2010-03-24

البعض الأسود من القلب



للأسف .. لا تنسف الكراهية الأشياء

كثيراً ما أتمنى أن تنسف كراهيتي كل ما أكره ..

وكل من أكره..

لكنها للأسف تنسفني وحدي



ترى هل سيتألمون لرحيلي ؟؟


أحياناً أتمنى أن أموت فقط لأختبر ألمهم


ربما لأن قلبي لا يطاوعني على إيلامهم وأنا حية !






أعطني مبرر واحد - غير السذاجة - كي أحب انساناً كرهني دون حتى أن يراني


واساء لي بالباطل وأخيراً دمر ما تبقى من أحلى أحلامي !







لمَ تتوقع مني أن أتفهم احتياجك لأن أسمعك وأنت لم تفعلها مرة حين كان من واجبك أن تسمعني ؟؟






 ما بقاش عشاني أشيل انا همه ليه ؟؟ 



- جزئي المفضل من أغنية لا أذكرها -




قد يُتبع .. !


هناك 19 تعليقًا:

  1. الكـره ده حاجه وحشه جـدآآ ..

    بس فعلا فيه ناس كتيير كمان سودا من جوواها .. بتكره بشكل لا يطـاق

    ربنـا يهدي الجمـيع .. ^_^

    ردحذف
  2. سمو الأميره

    تحياتى لشخصك الطيب ولقلبك الأبيض
    للمره الثانيه بزور مملكتك وأتجول بين غرفاتها المغلقه
    ويبهرنى جمال أبوابها
    ولكن وجدت غرفه أبوابها مفتوحها ولكن وجدتها سوداء محترقه من قسوه الأغبياء

    أعزرينى على تعبيراتى بس ببساطه أنا مفهمتش البوست اللى فات على أنه حب من طرف واحد ولكن كان أحتمال
    قولت لنفسى كده بس رجعت وقلت حتى لو مش حب من طرف واحد
    لكن معنى أنى أحب أنسان وهو مش واخد باله بالعربى مش حاسس أو مش فارق معاه
    يبقى مايستهلش أضيع وقتى ومجهودى من حب وألم وعزاب وتفكير معاه

    أستوقفنى تعبير مزهل قولتيه
    خالانى محتاج فنجلين قهوة بدل واحد شاى فى المدونه اللى جنبك
    أصلى بحب أشرب دايمآ الشاى هناك طعمه حلو جدآ أكيد جربتى
    الجمله بتقول

    ترى هل سيتألمون لرحيلي ؟؟
    أحياناً أتمنى أن أموت فقط لأختبر ألمهم
    ربما لأن قلبي لا يطاوعني على إيلامهم وأنا حية !

    فكرن وفكرت ورحت وطلعت ودخلت تانى
    التعبير معلق فى دماغى
    على قد من انه جميل جدآ بس صعب جدآ
    أحساس مات عند ناس كتير من زمان

    بس الظاهر أنك صاحبه مشاعر وأحاسيس جميله جدا أتمنى ربنا يكرمك وتروح المشاعر الجميله ديه للى يستحقها
    ويحافظ عليها وينميها ويعليها

    تقبلى مرورى ليس بالأول ولا عمره هيكون الأخير

    تحياتى وتقديرى لأميره سجينه داخل أحاسيسها الجميله

    ردحذف
  3. الكره الحقد الغيرة كلها مشاعر بتدمرنا احنا وبس

    خليكى على طبيعتك وحبى الناس وسامحى وبرده خليكى قوية

    هتحسى باحساس مريح اووى

    ردحذف
  4. ماى بوينت أوف فيو إذ

    بالرغم من كل هذا الكره لم تنسفى إلا نفسك...وحتى لو فاضت روحك فمذا سيجديك تألمهم إذا كنت فى علم الأرواح وهم فى عالم الأحياء..وفعلا هى السذاجه المفرطه التى تدفعنا للإستمرار... من لم يسمع لا يسمع... إيه بقى الأغنيه لو أفتكرتيها عرفينى...مش فاهم!!!



    الحمد لله انه البعض الأسود من القلب
    مما يدل على ان الكليه للأبيض عارفه فى ديانه اسمها الدوايزم ...حاجه كده اشبه بالفلسفه الرمز بتاعها كلنا شفناه وبنلبسه على التيشرتات زى العبط...دايره وجواها خط معرج قاسمها نصين نص اسود فيه نقطه بيضه ونص أبيض فيه نقطه سوده...يعنى الطيب فيه الشر والشرير فيه الطيبه

    فياريت السواد الى فقلبك يكون خرج فى البوست والمحشى الفلفل عرفت تأويله ههههههههههههههههههههههههه

    سلام يا مولاتى

    ردحذف
  5. ازيك يا برنسيس

    وحياة ربنا يا شيخة كفاية كده !

    بليز مش عاوزينه "يتبع"

    كده رضا قوي والحمد لله

    احنا ناس قنوعه وبترضى بقليلها

    روووووووووووقي وسيبيها على الله

    :)))

    سلام

    ردحذف
  6. gh يا سرورة ما تكرهيش الكره مش بيعذب الا صاحبه
    ولو عاوزة ااكدلك بجد
    أنا لما بعرف ان حد بيكرهنى بشفق عليه لانى ببقى متصورة اد ايه بيحرق نفسه بالاحساس دة لان الكره بيحرق مشاعر اللى بيحس بيه
    واقل حاجة هقولك انتى عمرك ما تحبى حد يشفق على احساسك..صوح ؟
    بس جزءك المفضل من الاغنية دة أنا حسيته أوى وتقريبا شكلى هفضله أنا كمان :)
    بس بصراحة البوست حسيتك بترمى فيه حاجة براكى أوى عشان ماتوجعكيش وحبيته أوى

    ردحذف
  7. المقطع دا من أغنية للفاضلة سميرة سعيد تقريبا ( حب ميوس منه )

    بس حلوة قد يتبع دى



    و معاكى فى موضوع الكراهية و النسف

    فى ناس و فى مواقف و فى حاجات مينفعش معاها مسامحة

    ردحذف
  8. "أحياناً أتمنى أن أموت فقط لأختبر ألمهم "

    تخيلي ان نفس الافكار المجنونة دي ساعات بتجيلي...

    تحياتي

    ردحذف
  9. السلام عليكم

    الكره حاجة وحشة اوي و بتضر الكاره اكثر من الكروه
    زي ما قلتي بتنسفك لوحدك

    فعشان كدة انا بشوف انحنا نمحي الكراهية من قلوبنا

    انا معاك ان في ناس متستهلش الحب بس برضو متستهلش انحنا نوسخ قلوبنا بكرهية و لو كانت ليهم

    ملي قلبك بالحب للناس لي بتحبك بجد و ناس تانية ملهومش نصيب في قلبك لا بالحب و لا بالكره
    و متدهمش اي اعتبار و لا اي مساحة في قلبك وفي حياتك

    تحياتي

    ردحذف
  10. حباية بندول

    عاجبني اسمك اوي على فكرة :)

    بصي يا بنوتة

    مافيش حد ما بيكرهش الفراق ولا الخيانة ولا ولا ولا

    في حاجات ما ينفعش معاها غير الكره
    مافيش بني آدم خالي تماماً من الكره
    حتى لو كان كره للشر مثلاً

    المشكلة بتكرهي ايه ؟ وبنسبة قد ايه وليه ؟

    ردحذف
  11. محمد التركي منورني جداً :)

    بالنسبة للبوست اللي فات .. تمام وصلتني وجهة نظرك :)

    بالنسبة للبوست دا

    ربنا يكرمك يارب مش مشاعر جميلة ولا حاجة
    دي حاجة عدوانية خالص !

    محمد .. الزمن دا مافيهوش ملايكة ولو فيه انا - للأسف - مش منهم !

    منورني جداً بجد

    ردحذف
  12. ستار ان زا سكاي :

    دي فطرة في البني آدم يا ستار
    اللي مش طبيعي اني اقدر اكون قديسة
    وما ابادلهمش كرهاً بكره

    صدقيني بحاول اتسامح واغفر
    بس لما بيفيض بيا بنفجر

    ردحذف
  13. ابو كريم

    معاك حق جداً
    مش هستفيد حاجة !
    الأغنية بتاعة سميرة سعيد حب ميئوس منه
    جميلة اوي اسمعها هتفهمني اوي :)

    شوفتني لديانة الدوايزم دي
    هدعبس عنها :)


    المحشي بالفلفل ماما عملتهولي تاني يوم ههههههههههههههه وبردو ما اكلتوش :)

    ردحذف
  14. شريف باشا لأ كفاية ايه انتوا لسة شوفتوا حاجة ههههههههههههههههههه

    عايز الجد
    صدقني انا نفسياً ارتحت جداً بعد ما فرغت شحنة العكننة دي :)
    الحمد لله

    ردحذف
  15. بوكي :

    بعد الشر عليكي من تفضيله :D

    انتي فهمتيني جداً يا بوكي
    البوست دا كان حاجة كده زي جلسة مع طبيب نفسي
    فرغت اللي جوايا فارتحت :)

    ردحذف
  16. هراء لا داعي له
    تعرف اني بقالي شهور مش فاكرة هو من اغنية ايه ؟

    صح كلامك
    في ناس ومواقف ما ينفعش معاها المسامحة :)

    ردحذف
  17. هراء لا داعي له
    تعرف اني بقالي شهور مش فاكرة هو من اغنية ايه ؟

    صح كلامك
    في ناس ومواقف ما ينفعش معاها المسامحة :)

    ردحذف
  18. ابو علي تخيل اني اكتشفت ان عندي ف الكلية ناس كتير تراودهم نفس الفكرة !!

    دي آزمة جيل بقى :D

    ردحذف
  19. عارفة يا زوزو

    لو ناس هم ولا حاجة
    لو ناس ما كنتيش ببتحبيهم
    لو ناس تقدري تتجاهليهم كان ممكن ما اكرههمش

    لكن المشكلة انهم مش كده :(
    والمشكلة اني ما استاهلش منهم كده

    غصب عني كرهتهم وقلبي مش قادر لا يسامحهم
    ولا ينسى اساءتهم ولا يحبهم :(

    ردحذف

Say something...