لعلمك

لعلمك

إقرأ لي

دخلوا بكليك شمال :D

Blog Archive

السبت، مارس 27، 2010

postheadericon نِفسي أحبك !



كل الدنيا بتحسدني عليك .. كل الناس بتقول لي يا بختك

دا بيحبك أوي .. دا بيخاف عليكي بجد .. دا هدية من السما

ماحدش عارف انك انت مشكلتي الوحيدة في الدنيا :(

نفسي بجد أحبك .. حبك ليا بيعذبني

نفسي أحس جوايا اللي انتَ حاسه ناحيتي

نفسي توحشني .. أخاف عليك .. أغير عليك

أحس بيك قبل ما تيجي .. أحس بيك لما تبقى تعبان أو متضايق

حاولت كتير بس مش قادرة بجد :(

اوقات بتمنى حقيقي تبطل تحبني علشان ابطل احس بالذنب

*******

اهتمامك قل بيا .. رغم اني كنت بتمنى ان دا يحصل من زمان بس ماعرفش ليه اتجننت

حاسة ان في حاجة مهمة ناقصة في حياتي

عايزة اسأل عليك .. عايزة اكلمك بس مش عارفة !

ما اتعودتش على كده

*******

قلبي حاسس ان في حد تاني في حياتك ..

الغريبة ان دي أول مرة أحس فيها بيك .. والغريبة ان احساسي طلع صح

شوفتها معاك .. حسيت انك بتحبها ..

حسيت في عينك وانت بتبص لها نظرة زي اللي كنت بتبص لي بيها زمان

بس الفرق ... ان هي كمان في عينها نفس النظرة ليك

يا بختها بيك .. بتحبك بجد .. وانت كمان بتحبها

بحسدها بجد .. لأني عارفة يعني ايه تكون بتحب واحدة

انت لما تحب واحدة بتخليها ملكة بجد ..

أول مرة أحس اني بغير عليك

وامبارح كانت اول مرة اعيط من كتر ما وحشتني

اكتشفت اني للأسف .. حبيتك :(


قصة قصيرة
25 يناير 2010

15 بوينتس أوف فيو:

قبلاوى يقول...

امممم ...

هم قالوا

"أن تحب لا شئ

أن تُحَب شئ

أن تحب و تُحَب كل شئ"

يعنى اعتقد ان المفروض هى تختار اللى بيحبها مش اللى بتحبه


و عامة الحب المتبادل كان هييجى بعد كده

بدليل انها اكتشفته فى الآخر

بس لو سابها .. هى السبب

انسان عادي يقول...

هقولهالك كمان مرة عشان متجيش وتسألني
انا مش بحبك بالمرة وقلبك مش بيشغلني
لا فرحانة ولا وياك ولا بعدك بيقتلني بلاش بقي تمشي تتكلم تقول اني بدوب وياك
وقلبك لما بيسلم بتوه من فرحتي بلقاك
صحيح انا كنت برتاحلك ولكن مش صحيح بهواك

اعتقد ده تقريبا يعني الجزء الاول من القصة بس مش بنفس القسوة دي

اما الجزء التاني فممكن يكون كده

مش غريبة عليك شويه رامي قلبك ليه عليا
ايه اللي جد يعني فيا ولا ايه اللي جد فيك
فجأة يعني دبت فيا بتسحرك نظرة عنيا
بجد حاجة مش عادية الشوق ده كله يكون ماليك

مع تظبيط الضماير بقي ههههههههه

القصة عجبتني قوي يا سارة وعشان كده حبيت اوقعها علي حاجات انا كتبتها قبل كده
شكرا ليكي

سمع هوص (Abo 3li) يقول...

ماي بوينت اوف فيو ايييز: احسن تستاهل... ودي اخرة ال ميحسش ب ال بيحبو.. وال ميسمعش كلام ماما ومبيشربش اللبن

sa3ed يقول...

بجد تحفه اثرت فيا اوي بتفكرني بقول الامام علي كرم الله وججه"زهدك في راغب فيك نقصان حظ ورغبتك في زاهد فيك مذله نفس"

دماي نتألقه يا لماضه

هراء لا داعى له ..... يقول...

يالقسوة حظها

بس تستاهل

A32L MaGNoNa يقول...

حلوة اوي

:( :( :(

star in the sky يقول...

نصيبها كده

مينفعش تعذب نفسها اكتر فى حبه وتبدا تتعامل مع الوضع كانه مفيش حاجة

لانها مستحيل تقوله سامحنى اسفة مقدرتش مشاعرك وهو مدام نساها مستحييييييل ترجع يحبها تانى زى الاول لانه اللى بيحب كده لما بيعد بيكون اتجرح اوووووووووى وكمان النوع ده بينسى اللى حبه وجرحه وبيتهيالى مش لانه مش قدر الحب او انه مكانش بيحبه فعلا بالعكس ده من كتر حبه نساه

*المغتربة* زوزو يقول...

ياااااااااه قد ايه الدنيا صعبة

مش لاقية كلمات ارد بيها

بس قليلي دة واقع و لا من نسج الخيال

؟؟؟؟

Sweet Violet يقول...

اممممممممم
اعتقد ان القصه دى ينطبق عليها حال الانسان عموما
انه مش بيحس بقيمة اللى معاه الا لما يبعد عنه
حلوة القصه وواقعية بس نهايته محزنة مش زى الافلام
v_V

بس سؤال يعنى علشان انا رجلى وجعتنى لحد ماوصلت للبوست
مش تقولى ان المشوار لحد البوست طويييييييييل قوى كده علشان الواحد يجيب التوك توك معاه
مش معاملة دى خالص على فكرة v_V

وضّاح يقول...

ربما ما قلت صحيحًا.. أو ربما هو حنين قلب بارد إلى قلب دافئ, ليس الواقف أمامك على وجه الخصوص..

مامة مازن يقول...

ازيك يا لسوعتى يا حلوة
طبعا انتى غاوية توجعى قلبنا فطبعا اتوجع قلبنا
عموما انا بيتوجع قلبى فالحالتين سواء كملوا او بعدوا تفتكرى دى حاجة خطيرة واللا هخف منها هههههههههههههه


طبعا سموك بقالك حوالى3 شهور مبتكتبيش فى مدونة زوجى لانك قولتى هتنزل كتاب طبعا الحاجات دى بتاخد وقت بس ابقى باصى كده(على راى بتوع الكورة) بوست كده واللا حاجة

دمتى بكل خير يارب وبعدين الراديو بتاعكم مكملش واللا ايه
على فكرة انتى مقصرة مش بتعرفينا كل حاجة هههههههههههههه
ربنا يوفقك يارب ومبروك النجاح وتخلصى بقى

мαησηα يقول...

جميلة اووووووى بجد تسلم ايدك يا سارورة

المشكلة انى ببقى عايزة ارد

وانتى عارفة ردى

طيب نعمل ايه بقه هههههههههههه

صمت المشاعر يقول...

الانسان مش بيعرف قيمة الشيء الا لما بيروح منه

اتمني لكي حياه سعيده

دمتي بالف خير وسعاده

فتاه من زمن اخر يقول...

هو طبع البني ادم غريب
بس ماقدرش اقول غير الممنوع مرغوب

مونتانا يقول...

الحب الجديد بالنسبه له اول حب حقيقي لانه لقي الحد ال يقدر يديله الحب المتبادل من غير انانيه و النوع دا عارفه كويس بيمتص جروحه وبيطلعها حب .. النوع دا بيعيش بالحب .. و لو حب حد ياريت يحافظ ليه وميستغلش حبه ليه لمصلحته وبس
بحييكي

المتابعون

اعتبرها بيتك ♥

وِش القفص

خليك ورايا

دليفري..