بقى تلاقيه يقلع نظارته قبل الخناقة 
والهدف الرئيسي اللي يخليك تنتصر على خصمك هو انك تقلعه نظارته .. بكدة تبقى المعركة اتحسمت لصالحك 

بعد الخناقة بقى لما نبدأ نتفقد خساير الحرب اول حاجة نتطمن عليها النظارة 

ولما كبرت وكنت في ثانوي .. حصل مرة واغمن عليا ، أول حاجة لما فوقت دورت عليها هي نضارتي 
وطلعت الحمد لله سليمة .. بس للأسف بعد أول مرة اتكلمت فيها لما فوقت اكتشفت اني كان لازم ادور على سناني :(( 


من كام سنة بقى كنا في وندر لاند وراكبين السجادة المرعبة دي 
واكمني معصعصة كنت حاسة نفسي بتزحلق من الحزام اللي قافلينه علينا دا
والراجل شعلقنا فوق وثبتنا خمسة كده .. كل دا وعلى رأي الشاعر " ولقد ذكرتك والرماح نواهلٌ مني وبيض الهند تقطر من دمي " 
كانت كل البنات بتصوووووووووووت وانا بفكر في النظارة .. سايبة الحاجز وماسكة في النظارة D

طبيعي يا جماعة يكون شعارنا يكون " أموت بس النظارة تعيش " ماهو الدنيا من غير نظارة ما تتعاش :)



الاثنين، يونيو 15، 2009

postheadericon لما هو مش عايزها حاول ياخدها ليه ؟؟

لما هو مش عايزها حاول ياخدها ليه ؟؟
 
سؤال دايماً بيحيرني بخصوص الولاد اللي بتلعب بالبنات
لما هو مش عايز البنت دي فعلاً ليه بيحاول يمتلكها ؟؟
ليه بينقي دايماً البنت الرقيقة والحساسة واللي عندها أخلاق ويصمم انه يكسر قلبها ؟؟
معقول بجد لما بيشوف منها الحب والحنان والاخلاص قلبه مش بيرق ؟؟
معقول ما بيحلمش معاها بالبيت الجميل اللي ماليه الحب ؟؟
بيقولوا من القلب للقلب رسول ودا مش صح
لو فعلاً كده كان رسول قلبه قال لها انه كذاب .. الرسل ما بتكدبش
او كان رسول قلبها وصل له قد ايه هي اتعلقت بيه
بجد زعلانة عشانها وعايزة اقولها
" بونبونايتي الحلوة .. اللي يقدر يضيعك رغم انه عرف قد ايه انتي روعة يبقى ما يستحقكيش
شوفتك قوية ومش مكسورة رغم اللي حصل ، بس خايفة تكون جراحك نزيفها داخلي
عيطي بس مش كتير
خلي الدموع تطهير جروح
وافتحي صفحة جديدة .. بحبك اوي وفي مليوووووووووووون حد بيحبك زيي
ومتأكدة انه في يوم من الأيام هيندم على ضياعك
بعد ما يعرف طعم " العلقم " اللي أكييييد هيبقى طعم قاسي أوي خاصة بعد حلاوة البونبوني "
 
_______ ملحوظة ________________________________________________
 
مش معنى انك ما تفهمش قصدي من البوست ان ليك الحق تتريأ عليه
لو سمحت لو مافيش كلمة مفيدة اقرأ وارحل
الأربعاء، يونيو 10، 2009

postheadericon المدونة على الراديون يا ولاااااااااااااااااااد

إن شاء الله يوم السبت 13/6/2009
حلقة برنامج  " أنت تسأل والكمبيوتر يجيب " عن مدونتي
اسمعوا البرنامج
على إذاعة البرنامج العام
 104.7 fm
الساعة 9.10 صباحاً
أو ممكن تسمعوها من الموقع دا
والمتوسطة 819 كيلوهرتز
أو من على النايل سات في الراديو البرنامج رقم واحد
او من الموقع دا
تحت الساعة
الأحد، يونيو 07، 2009

postheadericon أستاذ نجيب

استاذ نجيب كان استاذي من أول ما بدأت ادرس " حساب " و " رسم " وكنت بحبه جداً
علشان كان طيب وملامح وشه حنونة اوي مش زي المدرسة اللي كانت بتديني عربي ودين
يمكن حبي لأستاذ نجيب السبب في اني طول عمري شاطرة في الرياضة والرسم
كان بيحبني أوي وكنا كلنا في الفصل بنحبه
كان بيت مامته في الطريق للمدرسة وكان دايماً بيفوت عليها بعد ما يروح من المدرسة
واحنا نمشي مخصوص من الطريق دا رغم انه بعيد علشان نشوفه مع مامته
كنت بحس احساس غريب لما بشوفه معاها
نفس احساسي لما ماما تيجي لي المدرسة ، لأن انا في دماغي المدرسة عالم والبيت عالم تاني فلما حد من العالمين يدخل في العالم التاني
بحس باستغراب كده
المهم بقى  .. استاذ نجيب كان أول حد اشوفه فخور بيا .. كان بيمسك كراسة الرسم بتاعتي ويبص لها باعجاب كده ويفرج الفصل كله
عليها
لما خلصت ابتدائي وانتقلت لمدرسة تانية كنت مفتقداه جداً
خاصة وان ربنا ابتلاني بمدرسين رياضيات يسدوا النفس :(
ولا مدرسة الرسم .. كانت مصيبة لوحدها .. المرة الوحيدة اللي ابتسمت لي فيها كانت عايزة تسألني عن البرفان اللي بستعمله علشان عاجبها
ولما قولت لها انه مش برفان وانه مزيل عرق وبتاع اخويا كمان كشرت تاني
... في تالتة إعدادي كانت اروع مفجأة في حياتي اني لقيته بيراقب عليا .. اتصدمت انه عجز اوي كده
أي نعم هو من الأول اصلع بس مش كده ، زعلت أوي علشانه بس حسيت أمان
لأنه حد يعرفني وأعرفه ، ودايماً لجان الاعدادية بتكون مراقبين مش من المدرسة فكنت بحس بغربة
وكان فرحان بيا أوي علشان مش بغش ولا بغشش - ايام ما كان عندي مبادئ :(( - وكان بيدعي لي بصوت عالي فاتطمن أوي
من يوم ما خلصت اعدادي لحد ما دخلت الكلية عمري ما مشيت في طريق مدرسة الابتدائي ويوم ما مشيت فيه بالصدفة اتصدمت
مامة استاذ نجيب ماتت والبيت اتهد
حسيت كأن الشارع فاااااااااااااااااضي أوي ووحش من غير البيت دا
وحسيت كأن ليا أهل هنا ومشيوا فجأة
السنة دي عرفت ان استاذ نجيب مات !!
الصدمة خليتني مش قادرة اعيط  .. بس مش قادرة انسى صورته وهو واقف جنبي وانا برسم
ولا صورته وهو قاعد مع مامته .. ولا لما كان بيديلي في اللجنة بتاعة الاعدادية
ربنا يرحمه :(

postheadericon جمع الدودة وجمع الأصوات في مصر !!

ان الحال في مصر عجب ..

إن الشعب لا ينتخب ، ولا يدرى ماهو الانتخاب،

ولكنه يرى معدات " الموسم " قد نُصبت

ويسمع الطبل والزمر ويجد اشخاصاً قد اقبلوا في السيارات ،

" يجمعون " اصواته بالنقود والوعود؛

فشأنه في " موسم الانتخاب " شأن في " موسم دودة القطن " سواء بسواء ،

حيث يرى سيارات مقاولي الأنفار " الترحيلة " قد أقبلت تجمع الأنفاربالحبوب والنقود

وهكذا يعمل مجموعة من المقاولين لحساب جماعة من الممولين ..

يصبحون في الغد هم النواب !!

المسألة بسيطة : جمع " الأصوات " وجمع " الدودة " إن هما إلا عملية واحدة في أرض مصر ..

عمادها النقود ومقاولوا الأنفار من جانب

و" ساعد الحكومة " من جانب آخر



- من كتاب شجرة الحكم لتوفيق الحكيم -
السبت، يونيو 06، 2009

postheadericon يا أحلامي .. هو انتي ليه بعيده كده ؟!



هو انتي ليه بعيده كده ومستحيله بالشكل ده
فرحه حياتي ومرها ايامي بيكي عشتها
انتي الحقيقه في دنيا زيف وانتي اللي دبت في حبها
بقدر علي الناس كلها وببقي قدامك ضعيف وبتعندي وانا ادوووب ندا

قلبي علي كفي افتحيه هتلاقي صورتك ساكنه فيه
حتي وانا في قلبي المرار
مبشوفش غيرك ليل نهار
ياورده مغسوله بندي

صافيه ورقيقه وطيبة وبعيدة وانتي قريبة
يامحيرة كل القلوب بكتب غرامك ع الدروب
وارسم ملامحك ع المدي

هو انتي ليه بعيده كده

بصحي علي صورتك وانام والاقكي ينساني الكلام
ارسم امل يبقي سراب واحلم بفرح الاقاه عذاب

عاشق انا وقلبي عنيد ومصيري هوصل لك اكيد والاقكي ياقمري البرئ
لو حتي راح يخلص طريق والقي طريق غيره ابتدا
والقي طريق غيره ابتدا
والقي طريق غيره ابتدا

____________________ أغنية فيلم هي فوضى ________



الأربعاء، يونيو 03، 2009

postheadericon ع فكرة

على فكرة
لما نقول " الشجرة المثمرة دايماً الناس تحدفها بالطوب " كمثال على مهاجمة الناس للانسان الناجح
قمة السذاجة .. مافيش أي وجه شبه
الناس بتحدف الشجرة المثمرة بالطوب علشان تاخد ثمرها مش أكتر
لكن لما بيحدفوا البني آدم بالباطل وبالدبش
بيكونوا عايزين يوقعوه
حتى لو ما اخدوش ثمرة .. مش مهم
الناس لما بتحدف الشجرة ما بتبقاش حاقدة عليها
ببساطة لأنهم مش شجرة

المتابعون

اعتبرها بيتك ♥

وِش القفص

خليك ورايا

دليفري..