بحبك بجد وماعرفش ليه
وعايزة افضل اقول بحبك كل ثانية ولحظة
ماعرفش ايه شدني ليك أوي كده ؟؟ !! او ايه علقني بيك
كان ممكن تقف حدود اعجابي بيك لحد كلماتك وبس
أو حتى لحد اعجابي بمبادئك وأفكارك
لكن .. انا لقيتني بحبك حتى وانا مختلفة معاك في الرأي
بحب جوهرك أوي .. وحاسة زي ما اكون شوفتك أو عرفتك
وحلمت بيك كتير .. كلمتك وسمعت منك
وقولت لي انك عايش .. وماكانش حلم
إنتَ بجد عايش
مهما قالوا عليك .. مهما يشوفوا انك غلط
مهما أحس انك اتجاوزت في كلام كتير ... بحبك
بحبك وبدعي من كل قلبي ربنا يرحمك
ونفسي كل الدنيا تحبك زيي .. بس مش قدي
علشان أنا زي ما أكون بغير عليك
بغير لو حسيت حد بيحبك أكتر مني
شكلي كده مهووسة بيك .. بس بجد انتَ تستاهل
ربنا يرحمك
انا الجيت هنا الاول
ردحذفهيييه هيييه
المهم
اولا مبروك علي السيم الجديد... رغم اني كنت حابب الاولاني اكتر ... لانه لاسع ;)
ثانيا ربنا يبعتلك حد زييه كده علي حصان ابيض او حتي بتاكسي...
بس اهم حاجة ميكنش اسمه (امل)... علشان محدش يترييق عليكي
ثالثا قومي من علي الجهاز يلا وزكريلك كلمتين.. مش سيدتك بتمتحني برضو؟؟؟؟!!!
تحياتي
جميل الحب دة ربنا يعوضك حر ان شاء الله بس هو مين
ردحذفحد كان اسمه امل و لا ايه انا مفهمتش اوي
تحياتي
"مش دايماً بيكون في فرصة تانية .. لكن دايماً في فرصة هي الفرصة الأخيرة"
ردحذفجميله أوى دى
ما شاء الله ... ايه الإبداع ده ؟ .. اسلوب راقي و متميز ما شاء الله
ردحذفاول مره ازور المدونه بس ان شاء الله نتابع دايما مع حضرتك
كل المدونين بقو بيكتبو باحترافيه و انا اللي وقعت من قعر الأفه يعني ؟
ههههههههه
يا ريت اتشرف بحضرتك في مدونتي المتواضعه
http://ra7alaat.blogspot.com/
شكرا لوقتك
بجد يا بخته علي الكلام الجمييييل قوي ده
ردحذفاساسك حلو قوي يا سارة كانك فعلا بتكلمي حد موجود قدامك دلوقتي
بجد ربنا يرحمه الشاعر الكبير
ويرزقك بحب قد حبك
شكرا ليكي
ع فكرة الاستايل الجديد جمبل يا سارة بجد اوى
ردحذفمبرووووووووك عليكى
نيجى بقه لامل دنقل هو بصراحة رجل عرف يخلى الواحد يحبه صح
وبجد بيقدر يجيب حاجات جوه الواحد اوى ويعبر عنها ببساطة وكل مانقرا عنه ونعرف تفاصيل عن حياته بنحبه زيادة
يارب عقبال ما اشوف اسمك مشهور ومنور ف كل حتة زيه كده باذن الله
ابو علي لووووووووولووووولي
ردحذفزغروطة وسلام وتحية لأول تعليق :)
أي خودعة
الثيم الجديد كان عايز الناس تشوفه بالفايرفوكس علشان كده ما كانش متظبط عاااااا
يلا خييييييييييير
بالنسبة لأن ربنا يبعتلي حد زي أمل دنقل
فأنا مش عايزة ف حياتي اتنين أمل دنقل
أمل دنقل حاجة واللي ربنا باعتهولي حاجة تانية خالص
ولما نوزن بقلبي اكيد كفته هتطب ;)
نوووووووووورتني يا ابو علي ومش عايزة اسمع كلمة مذاكرة دي تاني هههههههههه
زوزو الطالبة عفو الله منوراني يا جميلة جداً .. دا يا قمر شاعر مصري راحل اسمه امل دنقل
ردحذفقبلاوي :) منورني
ردحذفأحمد .. يارب ما تكون الذاكرة خانتك :)
ردحذفوقعت ايه بس واحترافية ايه
كلنا ولاد بلوجر :)
يشرفني جداً ازور مدونتك يا احمد
انسان عادي .. ربنا يخليك يارب تسلم لي
ردحذفوصدقني انا بجد كتير بحسه موجود قدامي
ربنا يرحمه يارب
شكراً ليك بجد نورتني
منوووووووووونتي حبيبتي نورتيني
ردحذفانا كمان كان عاجبني والله بس ما يطلبه المدونون بقى ههههههههه
ان شاء الله هفضل وراه لحد ما اظبطه واخليه فللي :)
بالنسبة لأمل دنقل فمعاكي حق بجد
وكمان ما ننساش فضل عبلة الرويني
كتاببها الجنوبي خلى الناس تعرف امل الانسان اوووووووي وتحبه اوي وتحس انهم عاشوا معاه
نورتيني يا منمن :*
اوعي مدام عبلة تشوف الكلام ده يا سارة
ردحذف:)