2010-05-30

الأبيض أيضاً يُلَوِث !

لا يذكر بالتحديد من أين بدأ هذا المرض مهاجمته ، ولا يذكر متى لحظ أول رقعة بيضاء في جلده

لكنه يذكر وبشدة ذلك اليوم الذي نظر فيه في المرآة ولم يعرف نفسه !!

عود نفسه على التأقلم مع المرض .. وبدأ يتسلى بتوقع مكان الرقعة القادمة

وبعد أن كان يتحاشى النظر في وجوه الناس منذ مرض به ، عاد ثانية يتطلع في وجوههم بكل كبرياء

لكنه رغم كل شيء كان يحن للونه الأسمر القديم

و تعلم لأول مرة .. أن الأبيض أيضاً يُلوث !!
سارة درويش

29 مايو2010

 

بدأ المرض .. لايذكر متي بدأت الرقع البيضاء تنتشر ...

ولكنه يذكر بألم يوم شاهد نفسه في المرآه ولم يعرفها ....

كل هذا جعله يتأقلم ، و يتسلي بتوقع مكان الرقعة الجديدة عن نظرة الناس له ..

ولكنه الآن أقوي ، ينظر بكل كبرياء ..

كبرياء لا يشوبه سوي حنينه للونه الأسمر القديم ، ويقينه الذي يزيد بأن الابيض ايضاً يلوث


شريف شقارية
29 مايو 2010 

 

بقع بيضاء تتناثر هنا وهناك

لا يدري هل هي مرض مزمن ام مجرد فترة من الزمن وتختفي الى العدم كما جائت منه

نظره حانيه الى ذلك الجسم الصلب اللذي يعكس صورة شخص بالكاد يتعرف عليه

من هذا !! الآن فقط أدرك ما يمر به وأيقن ما فرض عليه رغما عنه

يجب عليه أن يتاقلم ليستمر والا وصل لحافة النهايه السوداء

ياااااه كم اصبح يعشق السواد ويندم عندما كان يمقته ويتمنى عودته مرة اخرى ... الآن والآن فقط آمن بأن الأبيض أيضا يلوث
 




30 مايو 2010

2010-05-22

بديعة .. !



كنتُ أحزن دائماً من معاملة امي القاسية لي ، كنت أتمنى أن تأخذني في حضنها ولو مرة واحدة !

أتمنى أن تقص لي حكايات قبل نومي ، وأن تداعب شعري بحنو حتى يسرقني النوم .

لكنني الآن أحمد الله كثيراً على أنها لا تحتضنني .. أحمد الله على قسوتها معي

حتى لا يتمزق قلبي بين حبها وبين كراهية ما تفعل

.........

إحساس مرعب وقاتل أن يكون الشارع أكثر اماناً من بيتك !

كل ما يمكن أن يخيف اي انسان من الشارع كان مجتمعاً في منزلي .. الموت .. الغدر .. الخوف .. السرقة .. الإهانة

كنت اتنفس الصعداء فقط .. حين اكون في الشارع .. حينها فقط كنت أشعر بأمان

كنت اتمنى أن أغفو ولو دقيقة على أي رصيف .. دقيقة واحدة دون ان تزورني في نومي الأشباح !


................


كثيراً ما كنت اتساءل ماذا يمكن أن تفعل بي ؟؟

كانت تبتسم في وجه صديقاتها ثم تقتلهن

فماذا يمكن أن تفعل بي أنا وهي لم تبتسم في وجهي مرة ؟!

................


ياااااااااااااااارب متى الخلاص ؟



2010-05-20

كان يوم تحفة بجد



بجد كان يوم خراااااااااااااافة احسن مما توقعت بكتير ، لولا بعض المنغصات اللي خليتني هعيط في اول اليوم

بس بجد الناس الحلوة اللي حضرت امتصتني وتفهمت الموقف 

ماكنتش متخيلة ان كل الناس دي تيجي علشاننا :)

ولا كنت متخيلة ان الكتاب هيعجب الناس بالدرجة دي 

وكنت مرعوبة جداً جداً لحد اللحظة اللي اتكلم فيها استاذ وليد كساب ومن بعده استاذة رباب

رباب لولا رأيها اللي شجعني كان زماني سحبت الكتاب تاني ورجعت في كلامي اصلاً :)

.........

انا دايماً مش بعرف اتكلم وانا فرحانة ، وكمان مافيش اي كلام في الدنيا يعبر عن شكري لكل اللي شرفوا الحفلة

بالذات د / ياسر قنصوة .. أستاذي الجميل اللي بجد قال في حقي كلام أروع مما استحق 
وفرحني وجوده اووووووووى 

ورباب اللي من كلامها انا بجد عيطت .. اختارت اكتر جزء في الكتاب من قلبي بجد وقالته 

واستاذ وليد كساب اللي ما كنتش احلم اساساً اني اقابله في يوم من الأيام ونور الحفلة :)

بجد بجد نفسي أشكر كل اللي حضروا واحد واحد
وواحدة واحدة
بس انا لسة ما نمتش من امبارح لحد دلوقتي
وكل خلية في جسمي بتقولي انا مش مركززززززززة 

بجد بحبكم اوووووووووووي

شكراً لكل اللي كلموني يباركولي والله كأنكم جيتوا ولو اني كان نفسي اشوفكم اوي

بس تتعوض ان شاء الله



2010-05-15

يوم الأربعاء فرحي يا جدعاااااااااااااااااااان

أيون .. يوم الأربع 19 مايو

فرحي وفرحتي

حفلة توقيع كتابي :)

زوجي مازال حبيبي

الساعة 3 عصراً في كافيه روستيك

الإيفنت هنا


تتشرف دار إنسان للنشر والتوزيع تتشرف بدعوتكم لحضور حفل توقيع كتابي

موس حلاقة لـــ شريف شقارية

وزوجي مازال حبيبي لــ سارة درويش

 
وذلك يوم الأربعاء الموافق 19 مايو 2010 


طنطا - كافيه روستيك شارع الفاتح برج د.أحمد جمعة بجوار سوق الجملة


للاستفسار :

شريف شقارية
0123018089

محمد الوكيل
0120878406

وطبعاً  اللي معاهم رقم تليفوني يكلموني لو عايزين يسألوا عن أي حاجة

هستناااااااااااااااااكم وبجد نفسي اشوف كل الدنيا هناك :)

2010-05-07

My adventure book


You are the first  and the only person to read my adventure book,

To  know my dreams , 

Do you know why ?

Because you are the only person who can make it come true :)

I Love You

2010-05-01

أنا عندي سرررررررر



زمان وانا صغيرة كان نفسي أوي يكون عندي أسرار

كنت بجيب أي ورق عبيط كاتباه للقطط  بتاعتي وأخبيه في صندوق كده مخصوص مسمياه صندوق الأسرار

وأخبي الصندوق واعمل له اقفال وأفلام غريبة كده وأنا أساساً ما عنديش ولا سر !

دلوقتي عندي أسرار كتييييييييييير أوي لدرجة إني حاسة انها حمل تقيل على قلبي
زهقانة منها ومش عايزة أخبيها ونفسي أبوح بيها

بس ما ينفعش

كلام كتير ناس أمنتني ما أقولهوش .. مواقف كتير عايزة انساها فمش بحكي لحد عليها

أفكار سودا بتجي لي من وقت للتاني ومش عارفة أبوح بيها 

دلوقتي أنا عندي سر :(

وياريتني ما عندي سر

________________________


بخصوص التعليقات سامحوني بجد على عدم الرد
أنا والله بقرأ كل تعليق مش بسيب منه حرف بس المشكلة ان الوقت محدود جداً
زائد ان بلوجر تقيل جداً وبيحمل بصعوبة اوووووي عندي