لعلمك

لعلمك

إقرأ لي

دخلوا بكليك شمال :D

Blog Archive

السبت، مايو 01، 2010

postheadericon أنا عندي سرررررررر



زمان وانا صغيرة كان نفسي أوي يكون عندي أسرار

كنت بجيب أي ورق عبيط كاتباه للقطط  بتاعتي وأخبيه في صندوق كده مخصوص مسمياه صندوق الأسرار

وأخبي الصندوق واعمل له اقفال وأفلام غريبة كده وأنا أساساً ما عنديش ولا سر !

دلوقتي عندي أسرار كتييييييييييير أوي لدرجة إني حاسة انها حمل تقيل على قلبي
زهقانة منها ومش عايزة أخبيها ونفسي أبوح بيها

بس ما ينفعش

كلام كتير ناس أمنتني ما أقولهوش .. مواقف كتير عايزة انساها فمش بحكي لحد عليها

أفكار سودا بتجي لي من وقت للتاني ومش عارفة أبوح بيها 

دلوقتي أنا عندي سر :(

وياريتني ما عندي سر

________________________


بخصوص التعليقات سامحوني بجد على عدم الرد
أنا والله بقرأ كل تعليق مش بسيب منه حرف بس المشكلة ان الوقت محدود جداً
زائد ان بلوجر تقيل جداً وبيحمل بصعوبة اوووووي عندي

11 بوينتس أوف فيو:

عالم ماريونت يقول...

هههههههههههههههه
طيب و الحل ايه؟؟؟؟؟؟؟
يعني تفتكري هتفضلي شايلة الاسرار دي لوحدك؟
شوفي يا بنتي
انتي لو ليكي صديقة مقربة بتثقي فيها(و حطي تحت بتثقي فيها دي كام خط) و مجرباها كام مرة في اسرار و هي مخانتكيش
يبقى اتكلي على الله و قوليلها اسرارك
لو ملكيش
يبقى حاولي تدوري على حد تثقي فيه

وربنا يوفقك دايما
رنا

wasf_elahsas يقول...

همممممممممم

انتي كده حالتك صعبه

بس لازم نعرف الاول حاجتين

السر ده عيب يعني لو حد عرفه هتبقي خجلانه من الناس ومن نفسك ومن اهلك

السر ده لو اتعرف هيسببلك مشكله والمشكله دي هتاثر عليكي

لو فيه الحاجتين دول يبقي مش سر يبقي ورطة وانتي لازم تحاولي تخرجي منها قبل ما ييجي وقت ماتقدريش تعملي حاجة
وزي ما بيقولو تقع الفاس في الراس يا عباس

وبس خلاص
تيك كير

بنـوتــــة يقول...

عندك ميت حق و حق
و أنا كمان يا ريت حد يشيل عني كل اللي عندي
ممكن حاجات مش سر و لا حد ممنك عليها
بس مينفعش تحكيها
و معذباكي
بجد عذاااب
و بالذات لما تحسي إنك واقفة لوحدك في فضاء أسود شاسع

funky girl يقول...

:)
بجد معاكي حق ;)
ساعات الواحج يكون عايز حاجاتاوي و يعملها و اما تكون معاه مايعوزهاش

سمع هوص (Abo 3li) يقول...

طبيعة الأنثي مش بتقدر تحتفظ بأسرار...

HaZeM يقول...

أولا انا مش لاسع
بس ممكن أخد الصفه دى علشان فكرت احط ماى بوينت اوف فيو لاول مره فى اى بلوج
المهم
هاتى ورقه واكتبى فيها الأسرار دى واحرقيها واهو تبقى قلتيها للورقه
او تستحملى بس دى متعبة اووووى :(

على فكره انا متابع بلوجك من أسبوعين كده .. دماغك عاجبانى :D

ريم يقول...

بوحي بيها لنفسك بصوت واطي بالليل قبل ما تنامي :)
أو بوحي بيها لواحدة بس من صحابك.. واحدة تكون يعني بقى مفيش زيها.. أو لوالدتك..
أو بوحي للورق.. ده بقى رائع..
على رأي نزار قباني:
"حين تكون الكتابة فعل خلاص" ..
الفن بأكمله فعل خلاص بشكل أو بآخر..
فتفنني يا سارة :)
هتتبسطي كمان !

شفـقــة و إحســــان يقول...

اقولك يا سرسر قولهولى انا السر ده دانا بير
هههههههههههههههه
بقى يبقى عندك قطط ومتقوليش طيب والنبى تيجى تاخدى اللى عندى

Doba يقول...

اكتبيه ف ورقة وقولى كل اللى نفسك فيه وقطعى الورقة او احرقيها

هتحسى براحة
وبفرق كبير

تحياتى
هبة

قبلاوى يقول...

ده شئ جميل

اعتقد دلوقتى جه وقت الصندوق فعلا

بالمناسبه ايه النصائح اللى يتوجب على الفرد يتبعها وهو بيشترى قطه .. ؟

Tarkieb يقول...

عارفة الصندوق بتاع الاسرار بتاعك ده فكرني بصندوق النذور بتاع السيدة زينب كنت بهبلى باكتب جواب للسيدة زينب او اي امنية واحطه في الصندوق كل ما كنت عايز انجح او عايز توفيق من ربنا وكان طبعا بتيجي لجنة صندوق النذور من الاوقاف تعمل لجنة كمان ماهي ميغة وتجتمع اللجنة عند ابو شقرة الكبابجي وتعمل لجنة تانية وتفرز الفلوس والرسايل على جنب ... وكانت الرسايل من نصيب الفحم اللي كان بيتشوي به الكفتة لللجنة اما الفلوس فكانت لزوم الكباب والسلطات والباقى يتم توريدة لخزانة الدولة...مشكلتك ان صندوقك عايز هو كمان لجنة وكمان اسرار قديمة من ايام سيدنا كفتة خرم الله عينه يعني بعد الوقت ده اكيد اكل عليها الدهر كفتة وشرب... نصيحتي ليكي روحي للعلاف بيعي الورق ده بالكيلو وخشي على اجدع محل كبابجى عندكم وربنا ح تنسي ام الاسرار دي.وكمان ح تدعيلي . ولو عايزة خبير لجان انا في الخدمة

المتابعون

اعتبرها بيتك ♥

وِش القفص

خليك ورايا

دليفري..