2010-03-16

إحذروا .. هذا الشخص غبي !

كل ما اخرج اروح مشوار او اروح الكلية بشوف في الشارع البدع

الناس بقت بتتعامل بغباوة منقطعة النظير

فجأة كده تلاقي عربية معدية فوق رجلك 

عجلة داخلة في ضهرك ولا في وشك

 توك توك بيتفسح وسط البني آدمين 

حد يخبطك بكوعه في وشك ولا في جنبك علشان يركب قبلك 

بلاوووووووووووى

كل ما اخرج ضغطي يعلى :(

والنهاردة بعد حركة غبية عبقرية من كائن راكب عربية
جاتلي فكرة جامدة اوي .. 

نفسي أمسك استيكر مكتوب عليه ( احذر هذا الشخص غبي ) وكل ما حد يعمل لي حركة غبية

الزق له الاستيكر .. عربية بقى ، او واحد ماشي ع رجليه او سواق :) 


وياااااااااااه بقى لو كان الاستيكر من النوع اللي ما بيتشالش خالص يااااااااه تحفة :)

وكل الناس بقى تعمل كده وكل ما نشوف واحد باستيكر من بعيد يخلي باله ويحضر نفسه علشان ما يتنرفزش 
بما إن دا مستحيل ومش في ايديا .. فنفسي بجد ربنا يعاقب كل واحد يتغابى على خلق الله 

ويطلع له في وشه علامة تقول انه غبي او حمار 

هناك 38 تعليقًا:

  1. بوست خفيف الدم، وحقيقيييييييي جداً للأسف!
    ومش في الشارع لوحده، في الحياة العامة والتعاملات الاجتماعية كلها تلاقي الناس بتتعامل بغباء شديد وترفض الاعتراف بخطأها كأننا إحنا اللي غلطنا إننا احتككنا بيهم أساساً مش هما!!
    ووالدتي حصل معاها قريب نفس الكلام، فضلت ساعة كاملة في الشارع بتحاول توقف تاكسي بس، يا إما التاكسي يبقى فاضي وميقفش يا إما تلاقي شخصية لذيذة (غالباً شاب!!) يسبق ويركب!!


    الله يكون في عون الجميع >.<

    شكراً سارة-سان ^^

    ردحذف
  2. ههههههههههههه
    حلوة قوي الفكرة دي بجد عجباني
    كان عندنا دكتور في الكلية هو كان جاي من امريكا عاش فيها فترة يعني
    فجاي بقي عايز الدنيا تبقي منظمة زي ماهو شافها
    فدايما بقي ربنا كان بيوقعه من الناس دي
    سواء في الشارع او في الكلية
    اصل الغباء ده برضو مستويات
    يعني مش شرط الانسان الغبي يكون واحد تعليمه علي قده او واحد مش مثقف مثلا
    لا في برضو واحد بيبقي دكتور جامعة وبرضو غبي للاسف
    وفضلو الاغبياء وراه في الكلية لما هج منهم ورتح حتة نضيفة
    ادي اللي بناخده منهم
    شكرا يا سارة علي البوست الجامد ده

    ردحذف
  3. كان من فتره كده ممكن تكون بعيده شويه
    اى حد يعمل حاجه غبيه يتقاله يا مسطول على طول

    بس حاليا الناس بقيت كده بعد ان اختفت المخدرات من البلد
    و بقت الناس مش مسطولة :D

    ردحذف
  4. هههههههههه والله فكرة جميلة بس يا خسارة مش هاتنفع لأن الناس الغبية هاتجيبه وتلزقه على الناس التانية من غير ما يعملوا حاجه ( مهو غباء في غباء بقا )

    :)

    ردحذف
  5. اكيد فيه ناس تعمل حركات غريبه
    بس مش لدرجه البوسترات يعني ^_^

    ...

    على فكره لتصرفات بتبقي على حسب طريقه التفكير
    يعني واحد ممكن يشوف ان ده العادي
    و التاني يشوف ان ده قمه الغباء

    ...

    انا عن نفسي بيترفع ضغطي و انا راطب العربيه ، بقيت اوا نا سايق انا الى بفادي الناس ، عاملين الرصيف عشان نسيبه فاضي ، و العربيات و الناس تمشي على الطريق

    ردحذف
  6. هههههههههههه
    والله فكرة


    خلاص يلا ابدئى وانا معاكى اى خدعة :D

    ردحذف
  7. لالالالالا
    الفكر دي متنفعش بقشرة بصلة حتى يا سارة
    كده أنا هافلس رمي و هاطلع بطاقة نقابة الشحاتين قسم باب الحسين
    - و لو ان الفكرة عاجباني موووووت أويي كمان -
    أصل أنا كمان ببقى هاطق من الكائنات دي
    بس بدأت انتقم بشكل تاني
    بقيت ماكينة استفزاز متحركة

    يعني مثلا أكتر مشهد
    لما أكون نازلة من الميكروباص و انا رايحة الكلية الصبح
    و تلاقي الرجالة كله خلاص هيلزقوا فيا و يقعدوا على حجري
    أقوم قاعدة و أقولهم عدوني الأول وسعولي و بعدين اطلعوا
    لحد ما أقوم عليهم العربية كلها و السواق كمان
    و أخليهم يوسعولي السكة .. و يضربولي سلام - زي بابا جاي امتى الظبط
    :D
    و بحس انهم بيدعوا عليا ساعتها
    بس و لو
    البادي أظلم
    و اشررررررررررب يا جدع

    ردحذف
  8. جامد بس يا ريت حد يستجيب ويبدا يعمل الاستيكر

    ردحذف
  9. هههههههههههه تصدقى وربنا

    فكرة جامدة والله انتى مشكلة يا سارة

    الواحد على ماهيطلع من المكان اللى

    عايشين فيه هيخلص تلات اربع دست

    استيكرات

    ردحذف
  10. جمية جدا الفكرة دي
    انا عن نفسي بعاني من الموضوع دا فعلا

    ردحذف
  11. او ممكن نوع من العقاقير الطبية يلون جلد او بياض عين الشخص ده..فكل ما حد يشوفه يعرف :D

    ردحذف
  12. انتي لو عملتي كده اللي انتي هتعلقيله الاستيكر هيعلقك انتي شخصيا عند اي جزار والناس في الشوارع هي اللي هتسخسخ من الضحك عليكي :d

    ردحذف
  13. نص ساعه بحاول اكتب التعليق ومش عارف اكمني انفجرت من الضحك وسخسخت على روحي.
    انا فعلاً كان نفسي في كده من زمان وفكرت في حكاية الاستيكر دي برضه
    موضوعك جامد جداً جداً

    ردحذف
  14. فكرتيني واحنا صغيرين.. كنا بنعلق علي ضهر بعض استيكرز من النوع ده كده...

    بس لو الاستيكر من النوع المبيتشالش... هتبقي مشكلة... لان ممكن حد يتوب من الغباء....

    تحياتي ياسمو الاميرة

    ردحذف
  15. فكرتيني واحنا صغيرين.. كنا بنعلق علي ضهر بعض استيكرز من النوع ده كده...

    بس لو الاستيكر من النوع المبيتشالش... هتبقي مشكلة... لان ممكن حد يتوب من الغباء....

    تحياتي ياسمو الاميرة

    ردحذف
  16. خايف اقولك كلامك صح و نطبق الكلام
    اطلع انا كمان واحد منهم
    هههههههههههه

    ردحذف
  17. انا اقترح انه الاستيكر يكون الوان او درجات على حسب غباوة الاشخاص..
    يعني مثلا فيه شخص غبي..وفيه اكثر غباوة..
    وفي بقى (غبي نشيط) وده اكثر الاغبياء غباوة لانه نشيييط في الغباء بشكل غبي :)

    ردحذف
  18. ههههههههههههههه
    تصدقى فكرة جامدة
    احنا بقينا مجتمع كله مشحون بالغباء بجد يا ساسو
    احيانا اللى يغيظ اكتر بقى ان الاطفال نفسهم اللى هما مفروض عنوان البراءة :D
    بيعملوا حاجات رهيبة فى الشوارع ومش بيسيبوا حد ماشى فى حاله
    اقولك على سر مخجل انا اوقات ببقى فى حالى تماما وماشية الاقى عيل صغنن قد النملة جه ضربنى ومشى من غير ما اعمله حاجة
    ببقى مفروسةاوى

    انتى عارفة كمان فى فكرة حلوة كانت على النت قريب عن طبع تيشيرتات مكتوب عليها انت عارف انا ابن مين فى مصر كنوع من السخرية على الجملة دى
    تخيلى لما تنفذ هى وفكرة البوسترات دى فى مجتمعنا
    يوست جامد جامد يعنى يا ساسو

    ردحذف
  19. فكرة تحفة..
    و يا سلام بقة لو كان ختم زي اللي بيستخدموه في المراعي D:
    بس يجي هنا القلق أني أرجع البيت مرة ألاقيه عليا D:
    دلوقتي بنعمل أضعف الإيمان و نلزقهاله شفوياً إن البني آدم ده يكون " المادة الخام للغباء " أو " التركيبة السرية لفن التخلف " D:

    ردحذف
  20. فكرة تحفة..
    و يا سلام بقة لو كان ختم زي اللي بيستخدموه في المراعي D:
    بس يجي هنا القلق أني أرجع البيت مرة ألاقيه عليا D:
    دلوقتي بنعمل أضعف الإيمان و نلزقهاله شفوياً إن البني آدم ده يكون " المادة الخام للغباء " أو " التركيبة السرية لفن التخلف " D:

    ردحذف
  21. وكيل سان :)

    ماهو لو عارف ان اللي عمله دا غباء ما كانش عمله ههههههه

    ربنا يصبرنا فعلاً على ما بلانا !

    ردحذف
  22. محمود نشأت مسطول دلوقتي بقت مفخرة هههههههههههه
    اللي يتقاله يا مسطول دا الناس تروح تبوس ايده وتاخد منه بركات :)

    ردحذف
  23. انسان عادي ههههههههههه فكرتني بدكتور ياعيني جاي من برة عندنا
    شكله عمل بلوة كبيرة جابوه منفى ، في مصر وجامعة طنطا بالتحديد
    المهم الراجل اول سنة واتنين كان مهندم ولطيف كده وفي وعيه

    دلوقتي بعد 3 سنين وداخل في الرابعة بقى مواطن مصري مبهدل منكوش الشعر مكعبل القميص ودماغه مش في راسه ههههههههه
    كان بدري عليه عليه بدرررررري :D

    ردحذف
  24. سمو الأمير هههههههههه تصدق ممكن

    بس اقولك لازم نقنن الموضوع الاستيكر ماحدش يستلمه غير لما يعمل اختبار ذكاء
    يشيل رخصة استيكر زي رخصة المرور كده
    وعلشان ممكن الأغبياء يبهتوا عليه بعد فترة ممكن نعمل تجديد للرخصة :D

    ردحذف
  25. سبايدر مان

    معاك حق في ان الموضوع نسبي بس في حاجات لا يختلف عليها اتنين زي مثلاً انهم المفروض يستخدموا الكلاكسات قبل ما يدوسوا ع رجلينا يعني وانه من باب الذوق انه ما يفقعش عينك بكوعه علشان يركب قبلك والخ الخ الخ :D

    على فكرة يا سبايدر اخويا مرة كان ماشي ع الرصيف والعربية طلعتله عليه وداست رجله ولما اتخانق مع الراجل الناس غلطت اخويا بتقول له مدام جات سليمة وقادر تمشي يبقى مالهاش لازمة تزعق له !!!

    ردحذف
  26. ستار ان زا سكاي

    مية مية يا ستار انا هطبع وانتي وزعي وعايزين متطوع تاني يعمل الاختبارات للناس قبل ما يديهم الاستيكرات هههههههههه

    ردحذف
  27. بنوتة طب تعملي ايه لما يكون السواق بذات نفسه من المتآمرين هو وكل العربية ويقولولك ما تخلصي وتعدي خلينا نشوف مصالحنا :D

    ردحذف
  28. محمد اخويا منووووور

    ايه رأيك لو نطالب بإن الاستيكرات تنزل مع التموين ؟؟

    ردحذف
  29. منونة دا كفاية عم ابراهيم لوحده عايز بوستر كبير مش استيكرات ههههههههههههههههه

    ردحذف
  30. محمود عثمان يلا ايدك في ايدينا
    اتبرع انت بأسئلة الرخصة :)

    ردحذف
  31. رحاب جامدة الفكرة دي اووووووووووووووي برافو بجد

    ردحذف
  32. محمد اسامة تصدق صح
    اغبياء ويعملوها ( ايموشن يرتعد ) :D

    ردحذف
  33. احمد فارس :) يجبر بخاطرك ربنا يا احمد :)

    ردحذف
  34. ابو علي ههههههههههههههه فاكر لما كنا بنعمل ديل ونركبه ببنسة لبعض او دبوس ؟؟ هههههههه بالنسبة للاستيكر بقى فما اعتقدتش حد ممكن يتوب عن الغباء
    دا الطبع بيطلع بعد الروح :D

    ردحذف
  35. حصان المرجيحة لأ ما اظنش يا حصان :D

    ردحذف
  36. ههههههههههههههههههه تيمو الفكرة بتاعتك جامدة جداً يا تيمو صح والله
    حلو كده المشروع دا هيبقى جامد والله :D

    ردحذف
  37. بوكي اه والله يا بوكي وبيعاكسوا وبيقلوا ادبهم باستفزاز والواحد لو كان اتجوز كان زمان عياله اكبر منهم :D

    متهيألي يا بوكي صعب حد يلبس تيشيرت مكتوب عليه احذروا هذا الشخص غبي :D

    ردحذف
  38. هههههههههههههههه ويجا جامد ختم المراعي دي
    دي فضيحة حتى بعد الموت

    ردحذف

Say something...