مش غريبة ع فكرة خالص إن أرشميدس وجدها في الحمام :D
وماحدش يسألني وجد إيه علشان انا مش فاكرة
بس حقيقي ماشوفتش حاجة بتريح الأعصاب والدماغ والجسم كله قد الدش
بارد ولا سخن كله فايدة
لما تلاقي نفسك مخنوق بجد ومش عارف تعمل اي حاجة في أي حاجة
ادخل خد دش
هتلاقي حلول لمشاكل مدوخاك ، وهتلاقي أفكار جديد تنعنش دماغك
وهتلاقي نفسك مستريح نفسياً وجسمانياً
هتحس جد إن روحك نضيفة
ومستعد تفتح صفحة جديدة وتبدأ حياتك بشكل مختلف
مش عارفة السر في إيه ؟!
في إنك بتحس ان همومك بتنزل من على جسمك مع الماية ؟؟
ولا في إنك بتكون لوحدك جداً أكتر من أي وقت ممكن !!
و لا السر علمي بحت وهو إن الماية بتنشط الدورة الدموية وبتعمل أفلام كده ف الجسم
بصراحة مش عارفة السبب .. بس متأكدة م النتيجة
وماحدش يفهمني غلط ويفتكر إن مكتشفة الدُش جديد وإني أول مرة اعملها ههههههههههههه
الحكاية كلها إني بذاكر اليومين دول
فليس ع الطالب أيام الإمتحانات أي حرج
نوهااااااااااااااااااائي
أسيبكم بقى مع حبيبة قلبي وتوأم روحي
وقصة بنفس الفكرة
ربنا يوفقك في الامتحانات
ردحذفاكيد الامتحانات ليها ظروفها بردو كلنا مرينا بالظروف دي لا حول ولا قوة الا بالله :)
بس الدش ده فعلا مفيد جدا حتى اني اكتشفت انه مفيد جدا لمرضى الباركينسونيرم اللي هو الشلل الرعاش يعني بعد الدش بيبقوا في أفضل حالاتهم سواء في صفاء الذهن وكده أو من حيث خفة الاعراض زي الرعشة مثلا
وبعدين لما الواحد يغتسل غسل الجمعة ويتطيب كده يروح المسجد وهو في أفضل حالاته ونشيط فعلا
سبحان الله٠ جزاكم الله خيرا
و الله كلام حضرتك صح 100 %
ردحذفأنا مدمن دش يومياً حتى و لو فى الشتا
بتغير نفسية الواحدة
180 درجة
كمان شكل الواحد بيتغير
مش عارف ازاى
بس بحس انى ببقى شكل تانى
مدونة رائعة و مواضيع ممتعة
و روح الدعابة فى طرح المواضيع يجبرنا على القراءة و الرد
و على فكرة انا بقرا ماجد لحد دلوقتى مع انى 23 سنة
و ربنا يوفقك فى الامتحانات و يوفقنا
عندى امتحاننسا و ولادة الاربع الجاى دعوااااتكم
هو فيه احلى من الدش الدافى بعد العودة من الشغل احساس بالراحة والدفا
ردحذفربنا يوفقك فى الامتحانات
و اله عندك حق بس المشكله ان الجو برد جدا
ردحذف^_^
ربنا يوفقك في الامتحانات^_^
سلام الله عليكم ورحمته وبركاته،
ردحذففعلا احلى قرارات بتبقى وقت الإستحمام
انا على فكره سبقتك وكتبت تدوينه من فتره طويلة بعنوان الإستحمام إستجمام
وده الرابط بتاعها
http://alfaris88.blogspot.com/2009/07/blog-post_06.html
بس بجد حلوة القصة المصورة مع تدوينتك
مجرد مدونة .. يااااارب اللهم اميييين
ردحذفالمعلومة دي جميلة أوي يا مجرد مدونة وفعلاً صح بيخلي الذهن صافي جداً
نورتني جداً جداً
طارق صلاح .. انا في الشتا بحبه اكتر من الصيف والله :)
ردحذفوف الصيف كل ما الاقي نفسي زهقانة وفاضية ومش عارفة اعمل ايه اخد دش :)
شكراً جداً لرأيك ف مدونتي المتواضعة نورتني جداً :)
انا كمان بقرأ ماجد لحد دلوقتي انا عشرين سنة ههههههههه وميكي وكل الحاجات دي :)
ربنا يوفقك في الامتحان وتجيب امتياز يااااااارب
شاب منوفي ايوووووووووون صح والله لو جاية من برة مدغدغة بمجرد ما اخد دش بحس اني فريش جداً :)
ردحذفالمدونة الاسلامية : عارف لما تاخد دش مش هتحس بالبرد نوهائي :)
ردحذفاحمد فارس : ههههههههههههههه معاك حق احلى قرارت بتيجي تحت الدش أه والله :)
ردحذفنورتني يا احمد وانا هرد هناك
:)
ردحذفاكثر شىء اعجبنى هو متابعتك لردودنا
شىء يبعث على الاهتمام
اسمى بالمناسبة
طارق صحصاح ( اسم غريب الى حد ما )
:) و لست صلاح
عندى ملاحظة لدة خبرة كويسة الحمد لله فى تصميم المواقع و اتمنى لو يكون لك موقع مخصص
لان المدونة اصبحت بطيئة جداً و تعلق
بسبب كثرة الصور و الاشياء المتحركة
ربنا يسهل و قدر افيد حضرتك يوما ما
سمو الأميره ...
ردحذفالسبب أن الواحد بيبقي ميت ...
و بعد الدش يصحصح ...صح
لأن ربنا سبحانه وتعالي يقول ...
( و جعلنا من الماء كل شيئ حيّ )
سمو الأميره ...
ردحذفالسلام عليكم ورحمه الله
الواحد بيبقي ميت ...لما ياخد الدش يصحصح ...صح .
عارفه ليه ؟
لأن ربنا سبحانه وتعالي يقول :
( و جعلنا من الماء كل شيئ حيّ )
طارق صحصاح انا اسسسسسسسفة جداً لأن ما ركزتش و انا بقرأ الاسم ، على فكرة اللقب مش غريب عليا لأن جوز صاحبة اختي اسمه محمد صحصاح :)
ردحذفبالنسبة للموقع فأنا والله كان في بالي اعمل موقع علشان اجمع عليه كل اللي بكتبه على كل مدوناتي وفي المجلة و ع الفيس
بس لسة قدام شوية :)
شكراً ليك يا طارق نورتني
فرنكشاوي تصدق فعلاً تفسير منطقي وجميل جداً .. سبحان الله فعلاً
ردحذفهههههههههه
ردحذفانا اعرف ناس مش لاقيه الميه تستحمى
طيب الناس دى تعمل ايه
اقولك ع حاجه ابسط الامور
فى ناس كتييييير اوى متعرفش معنى الدش الساخن دة ايه لانه معندوش سخان
تخيلى انتى بقى ايه العمل .....؟
ساره
انا شايف الموضوع انه اكبر من دش دافى
حبايبك كترووووووووووا اوى يا ساره
بسم الله ماشاء الله
هههههههههههههههههههه
دمتى بود يا ساره
اسمو الأميرة سارة
ردحذفإزيك عامله إيه سورى على عدم المتابعه الفترة الى فاتت بس الشغل كان بجد كتير انتى عارفه الكريسماس والنيو يير المهم انتى عامله اية فى الامتحانات
عارفه احسن حاجه فى الدش ايه ان كل واحد بيتجرد من ملابسه وهمومه فى وقت واحد ويستمتع بالميه وهى بتغسله وكانها تزيل مع كل قطرة هم من همومه
سلام مؤقت
استوقفنى اكتشافك
ردحذفويارب ان تتحول المعرفة المجردة لديك حول هذا الاكتشاف ... الى فعل فاضل ... الا وهو الاستحمام
يا عينى يا عينى ....هو انا دخلت فين بالظبط ...وايه الانتعاش والجمال اللى فى البوست ده كله يا سياده سمو الاميره ساره ........فعلا نحن جميعا نحتاج لهذا الانتعاش والتجديد والروقاااااااااااان وخصوصا لو ذيك كده فى فتره الامتحانات.
ردحذفيلا بقى شدى حيلك فى المذاكره واديكى اهو اكتشفتى تجددى نشاطك اذاى .بس ربنا يستر بقى على نهر النيل.......
دومتى بخير ياااااااا اميره
وتقبلى مرورى
ربنا يقويكي علي الامتحانات.. بس متقلقيش اهي مرحلة وهتعدي..
ردحذفالمهم بس اوعي تكسفينا..
البوست جميل جدااااااااا
ردحذفوانتي فعلا عندك حق انا اصلا كنت لسه بفكر في الموضوع ده ومش عارفه حاسه ان في حاجه غريبه في وكمان بقي ايه ياسلام لو ذاكرتي فيه بجد المعلومات بتدخل مش بتتطلع
أحلى تهييس هو بتاع ايام الامتحانات
ردحذفالواحد بيقول درر ساعتها :D
بس هي نصيحة حلوة أنا كنت سمعتها في كتاب عن التحفيز الذاتي
ومتسأليش سمعتها في كتاب ازاي :D
عشان هو كان كتاب صوتي :D
مدونة جميلة