لعلمك

لعلمك

إقرأ لي

دخلوا بكليك شمال :D

Blog Archive

الثلاثاء، يناير 19، 2010

postheadericon ما تقَاوحِش



لما تحس انك زهقان .. تعبان .. مخنوق .. متضايق


بسبب أو من غير سبب


ما تقَاوحِش .. ما تحاولش تقول انا كويس


أنا تمام ..


ما تحاولش تغصب على نفسك وتضحك


إستسلم ..

إدي لنفسك فرصة تحس إنك اديتها حقها من الزعل


علشان لو حاولت تقنع نفسك انك كويس وانت بجد من جواك مش كويس


هتتفتفت من جواك .. وتنهار مرة واحدة


وإنهيارك هيبقى بجد صعب أوي .. وعلى اهون سبب

 - تجربة حياة

"إن الإستسلام للحزن احيانًا أشجع من مقاومته، بعض الأحزان لم تأتِ لتقاتلنا ، بل لتعتصم حول جراحنا أمام الأقدار . "

محمد حسن علوان

28 بوينتس أوف فيو:

قبلاوى يقول...

جميل

بس المشكله ان الواحد بيمر بالحاله دى كتير

يعنى كده هقعد طول الوقت مكتئب

أحمد فارس يقول...

ياالله ... تسلمي يا ساره
كلامك في الجون ...
لكن مش معنا كده الزعل يخلينا محبطين لازم يفضل عندنا أمل وثقة في نفسنا وفي بكره وقبل ده كله توكلنا على ربنا.
تدوينه جامده يا اميرتنا ساره.

Abo 3li يقول...

طب لو الاحزان دي غلسة وتلمة ومعندهاش دم... والواحد مستسلملها بقالوو كتير... وهي (((برضك))).. مش عاوزة تغوور...

يكون ايه العمل بقي؟؟؟؟؟

همسة حب يقول...

مش عارفة حضرتك كنت مستخبية فين من و قت ما بديت التدوين اصل المدونة جميلة و المحتوى اجمل و حاجات كدة كدة كلها على بعضها جميلة
المهم اننا وصلتلك و مش حسيبك متابعة متابعة للمدونة و ملسوعة معك و لو اني مش فاهمة الكلمة اوي

المهم نجي للبوست انا معك فعلا في اننا ندي للزعل الوقت الكافي عشان منسيبش حاجة في قلبنا ممكن تكون سبب في انفجار البركان
و كمان لما بندي الزعل حقه لما بيجي الفرح بنحس بيه اوي

و بس خلاص

و سلالالام

بنـوتــــة يقول...

عندك حق في كل اللي قولتيه
فعلاً كتير الواحد يضغط على نفسه عشان يضحك
و في الآخر ينفجر
و يبقى مش فاهم نفسه
" هو انا انفجرت ليه ؟؟؟ "

فعلاً بنحتاج كتير مساحة نفهم فيها نفسنا
نتفاهم معانا و نفهمنا
و مساحة حرية لينا بعيد عن كل اللي حوالينا

فعلاً
بوست جميل جداً
تسلم إيديكي
^ـ^

أبو كريم يقول...

حلوه قوى المقوله الى فى الأخر دى يا سمو الاميره

المشكله ان الأيام دى الحزن والغكتئاب بقوا فرض عين علينا بسبب ومن غير سبب رحم الله زمانا كان فيه الحزن والمسئوليه على أمراء المسلمين

تحياتى

ميرام يقول...

:(

أحمد شريف يقول...

السلام عليكم
قرأت التدوينة ، ولكن ما أريد وضع تعليق عليه هو قالب المدونة وليس التدوينة

برجاء غيري القالب لقالب أخف لأنه يستهلك وقتنا حتى يكتمل تحميله

دمتِ بود

اقصوصه يقول...

مادري بس احس اني اخالفك الراي

احس ان الاستسلام يخلي الحاله تزيد!

ويخليها تقوى وتملك قدره اكبر

على التمكن منا!

كيــــــــــــارا يقول...

معاكي حق بجد

spiderman ( المدونه الإسلاميه ) يقول...

بس علي فكره
حتي لوزعلان او مضايق او طهقان
مجرد ضحكه او كمله ممكن تخرج الواحد من الى هو فيه
و كفايه ان الضحكه ده حتي لو مجرد شكلا فقط امام نفسه
هتحسسه بس ان لسه فيه امل

حصان المرجيحة يقول...

انا اول مرة ادخل المدونة
بس بجد جميييلة
و انا بحب الكلام الصغير و الل بيقدر يعبر بدل ال الرغي
شكرا ليكي و تقبلي مروري

سبايدرمان spiderman يقول...

مبروك الإستايل الجديد ده
^_^
حلوه قوي صوره البنت الصغيره الى تحت خالص
الى عماله تقف و تقع ده
هههههههههههه

dodoo يقول...

انا اول مرة ازورك في مدونتك الجميله دي بجد بس كنت متابعه ليكي عالفيس بوك و بجد بتعجبنى افكارك جدا

بوست جميل اوي اوي اوي
و بجد افدتيني جدا لاني في موضوع الاحزان ده بذات كتومه جدا و بداري بالضحك علشان ما ازعلش حد و لما يجي عليا يوم و انهار مابلقيش حد يساعدني ولا يقف جنبي الا قليل اوي اوي

بوست رائع من انسانه رائعه
تحياتي

سمو الأميرة سارة يقول...

قبلاوي .. عارف يا قبلاوي بتمر بيها كتير علشان بتقاوحها .. لكن لما تيجي مرة تدي الأحزان والاكتئاب حقهم
هتلاقي مرات تكرار الحالة دي قلت اوي

سمو الأميرة سارة يقول...

احمد فارس
ربنا يكرمك ، ومعاك حق مش لازم نكون محبطين ولا ثقتنا في نفسنا تقل
احنا بس هنزعل شوية ونبطل نمثل اننا مبسوطين
ع الأقل نخفف عبء التمثيل من ع نفسيتنا اللي هي اصلاً تعبانة

سمو الأميرة سارة يقول...

أبو علي .. يبقى لازم بقى تقطع الهدنة وتقرر تغير في حياتك وتعمل حاجة مش روتينية
:)

سمو الأميرة سارة يقول...

همسة حب
حضرتي مين بس انا عيلة ع فكرة :)

تسلمي لي يا جميلة كلامك دا شرف ليا والله

وانتي جبتي نقطة ف الجون بجد
لما بندي الزعل حقه هنعرف طعم الفرحة ع حق
بجد نورتيني ياقمر :)

سمو الأميرة سارة يقول...

بنوتة بالظبط كده يا بنوتة بيكون انفجارنا غير مبرر لا لنفسنا ولا للي حوالينا
والناس هتحس اننا بنتلكك او عايزين نتخانق وخلاص
نورتيني بجد ياقمر

سمو الأميرة سارة يقول...

ابو كريم .. صدقني لو احنا عايزين نفرح هنتلكك علشان نفرح ونفرح ع اي حاجة عبيطة
بس المهم نكون عايزين

سمو الأميرة سارة يقول...

ميرام زحلانة ليه بث يا جميل ؟

سمو الأميرة سارة يقول...

احمد شريف انا حاولت اغير القالب كل الدنيا اتقلبت والله وما كانش خفيف بردو
فقللت عدد المواضيع اللي تظهر في الصفحة الواحدة
لعل وعسى تكون خفيفة معاك
:)
وميرسي ليك

سمو الأميرة سارة يقول...

اقصوصة

عارفة يا جميل .. هو ساعات ساعات
بصي زي الامراض كده
في امراض تكون عايزاكي تستريحي ف البيت وما تقوميش من ع سريرك علشان تقدري تخفي
وفي امراض لو نمتي ف السرير هتتمكن منك

سمو الأميرة سارة يقول...

كيارا منوراني يا قمر :)

سمو الأميرة سارة يقول...

سبيدر مان : عارف امتى يا سبيدر مان ؟ لما تكون ضحكة من القلب مش لما تكون بتتكلف الضحكة او بتمثل انك بتضحك

سمو الأميرة سارة يقول...

حصان المرجيحة :
ربنا يكرمك يارب دا كله من ذوقك
بالنسبة للكلام المختصر فعلشان ماتتصدمش فيا انا احياناً برغي بصراحة :)

سمو الأميرة سارة يقول...

سبيدر مان :)
الله يبارك فيك يارب كان عاجبني اوي وعجباني البنوتة دي بس لم يلاقي اقبال جماهيري عاااااااااااااااا :(

سمو الأميرة سارة يقول...

دودو نورتيني ياقمر وليكي واحد ميراندا من اللي من كتر اللمون بتلسع علشان اول مرة تنوريني :)

عارفة يا دودو لو مش بتحبي تشتكي للناس حاولي تشتكي لربنا او حتى لدبدوب لعبة او لحيوان اليف انتي مربياه
المهم تفضفضي علشان ماتنفجريش مرة واحدة

المتابعون

اعتبرها بيتك ♥

وِش القفص

خليك ورايا

دليفري..