لعلمك

لعلمك

إقرأ لي

دخلوا بكليك شمال :D

Blog Archive

الثلاثاء، يناير 26، 2010

postheadericon بحبك وما اعرفش ليه


بحبك بجد وماعرفش ليه


وعايزة افضل اقول بحبك كل ثانية ولحظة


ماعرفش ايه شدني ليك أوي كده ؟؟ !!  او ايه علقني بيك


كان ممكن تقف حدود اعجابي بيك لحد كلماتك وبس


أو حتى لحد اعجابي بمبادئك وأفكارك


لكن .. انا لقيتني بحبك حتى وانا مختلفة معاك في الرأي 


بحبك إنتَ .. إنتَ الإنسان مش بس الشاعر 


بحب جوهرك أوي .. وحاسة زي ما اكون شوفتك أو عرفتك


وحلمت بيك كتير .. كلمتك وسمعت منك


وقولت لي انك عايش .. وماكانش حلم 


إنتَ بجد عايش 


مهما قالوا عليك .. مهما يشوفوا انك غلط


مهما أحس انك اتجاوزت في كلام كتير  ... بحبك


بحبك وبدعي من كل قلبي ربنا يرحمك


ونفسي كل الدنيا تحبك زيي .. بس مش قدي


علشان أنا زي ما أكون بغير عليك


بغير لو حسيت حد بيحبك أكتر مني 


شكلي كده مهووسة بيك .. بس بجد انتَ تستاهل 


ربنا يرحمك






13 بوينتس أوف فيو:

Abo 3li يقول...

انا الجيت هنا الاول
هيييه هيييه

المهم
اولا مبروك علي السيم الجديد... رغم اني كنت حابب الاولاني اكتر ... لانه لاسع ;)
ثانيا ربنا يبعتلك حد زييه كده علي حصان ابيض او حتي بتاكسي...
بس اهم حاجة ميكنش اسمه (امل)... علشان محدش يترييق عليكي

ثالثا قومي من علي الجهاز يلا وزكريلك كلمتين.. مش سيدتك بتمتحني برضو؟؟؟؟!!!


تحياتي

*الطالبة عفو الله *زوزو يقول...

جميل الحب دة ربنا يعوضك حر ان شاء الله بس هو مين
حد كان اسمه امل و لا ايه انا مفهمتش اوي
تحياتي

قبلاوى يقول...

"مش دايماً بيكون في فرصة تانية .. لكن دايماً في فرصة هي الفرصة الأخيرة"

جميله أوى دى

اسمي أحمد .. لو مخانتنيش الذاكره !! يقول...

ما شاء الله ... ايه الإبداع ده ؟ .. اسلوب راقي و متميز ما شاء الله

اول مره ازور المدونه بس ان شاء الله نتابع دايما مع حضرتك

كل المدونين بقو بيكتبو باحترافيه و انا اللي وقعت من قعر الأفه يعني ؟

ههههههههه

يا ريت اتشرف بحضرتك في مدونتي المتواضعه

http://ra7alaat.blogspot.com/

شكرا لوقتك

انسان عادي يقول...

بجد يا بخته علي الكلام الجمييييل قوي ده
اساسك حلو قوي يا سارة كانك فعلا بتكلمي حد موجود قدامك دلوقتي
بجد ربنا يرحمه الشاعر الكبير
ويرزقك بحب قد حبك
شكرا ليكي

мαησηα يقول...

ع فكرة الاستايل الجديد جمبل يا سارة بجد اوى

مبرووووووووك عليكى

نيجى بقه لامل دنقل هو بصراحة رجل عرف يخلى الواحد يحبه صح

وبجد بيقدر يجيب حاجات جوه الواحد اوى ويعبر عنها ببساطة وكل مانقرا عنه ونعرف تفاصيل عن حياته بنحبه زيادة

يارب عقبال ما اشوف اسمك مشهور ومنور ف كل حتة زيه كده باذن الله

سمو الأميرة سارة يقول...

ابو علي لووووووووولووووولي
زغروطة وسلام وتحية لأول تعليق :)
أي خودعة

الثيم الجديد كان عايز الناس تشوفه بالفايرفوكس علشان كده ما كانش متظبط عاااااا

يلا خييييييييييير

بالنسبة لأن ربنا يبعتلي حد زي أمل دنقل

فأنا مش عايزة ف حياتي اتنين أمل دنقل
أمل دنقل حاجة واللي ربنا باعتهولي حاجة تانية خالص
ولما نوزن بقلبي اكيد كفته هتطب ;)

نوووووووووورتني يا ابو علي ومش عايزة اسمع كلمة مذاكرة دي تاني هههههههههه

سمو الأميرة سارة يقول...

زوزو الطالبة عفو الله منوراني يا جميلة جداً .. دا يا قمر شاعر مصري راحل اسمه امل دنقل

سمو الأميرة سارة يقول...

قبلاوي :) منورني

سمو الأميرة سارة يقول...

أحمد .. يارب ما تكون الذاكرة خانتك :)

وقعت ايه بس واحترافية ايه
كلنا ولاد بلوجر :)
يشرفني جداً ازور مدونتك يا احمد

سمو الأميرة سارة يقول...

انسان عادي .. ربنا يخليك يارب تسلم لي
وصدقني انا بجد كتير بحسه موجود قدامي
ربنا يرحمه يارب
شكراً ليك بجد نورتني

سمو الأميرة سارة يقول...

منوووووووووونتي حبيبتي نورتيني
انا كمان كان عاجبني والله بس ما يطلبه المدونون بقى ههههههههه
ان شاء الله هفضل وراه لحد ما اظبطه واخليه فللي :)

بالنسبة لأمل دنقل فمعاكي حق بجد
وكمان ما ننساش فضل عبلة الرويني
كتاببها الجنوبي خلى الناس تعرف امل الانسان اوووووووي وتحبه اوي وتحس انهم عاشوا معاه
نورتيني يا منمن :*

مصطفى محمود يقول...

اوعي مدام عبلة تشوف الكلام ده يا سارة
:)

المتابعون

اعتبرها بيتك ♥

وِش القفص

خليك ورايا

دليفري..