2010-03-29

علشان خاطري قلب كوووووويس

كتير اوى مش بقلب الشاى كويس ، واجى اشربه الاقيه مش مسكر ومش مظبوط ، وبكسل اجيب سكر تانى

فبضطر اشربه كده .. اللى بيضايقنى بقى انى بعد ما اخلص شرب الشاى بلاقى السكر مركون تحت

يعنى لو كنت قلبت شوية كان زمانى شربت شاى مظبوط ..

تعالى كده نفصص المشكلة دى

اول حاجة المشكلة ايه :

( انى ما عرفتش اشرب شاى مظبوط )

طيب وايه السبب ؟!

( 1 ) انى ما قلبتش الشاى كويس وانا بعمله ..

(( يعنى استهترت وانا بعمل الحاجة ))

(2) انى كسلت اجيب سكر تانى

(( يعنى اتكاسلت عن حل المشكلة رغم انها فى ايدى ))

طيب والنتيجة ايه (( نتيجة المشكلة والاسباب اللى ادت ليها ))

- النتيجة انى ما استمتعتش بالشاى ..

- وانى ضيعت مجهودى وما وصلتش للنتيجة اللى عايزاها

_____________________________

عارفين ان كلنا بنعمل الحركة دى بطرق مختلفة ؟؟

كتيييييييييييييييييير اوى بنستهتر واحنا بنعمل شغلنا ..

وكتيييييييييييييييييير اوى بنكسل نحل المشاكل رغم ان حلها فى ايدينا

وبعد دا كله نندم وندور على حلول صعبة ومتعبة رغم ان الحل اصلا فى ايدينا وجوا الكوباية

علشان كده علشان خااااااااااااااااااطرى اضغط على نفسك وابقى قلب كويس

قلب كويس واعمل كل حاجة كويس

حتى لو تعبت فى الاول بس صدقنى النتيجة هتفرق كتير
 
 
ملحوظة : البوست دا نشرته زمان ع المدونة هنا بس ماكانش في ناس كتير بتدخلها
فقولت اعيد نشره تاني

هناك 20 تعليقًا:

  1. هيه .. انا اول تعليق

    عندك حق يا لاسعة

    حاجات كتيرة بتكون ف ايدينا لكن من كسلنا مش بنعملها <_<

    جزاكي الله كل خير ياقمر

    ردحذف
  2. السلام عليكم
    البوست جميل اوووى
    ولو كلنا فكرنا كده مش هبقى فى مشكله مش لها حل
    لو كلنا عاملنا كل حاجه كويس من الاول هتفرق معنا اوووى
    قال:_ رسول لله عليه وسلم، قَالَ : " إِنَّ اللَّهَ . يُحِبُّ إِذَا عَمِلَ أَحَدُكُمْ عَمَلا أَنْ يُتْقِنَهُ "
    وده اسلوب حياه يارب كلنا نبعمل بيه
    اسفه للاطاله
    ورجاء تقبلى مرورى

    ردحذف
  3. السلام عليكم
    عندك حق فى كلامك
    يارب نعمل كلنا كل حاجه كويس علشان نبقى احسن
    قال رسول لله عليه وسلم، قَالَ : " إِنَّ اللَّهَ . يُحِبُّ إِذَا عَمِلَ أَحَدُكُمْ عَمَلا أَنْ يُتْقِنَهُ "
    جزاكى الله خير
    تقبلى مرورى

    ردحذف
  4. حلو قوي التشبيه ده يا سارة
    تسلم رؤيتك

    ردحذف
  5. انا لسه حالا قبل ما اقرا البوست ده مخلص كوباية شاى بنفس المواصفات دى

    وبرضه كسلت احط سكر تانى :)

    بس بعد ما قريته بصيت ف الكوبايه ملقيتش سكر تحت .. يعنى كنت حاطط قليل م الاول


    عند حق على فكره..

    بس انا كنت فاكر الكسل ده سمه شخصيه يعنى .. طلع عند الكل اهه

    ردحذف
  6. اممممممم طيب ينفع اقلب بالمشقلب

    ههههههه

    عارفة بيعجبنى اوى تخيلك

    للحاجة بالمنظر ده

    تقنعى اى حد بمنتهى البساطة

    دمتى رائعة والسع

    ردحذف
  7. سارة.. انتي نشرتي البوست ده قبل كده بس مش فاكر فين, صح ؟؟


    كلام جميل ومعقوول كاالعادة

    تحياتي ياسمو الاميرة

    ردحذف
  8. سارة أجوان
    كلامك بجد من الكلام اللي بقراه في وقتها
    جامده يا سمو الأميرة
    تحياتي
    ^ـ^

    ردحذف
  9. يمكن انا رديت علي الفيس
    بس هنا عايز اقول حاجة تانية
    ان احنا ساعات بنقلب كويس
    وبرضو مش بيطلع مظبوط
    فده بيأدي ان احنا متفرقش معانا بقي
    ونقلب اي كلام
    تأدية واجب يعني لحد ما نتعود علي الطعم اللي مش مظبوط ده
    وبيبقي بالنسبة لنا مظبوط جدا

    نايس بوست يا سارة

    ردحذف
  10. انحناءة
    وابتسامة
    وتصفيق

    :))

    مبدعة يا ساره

    ربنا يكرمك ويوفقك دايماً

    خالص تقديري

    ردحذف
  11. طيب ينفع اقلب النسكافيه

    اصل مبشربش شاى ولا نسكافيه
    هع هع هع هع هع هع هع


    الكسل ده سبب لحاجات كتيرة اووى فى حياتنا لو نتخلى عنه شوية قليلة بس حاجات كتيرررة اوى هتتضبط فى حياتنا

    ردحذف
  12. انا باقلب لما الشاي نفسه يقرب يدوب :D

    بس باكسل اعمل شاي :D

    ردحذف
  13. فعلا يا لآسعه معاااكي حق ..

    الكسل و الخمـول و الإستهتار .. حاجات كتييير بقت منتشره دلوقت .. وخصوصا الكسل ده .. الواحد بقى يكسل يقوم يجيب كوباية المايه >_< ..

    وكل شاي وانتي طيبه ..^_^

    ردحذف
  14. انا مش بحب الشاي :D

    ودا من حسن حظي

    بس عاوزه اقولك دا اللي بعمله وبيعمله كتير ف المذاكره بالذات

    وخصوصا لو صيدله طنطا :D :D

    ردحذف
  15. تححححححححفة بجد

    معك حق حاجات كثثثثثثثثثثير اوي بستهتر بها و لسبب تافه اوي و كسل منا بس العاقبة بتكون اكبر من كسلنا و تهاونا

    على فكرة المثل لانتي ضربتيه في الاول تحفة و طرحتي الموضوع بطريقة جميلة

    تسلم ايدك يا ست سارة

    ردحذف
  16. السلام عليكم ورحمه الله وبركاته
    سمو الأميره أعزكى الله ودام عليكى التواضع
    جميل جدآ الكلام ده
    بس أنتى غلطانه فى مثل بيقولك أدى العيش لخبازه ولو ياخد نصه
    صح
    هههههههههههه

    بجد والله كلامك صح بس هقولك حاجه مش كل حاجه صح تنفع
    أنا مثلآ فى الشغل بشتغل بكل تركيز وزمه واتقان
    بس الغلطه بفوره ولو معدتهاش هتكون مشكله كبيره جدا ولو حولت أصلحها هتكون مشكله أكبر وأكبر

    بس المشكله الكبيره ليا أنى أشرب شاى مش متظبط
    بس الحمد لله أنا عارف مدونه بيقدمو واحد شاى بس أيه عجب
    ياريت تروحى هناك مش صاحبتها أختك ولا ايه
    صح

    بجد البوست جميل والرساله وصلت
    وفعلآ لو كلنا نتقى الله فى شغلنا ولقمه عشنا ربنا هيكرمنا جدا
    ربنا يوفقك دايمآ سمو الأميره

    تقبلى مرورى السريع وسامحينى أى معلقتش على البوست اللى فات أصلى كنت مشغول ومسافر فى الشغل
    بس مش هفوتلك حاجه تانى بأذن الله

    تحياتى وحبى لسموك

    ردحذف
  17. اعترف لك وبصوت عالي اني بحب بوستاتك قوي..
    بس اعذريني لاني باجي كل فترة ومش ديما باكون هنا..بس لما باجي باحس انه فيه حاجات كتير اتعملت ولازم احاول الحقها..
    حاسس اني بقيت عجوز قوي :)

    انا مبسووووووط قوي من البوست ده لاني حسيت ان انا اللي باتكلم ودي ديما طريقتي..خاصة في المحاضرات..
    اقعد اقول لهم مثال بعييييد والففهم وبعدين اسيبهم يفكروا شوية واللي مش يقدر يوصل للمعنى المقصود..يستاهل انه مش ها يشرب الشاي مظبوط..!! (';')

    ردحذف
  18. أحب انا التأمل فى احوالنا دة والاسقاط اللى بنعمله على حياتنا
    .
    .
    والله يحب اذا عمل احدنا عملا ..ان يتقنه :)

    ردحذف

Say something...