2010-03-05

مستنينكم هنااااااااك :)


يوم 6 مارس هنستناكم 

في حديقة متحف محمود مختار 

اللي قدام الأوبرا بالظبط

في يوم شبابي جامد جداً واحتفال كبييييييييير جداً

بمناسبة عيد ميلاد " مجلة بحلقة "

اليوم هيكون جامد جداً وهيكون فيه حاجات كتير

هيكون فيه :

الفقرة المفتوحة من 2 ظهرا - 4 عصرا

إفتتاح اليوم بفقرة دي جي وهيكون معانا فيها الدي جير مودي .
كمان هيتم بدء عمل معارض وورش فنية .
هيشاركنا اليوم

مركز التكعيبة " إستبدل كتابك " يعني لو اي حد منكوا عنده كتاب مش محتاجه وحابب يبدله بكتاب تاني من غير اي مقابل "

المركز النوبي ونوبة الخير بالاعمال النوبية اليدوية " كتير مننا كشباب منعرفش حاجة عن جزء اصيل من مصر وهما اهل النوبة .. احنا اصرينا نشرك معانا شباب النوبة علشان نتعرف عليهم وعلى عاداتهم وكمان علشان نشتري اعمالهم اليدوية "

محمد منيصير .. لو عندك تي شيرت وحابب ترسم عليه ليه سواء بنفسك او مع محمد يللا تعالى وشارك محمد في بوابته .

شركة سمارت لايف .. ولأننا طبعا مجلة الكترونية فمينفعش نعمل ايفينت زي ده وميشاركناش فيه جزء للتكنولوجيا .. لو انت حابب تاخد دورة في اي حاجة سواء تنمية بشرية او كمبيوتر او انجليزي المركز ده المفروض انه بيقدمها بمبلغ وقدره وعلشان انت هتيجي حفلة بحلقة هيعملك خصم 60% على الاشتراك .. تخيل :)

مش بس كده .. طول ما الحفلة شغالة هنعمل مسابقات في الاسئلة العامة وكل اللي هيجاوب هيكسب جوايز كتير ..


فقرة إلقاء شعر الأولى من 4 عصرا - 5 مساء
.. يقدمها الشاعر /سالم الشهباني وعدد من الشعراء الشباب


فقرة غنائية (فرقة النوبة ) من 5:15 مساء - 6 مساء
وزي ما قلنا لكوا احنا عاوزين نتعرف على اهل النوبة من قريب علشان كده جيبنا لك فرقة نوبية .. هنرقص كلنا ونغني معاهم .


فقرة إلقاء شعر تانية من 6:00 مساء - 6:30 مساء
.. يقدمها الشاعر/ فتحي سليمان وعدد من الشعراء الاجلاء



فقرة غنائية .. 6:30 مساء - 7 مساء

دي بقى الفقرة الجهينمية .. لأنه مش هيغنيها حد عادي خالص .. هتكون معانا طنط زوزا أكبر مغنية في مصر مغنية إتحدت كل العوائق وأصرت إنها تقف قدام الجمهور وتقول رغم إنه سنها 84 سنة .. مش بس كده هيعزف معاها على العود المايسترو الكبير / الفنان حسام سمير .



فقرة كوميدية من 7:15 مساء - 7:45 مساء

سمعت عن ستاند أب كوميدي اللي بتتذاع على موجة كوميدي .. هيكون معانا واحد من نجومها الفنان / علي قنديل



إحتفالية المجلة من 8 مساء - 9 مساء

يللا بقى يا جماعة هنطفي الشمعة ونحتفل بالمجلة في حضور عدد كبير جدااااااا من الكتاب المشاهير والفنانين .. زي شاهندة مقلد زعيمة ثورة الفلاحين - نشوى الحوفي كاتبة صحفية بالمصري اليوم - عمرو سليم رئيس قسم الكاريكاتير بالمصري اليوم - فتحي سليمان الكاتب الساخر المتألق - الفنان علاء عزت - بحر نجم فريق بلاك تيما - الأستاذ إبراهيم البطوط الكاتب الكبير - الكاتب أشرف توفيق - الكاتب الشاب محمد صلاح العزب - الشاعر والكاتب ياسر الزيات - الصحفية اللامعة سماح عبد العزيز - الكاتبة سالي عبد العزيز .. وغيرهم كتير من القنانين والكتاب الشباب .

مش بس كده

ده في عدد من الكتاب اللي ليهم كتاب في الاسواق حاليا وهيشاركونا الحفل .. هيشاركونا المسابقة .. هيسألوا سؤال واللي هيجاوب عليه هياخد نسخة مجانية وموقعه من قبل الكاتب


ختام الحفل

فقرة دينية من 9 مساء - 10 مساء
فعلى لفات التنورة هتكون معانا فرقة المولوية بقيادة الفنان عامر التوني
وبجد لا يمكن ان نصف لك مدى انبهارك عندما تسمع الكلمات الصوفية التي تدخل قلبك بمجرد سماعها

هناك 4 تعليقات:

  1. نفسي أوي أحضر
    و عموماً إن شاء الله هاحاول مع حكومة بيتنا الدافئ و أحاول أوصل معاهم لحل مرضي في المفاوضات
    دعواتكم معانا بقى في الحدوتة دي
    ^ـ^

    ردحذف
  2. السلام عليكم
    اليوم ده شكله هيكون جميل جداً ومفيد وممتع أووووووي
    وأد أيه نفسي أحضر بجد .. بس ظروف الشغل بقى أعمل ايه.
    ربنا يوفقك يا ساره وكل اللي هيحضروا وبالتأكيد انتي هتبقى تحكيلنا في مدونتك عن اليوم لما يخلص
    ودعواتي ليكي يا بنوته عشان تقدري تحضري
    وتوصلي لحل معاهم في البيت.

    ردحذف
  3. انشاء الله جاي انا و الفقي و سنة

    ردحذف
  4. ياريتني كنت معاهم
    للاسف صعب لاني ورايا شغل اليومين دول كتيييير
    الف الف مبروك

    ردحذف

Say something...