لعلمك

لعلمك

إقرأ لي

دخلوا بكليك شمال :D

Blog Archive

الأربعاء، أبريل 07، 2010

postheadericon عاااااااااااااا هبقى عجوز شمطاء



عاااااااااااااااااااا


باقي من الزمن شوية ساعات وهبقى عجوز شمطاء

هتم واحد وعشرين سنة

هكركب يا ولاااااااااااااااد  ( ايموشن متشحتف )
المشكلة الحقيقية اني فعلاً مش مستوعبة اني بكبر 
رغم اني كتير بحس اني عجوزة وعندي 80 سنة
بس اسمي لسة صغيرة
عارفة ان واحد وعشرين سنة مش عجوزة بس انا بكبر

!!

العمر بيتسرسب من إيدي
وفي حاجات كتير أوي بيفرضها علينا سننا 

كل ما البني آدم يكبر كل ما اختياراته بتبقى أقل
رغم ان المفروض العكس يحصل

****

رغم كل حاجة انا فرحانة

ايون :)

بحب اني أبدأ صفحة جديدة من عمري :)

بحب ان كل الناس بتفتكرني يوم عيد ميلادي وبتهنيني

وبتكسف اووووووووووي لما ماما تقول لي دا كأنك لسة مولودة امبارح يا سارة :$

******


رغم كل تعب في الدنيا بحبها

ولولا إني مش عايزة اكون عبء على حد ولا ورقة خريف زي ما قولت قبل كده

كنت اتمنيت اعيش يجي 100 سنة 

بما إني مش هعيش 100 سنة 

بتمنى إني أعيش حياتي وانا راضية 

وإني الاقي الأمان بقى

وإن بكرة يبقى حلو زي ما انا متوقعة

وإنه يكون فيه " طعم الحياة " 

*****

كان نفسي أوي اروح هنادي :(

بس للأسف مستحيل لأن هنادي خلاص اتقفل

*****

عايزة اعترف إني
..............

مش فاكرة والله نسيت !!

لو افتكرت هبقى اعترف :D

كالعادة كل الدنيا معزومة يوم عيد ميلادي في الكلية

على بلالين وفيشار ومصاصات وفرحة وضحكة من القلب :)


********

عايزة اقول لأصحابي

دودو ودودو والفور كاتس ولولا

بحبكم اووووووووووووووووووووووووووووي بجد

يمكن احنا مش قريبين اوي ااوي من بعض

بس بحبكم اوي

وعمري ما كنت بحس بطعم عيد ميلادي حلو اوي كده غير لما بقيت معاكم

واحتفلت بيه معاكم

بحب معيلتنا أوي يا عيال :)


29 بوينتس أوف فيو:

شمندورة يقول...

بنتولد صافيين :)

A32L MaGNoNa يقول...

هههههههههههههههههه
والله كبرتي وبقيتي عجوزة شمطاء

يالهوي

علي كدا انا بقالي شهرين عجوزة شمطاء !!! O_o

بجد كل سنة وانتي طيبة يا بنوتة ..

وان شاء الله تكون السنة دي احسن وتكوني الي الله اقرب

ومتقلقيش

انتي لسة ادامك خيارات كتيرة ف حياتك

بس ركزي صح

وربنا يوفقك يارب

اتمني اكون اول كومنت

واول هابي بيرزداي تو يو

واول باي باي ياقمر :D

انسان عادي يقول...

احم احم
سلامو عليكو

ازيك يا سارة وكل سنة وانتي طيبة
وعقبال ال 100 سنة اللي عايزة تعيشيهم
وانتي بكامل صحتك ان شاء الله

وبالنسبة للسن فاكيد انتي عارفة كويس ان كل سن له متعته
وانتي صغيرة كانت المتعة انك تعملي اللي انتي عايزاه ومش حاملة هم لحاجة
انما دلوقتي المتعة في انك تعملي الحاجة الصح وازاي تفيدي الناس

عموما كل سنة وانتي طيبة تاني
وربنا يوفقك ان شاء الله
وتحققي كل اللي بتحلمي بيه

سبايدرمان يقول...

ههههههه
كل سنه وا نتي طيبه
و عقبال 100 سنه

قبلاوى يقول...

كل سنه وانتى طيبه يا فندم

Cute Kitty **sookra يقول...

كل سنه وانتى بالف خير ياسمو الاميره ساره
طبعا سيادتك لازم تعطفى على شعبك بهذه المناسبه الكويمه جدا وتصرفلهم مرتب شهر كامل احتفالا بتوليكى مهامك الرسميه كوريثه للعرش
هههههههههههه
كل سنه وانتى طيبه وعقبال السنه 75
كفايه بلاش 100

كفايـة طيبـة يقول...

كل سنة وانتى زي القمر :)

وياستى الواحد ساعات بينجز فى غمضة عين
ويعمل حاجات فى سنتين معملهومش فى 21 سنة فاتوا
ماتقلقيش
هابي بيرث داااااااااى :)

سمع هوص (Abo 3li) يقول...

كل سنة وانتي طيبة ياملكة...
انتي بلغتي سن الرشد خلاص... مش هتفضلي اميرة بس طول عمرك... ياعجوزة..

عقبال مليون سنة

sony2000 يقول...

كل سنه وانتي طيبه
وشويه وهحصلك
لان عيد ميلادي يوم 22\4

محمد التركى يقول...

سمو الأميره/ ساره
أعزك الله وأطال فى عمرك وأعلى من شأنك

كل سنه وأنتى طيبه ياساره بس مش عقلك عقبال 100 سنه
لأنى بعزك وبحبك وبحترمك علشان كده
متمناش أنك تعيش للسن ده علشان ساعتها هتلعنى اليوم اللى أتولدتى فيه
بالزمه ياشيخه حد يتمنى لنفسه يعيش 100 سنه ياخبر أبيض
أذا كان دلوقتى وعيشين فى مرار وأحنا شباب أسعار كل حاجه بقت نار ومفيش جواز علشان مفيش شقق ولا فيه شغل معقول وأشيى مش عارف ايه طيور على خنازير
والدنيا بايظه
تخيلى بقى معايا بعد 100 سنه
يعنى مثلآ سنه 2110
ياعينى ياعينى
كيلو اللحمه ب20000 جنيه
أرغيف العيش ب100 جنيه
حالات الأنتحار اليوميه وصلت لمليون شاب وفتاه لزياده معدل العنوسه ل100 فى ال100
وحالات القتل والسرقه والأختصاب وووووووو
ياخبر مطين بستين طين
يارب ماتحكمش عليا أعيش لليوم ده
أيه رأيك سمو الأميره حياه تشائميه ميه ميه
ههههههههههههه
أنا مش عايز أعكنن عليك فى يوم جميل زى ده
وبعدين تعالى هنا بتقولى عجزتى وأنتى عندك 21 سنه أمال أنا أقول ايه وأنا عندى 27 أموت نفسى بقى
الله يسامحك ياشيخه
ياله محدش واخد منها حاجه
كل سنه وأنتى طيبه ياستى وتقبلى مرورى
أنا عارف أنك أتخنقتى منى والله عندك حق

ودى وحبى وتقديرى لأصغر أميره فى مملكت الحب

هراء لا داعى له ..... يقول...

من زمان قوى الواحد مبقاش عنده 21 سنة

أخـت فـى الله يقول...

كل سنة وانتى شابة وروحك متفائلة
طب انا لسه حكمل ال22 يقولوا عليا ايه دلوقت.موميااااء؟ انا مومياااااء عاااا

كيــــــــــــارا يقول...

كوووووووووول سنة وانتي طيبة ياعثل

سمو الأميرة سارة يقول...

شمندوة .. بنتولد طاهرين :)

سمو الأميرة سارة يقول...

اعقل مجنونة :)

كل الناس نصحتني ما اركزش علشان ما اتعبش هههههههه

اصدق مييييييييين بقى ؟؟

وانتي طيبة يا قمراية ربنا يخليكي يا جميل تسلمي لي :*

سمو الأميرة سارة يقول...

انسان عادي

وانت طيب يارب :)

المشكلة يا انسان اني ما لحقتش اتمتع بسني

:(

بس يلا خييييييير الحمد لله :)

كده اكيد احسن

سمو الأميرة سارة يقول...

سبايدر مان وانت طيييييب وبخير يارب :)

سمو الأميرة سارة يقول...

وانت طيب وبخير يا قبلاوي :)

سمو الأميرة سارة يقول...

سكرة وانتي طيبة يا حبيبتي

بالنسبة للمرتب فانا بقتدي بريسنا
مش عايزة احتفالات بيا ;)

سمو الأميرة سارة يقول...

كفاية طيبة وانتي طيبة يا جميلة وبخير

بالنسبة للإنجاز فمعاكي حق صح

بس المشكلة هل اللي انجزتيه دا كنتي مخيرة فيه بنسبة كبيرة ولا انتي اخترتي ما بين المر واللي امر منه ؟؟

سمو الأميرة سارة يقول...

أبو علي :)

وانت طيب يارب وبخير

ماتقوليش يا عجوزة الكلمة دي بتعصبني بتعصبني

- بتعصبك الكلمة دي ؟

ايوة

- طب يا عجوزة يا عجوزة يا عجوزة

بتبلى عليك :) هههههههههههههه

سمو الأميرة سارة يقول...

سوني يا قمر

كل سنة وانتي طيبة يا حبيبة قلبي

سمو الأميرة سارة يقول...

ههههههههههههههههههههه محمد التركي

كمية المصايب اللي قولت عليها دي هتخليني ارد عليك واروح انتحر بعدها هههههههههههه

وانت طيب يا محمد وبخير يارب :)

سمو الأميرة سارة يقول...

هراء لا داعي له

هههههههههههههه

قول للزمان ارجع يا زمااااان :)

سمو الأميرة سارة يقول...

اخت في الله :

وانتى بخير يا حبيبتى وزي الفل

لأ الاتنين وعشرين مش مومياء انتي لسة تبعنا :D

سمو الأميرة سارة يقول...

وانتي طيبة يا احلى كيارا

تسلمي لي يا حبيبتي

مامة مازن يقول...

كل سنة وانتى طيبة يا سارة
بقى يا شيخة انتى عجوز شمطاء 21 سنة وعجوز شمطاء امال اللى بالصلاة ع النبى ماشى فى الا32 يعمل ايه يروح يرمى نفسه فى اقرب سلة مهملات واللا ايه ههههههههههههههههههههههههه
كل سنة وانتى فى احسن حال وصحة وسعادة وربنا ينجحك يارب وتخلصى على خير
ربنا يهيىء لكى كل خير يا اختى الصغنونة العسولة

Timo.. يقول...

كل سنه وايامك كلها ربيع..
كل سنة وانت اميرة التدوين :)

مونتي بوكيه ورد يقول...

كل سنه وانتي طيبة يا سمو الاميرة وكل ما تكبري تلاقي نفسك صغرتري وتروحي هنادي وتاكلي الجيلاتي و تمتعنينا بلسعة مشاعرك وهدوء عواصفك و هابي بيرز داي يويو

المتابعون

اعتبرها بيتك ♥

وِش القفص

خليك ورايا

دليفري..