لعلمك

لعلمك

إقرأ لي

دخلوا بكليك شمال :D

Blog Archive

السبت، مايو 15، 2010

postheadericon يوم الأربعاء فرحي يا جدعاااااااااااااااااااان

أيون .. يوم الأربع 19 مايو

فرحي وفرحتي

حفلة توقيع كتابي :)

زوجي مازال حبيبي

الساعة 3 عصراً في كافيه روستيك

الإيفنت هنا


تتشرف دار إنسان للنشر والتوزيع تتشرف بدعوتكم لحضور حفل توقيع كتابي

موس حلاقة لـــ شريف شقارية

وزوجي مازال حبيبي لــ سارة درويش

 
وذلك يوم الأربعاء الموافق 19 مايو 2010 


طنطا - كافيه روستيك شارع الفاتح برج د.أحمد جمعة بجوار سوق الجملة


للاستفسار :

شريف شقارية
0123018089

محمد الوكيل
0120878406

وطبعاً  اللي معاهم رقم تليفوني يكلموني لو عايزين يسألوا عن أي حاجة

هستناااااااااااااااااكم وبجد نفسي اشوف كل الدنيا هناك :)

26 بوينتس أوف فيو:

SuperNova يقول...

سبحان الله، لسة كاتبلك انتي و شريف بوست مخصوص في المدونة بتاعي


مبروك يا انسة "الاحترام حلو برضو" سارة
و عقبال جايزة لوبن قصدي نوبل

MR.PRESIDENT يقول...

مبروك وعقبال الكتاب المليون
بس اهم حاجة اوصيكي بالمضمون .
ينبوكيش سواب معكيش نسخة متاخده سكانر
عشان الغلابة اللي زي
مرة تانية ببارك واهني وانتم السابقون ونحن الاحقون باذن الله

مسكات طبيعيه يقول...

مبرووووووووووووك
والله انا فرحنالك اوى
انتى بجد شخصيه جميله وربنا يسعدك يارب بقيت ايامك
وانا بتمنى لنفسى انى ختيبى يعيشنى السعادة اللى انتى فيها بعد الجواز
مش بحسدك والله انا اتمنالك السعادة لآخر العمر يارب
بس بتمنى لنفسى سعادة زيها
ادعيلى ياجميل
وعلى فكرة انا اختى اسمها سارة
:D

أحمد فـــارس يقول...

ألف مليووووووووووووووون مبروووووووووووك ... وبالتوفيق ان شاء الله ... كان نفسي احضر بجد بس المسافات بقى بس ان شاء الله هاشتري الكتاب

P A S H A يقول...

مليووووووووووووووووون مبروك يا ساره

ربنا يا رب يكرمك ويوفقك ويكون يوم جميل إن شاء الله .. وبإذن الله أنا واثق إنه كتاب رائع وهايكسر الدنيا .. لإنك حد مميز في كتاباته جداً .

وربنا يوفق أ / شريف شقارية في كتابة اللي أكيد برضه هايكون رائع

خالص تمنياتي بالتوفيق

:))

سلام

مهيج الجماهير يقول...

الف مبروك
انا هنور طنطا ان شاء الله
ههههههههههههههههههه

ان شاء الله يبقى يوم حلو


بقولك ايه .. هو البرنامج اللى انتى مصممة بيه القالب ده كان اسمه ايه ؟؟

medolegend يقول...

مبرووووووووووووووو ك ك ك
واجدع سلام وتحية اسكندرانى على طنطا واللى منها
وان شاء الله يكسر الدنيااااااااااا

موناليزا يقول...

ألف مبروك ويارب بالتوفيق

احاسيس آيوشه يقول...

الف الف مبروك ياسارة عقبال الكتاب المليون

أبو كريم يقول...

مبروك مبروك مبروك
مبروك عليكى يا ساره
يارب كتر أفراحها
وعلى قد نيتها اديها


بجد فرحتلك والى الامام دائما

طالبة مقهورة ..درجة أولى يقول...

الف مبروك يا سارة انا لسه جدية ع المدونة من بوست بس ^_^

فوجئت انك كاتبة من ورايا..طوووويب ماشي

ربنا يسعدك يارب وان شاء الله اول م الامتحانات تخلص هجيب الكتاب واقولك رأيي السخصي جدا

قبلاوى يقول...

الساعه كام طيب ؟

سمو الأميرة سارة يقول...

الله يبارك فيك يا احمد يارب :)
شكراً بجد على التهنئة الجميلة تسلم لي :)
حلو التوقير دا :D

سمو الأميرة سارة يقول...

سيادة الريس بذات نفسه منورني :) يا مرحبا يا مرحباااااااا :)

لو طلعت نسخة بي دي اف هبقى انا غلبانة يا سيدي الرئيس هههههههههه

الله يبارك فيك يا رب وعقبال كتابك يارب :)

سمو الأميرة سارة يقول...

مسكات طبيعبة الله يبارك فيكي يا بنوتة تسلمي لي

ربنا يسعدك يا جميلة ويوفقك دايماً يااااارب

سمو الأميرة سارة يقول...

احمد فارس الله يبارك فيك يارب :)

ان شاء الله هيكون في حفلة في القاهرة لو تناسبك تنورنا :)

سمو الأميرة سارة يقول...

شريف باشا الله يبارك فيك يارب يا شريف تسلم لي :)

سمو الأميرة سارة يقول...

هههههههههههه الله يبارك فيك يا خالد دا انت هتشرفنا والله يا خالد :)

البرنامج بقى قولتلك عليه تماموز

وع فكرة انا فتحت بالكروم من عندي لقيتها متظبطة :)

سمو الأميرة سارة يقول...

الله يبارك فيك يا ميدو :) تسلم انت وكل اهل بحري يارب :)

سمو الأميرة سارة يقول...

الله يبارك فيكي يا موناليزا تسلمي يا جميل :)

سمو الأميرة سارة يقول...

الله يبارك فيكي يا آيوشة يا قمر تسلمي لي يا حبيبتي

سمو الأميرة سارة يقول...

الله يبارك فيكي يا ابو كريم يارب تسلم لي :)

ربنا يخليك ويسعدك يارب

سمو الأميرة سارة يقول...

طالبة مقهورة الله يبارك فيكي يا جميلة تسلمي لي :)

مستنية رأيك السخصي علشان انتي دماغك عجباني :)

سمو الأميرة سارة يقول...

الساعة تلاتة يا قبلاوي :)

kafrawy يقول...

لا والله مش جاى علشان مش فاضى


مبروك ياعم ساره

ابقى افتكرونا باى حاجه

مصطفى عبدربــه يقول...

ألف ألف مبروك يا سارة
مش عايز اقول اني نفسي آجي بس ظروف الامتحانات والكلام ده ، انتِ عارفة ده !

على كل حال أتمنى النجاح للكتابين
ويارب يكون وشكوا حلو على بعض

ولو الكتاب نزل المنصورة أكيد هاقراه وأقولك رأيي

يالا

سلام يا سارة

المتابعون

اعتبرها بيتك ♥

وِش القفص

خليك ورايا

دليفري..