2010-06-07

فأط في مصر



بكره جداً إستخدام التعبير دا بس بجد دي حاجات عمرها ما حصلت غير في مصر

ولا هتحصل أساساً ..


- سؤال امتحان الشفوي لطلبة ليسانس " انت اشتريت الكتاب ولا لأ ؟ " و " إنتِ ساكنة فين ؟ " وطبعاً التشكيل دا مقصود :D
دكتور الترجمة لا يفقه شيء في الانجليزي وبيتهته وهو بيقراه ، وما يعرفش ان الجملة العربي بتكون فعلية على عكس الانجليزي بتكون اسمية .. بيترجم لنا زي جوجل بالظبط .. الكلمة مكان الكلمة لا كلمة زيادة ولا ربط ولا ظبط !!


 - نفس الدكتور مدي 3/4 الدفعة مقبول ، الناس اللي جابت جيد وجيد جداً بتحلف انها كانت بتعيد نفس الكلام تاني اكتر من مرة ولما طالبة من اوائل الدفعة راحت تسأله ليه اداها مقبول وهي حلت صح ، وجايبة في باقي المواد امتياز وجيد جداً سألها " كتبتي كام صفحة ؟ " - دي مادة ترجمة على فكرة:D  

- دكتور مناهج البحث اجبرنا نحفظ الدراسة الميدانية - اللي عملناها خلال ترم كامل كفريق عمل كل 8 مع بعض ! وسمعناها في الامتحان فيما لا يقل عن سبع صفحات والسؤال دا كان عليه حوالي 12 درجة يعني اكتر من نص المادة!


- في مادة التدريب الصحفي ، اللي المفروض بنتعلم فيها ازاي نكتب الموضوعات الصحفية بكافة انواعها .. روحنا زيارة ميدانية لــ ( مطابع أخبار اليوم ) !!



- دكتور في المحاضرة قال لنا لازم وانتوا بتجاوبوا الامتحان تجاوبوا بنفس ترتيب النقط اللي انا مليتها في المحاضرة والا هعتبر الاجابة غلط ! مع العلم الترتيب مش هيفرق اي حاجة في الإجابة بس هو كده !



- "بتضح من ذلك أن مفهوم التحية يتفق في كثير من جوانبه مع مفهوم التحديث مع فإنه رئيس يتعلق التحديد الغاية النهائية من كليهما فغرض يشير التحديث إلى غاية ملموسة تتمثل في الآخذ بالحديث من الأفكار والممارسات فإن التحية تشير إلى أكثر تجريداً تتمثل في زيادة قدرة المجتمع على توفيرها أفضل للأفراد أو الجمعيات "




دا جزء كامل من الكتاب بتاع مادة عندنا اسمها الاقناع اقسم بالله اني ما غيرت ولا حرف ولا كلمة ولا بدلت أي حاجة.



- مشروع تخرجنا اللي هو المفروض جريدة او مجلة ورقية ، انحدر من ورقية لمدونة على بلوجسبوت واسمه اليكتروني علشان مافيش امكانيات ، رغم اننا عرضنا عليهم نتحمل كل تكاليف الجريدة الورقية بس طبعاً قوبل الاقتراح بالرفض التام !


 - مشروع تخرجنا اسمه بساط الريح !! والمفروض ان دا اسم جريدة مش مجلة اطفال :D

 - دكتور في إذاعة - هو بالمناسبة رئيس القسم - أول كل محاضرة بيقولنا هاتوا البنات الأمورة قدامي مش عايز خلق تسد النفس
     **************
    ابتسم انت من منكوبي إعدام :D


    هناك 24 تعليقًا:

    1. احم احم
      سلامو عليكو

      عايز اضحك بس خايف تزعلي

      علي فكرة الحال من بعضو
      وكل جامعات مصر كده
      طب هقولك حاجة انتي في اعلام ويمكن يكون عندك مواد فعلا تتحفظ
      وفعلا فيه مواد الحل الوحيد ليها الحفظ
      انا بقي في هندسة وفي اخر سنة
      كان عندنا دكتور السنة دي بيدينا المفروض يعني مادة اسمها كاد
      دي عبارة عن دراسة لبرامج الرسم بالكمبيوتر زي حاجة اسمها اوتو كاد او سوليد وورك
      المهم المفروض ان دي مادة عملي بحته انت بقي مع جهازك واتعلم
      اقسم بالله ما دخلنا معمل
      والكورس كان كالتالي :
      يدخل الدكتور المحاضرة نقوم نطلع الكتاب اللي هو مصورة من مرجع ويقولنا علمو علي الكام سطر دول وحطو عليهم السؤال ده
      وهكذا طول التيرم
      والله العظيم انا كنت بحتقر نفسي وانا بذاكر المادة دي او بمعني اخر بحفظها
      والمشكلة الاكبر اني فاشل جدا في الحفظ
      انا ممكن افهم واقول بطريقتي
      انما انا كنت بحفظ حاجات مش فاهم فيها اي حاجة خالص
      ده كمان بيبقي فيه كلمات مش عارفين معناها وترجمتها علي جوجل او غيره مش بتدي المعني المطلوب
      بجد حالة تحزن

      عموما ربنا معاكي في الامتحانات
      ويوفقك

      بس سؤال هو كل الكتاب ده بالشكل ده
      طب ده عربي يعني
      اصلي قريت الكلام اللي انتي كاتباه حسيت اني حمار
      ولا جمعت ولا كلمة

      ربنا معاكوووو

      ردحذف
    2. معقوله لسه أستاذ جامعه بيسألأ الطلبه اشتريتوا الكتاب ولا لأ؟!
      تخلف رسمي

      وايه مادة الإقناع دي
      الله طب إقناع بإيه يعني؟
      ههههههه
      بصراحه حاجة غريبه اوي
      خصوصا الكلمتين اللي انتي نقلاهم من الكتاب .. مش مفهوم منه حاجة نهائي

      وكله كوم والدكتور اللي عاوز الأمامير يقعدوا ادامه .. لاحول ولاقوة الا بالله

      لا املك الا ان نقول:

      من فضلك احترس .. مصر ترجع الى الخلف

      ربنا معاك ياساره
      وبالتوفيق ان شاء الله

      ردحذف
    3. ههههههههههههههه...

      فكرتيني بموقف حصل من سنة باين

      بنت قاعدة في الفصل لا بيها ولا عليها..والميس دخلت

      احنا أصلا مش بنطيقها عشان على طول روحها في مناخيرها..

      أول ما دخلت بصت للبنت شزراً يا ايمو وقالتلها بنت..اطلعي بره

      فالبنت اتصدمت..بنقولها ليه يا ميس ديه منطقتش..قامت قالتلها ..أصل عنيكي فيها شقاوة ^_^

      ماشية تبع مثل حرص ولا تخون هههههههههههههههههه

      دلوقتي بس انا واثقة اني مش هغير اسم مدونتي عشان فعلا الطلبة مقاهير

      ربنا يصبرك يبنتي هنعمل ايه ليس لنا سوى الله ودعوات الوالدين

      ردحذف
    4. ليييييية بتكرهى الجملة دى

      دى حاجات مبتحصلش غير فى مصر

      مش دى الحقيقة

      ادى تجربتك العملية

      يعنى اول محاضرة ليا فى الكلية بالرغم من انها من سنيييييين كتييييير بس فاكر الدكتور قال اية

      بصوا يا جماعة انتو ذاكرو وأعملو اللى عاليكو و يمكن تنجحوا

      ايوة قال يمكن تنجحوا والراجل كان عندة حق بصراحة

      يبقى دى حاجات عمرها ما حصلت غير فى مصر

      ولا لأ

      دمتى متألقة بوست جميل

      ردحذف
    5. واحد من الدكاترة بتوعي، بقوله عاوز ريكومينديشن لتر recommendation letter علشان اسافر ادرس في امريكا في الصيف، رد عليا قالي بالحرف " يعني انت عاوز و انت في سنة اولى تعمل اللي معرفتش اعمله غي لما طلعت الاول ع الدفعة و خدت ماجستير، يلا يابني من هنا بلاش لعب عيال"


      كل اللي عاوز اقوله، انتي مش لوحدك، و المساواة في الظلم عدل

      ردحذف
    6. هو انا لو ضحكت هاتضرب ؟؟

      بصي انا مش هاقولك وهاقولنا وهقول للجميع

      ربنا يكون في عونكو

      المشكلة مش مشكلة تعليم اساسي وثانوية عامة وبس

      مشكلة تعليم جامعي متخلف المفروض انه بيطلع ناس فاهمة عشان تقدر تشتغل وتعلي البلد !!!

      ربنا يقويكي يا سارة يابنتي :(

      ردحذف
    7. السلام عليكم

      "دا جزء كامل من الكتاب بتاع مادة عندنا اسمها الاقناع اقسم بالله اني ما غيرت ولا حرف ولا كلمة ولا بدلت أي حاجة.
      "

      ههههههه

      واضح ان الكلام مقنع يعنى

      ردحذف
    8. هههه
      كنا بالمثل في الكلية ..
      المعيد لما ولد يجاوب .. يطنش ..ولا اكنه سمع والبنت .. لو قالت حرف .. تلاقيه يجري عليها ويقول ايوه ايوه
      هيا التعليم كله كده
      بلوخية وليست نايمة قصدي بامية ..
      كبري
      وطنشي
      ما هو اللي ركب اللي فوق
      اللي فوق فوقه
      وعشان كده كله معظمهم ولاد مركوب
      ومركوب دي يعني جزمة .. ويلسامحني الله .. علي اللفظ

      ردحذف
    9. ده الطبيعى
      عندى فى تجاره نفس المشكله
      واللى بنقطك ان يطلع عينك مذاكره والنتيجه ولا كأنك ذاكرت وتلاقى ناس متعرفش اى حاجه وبتجيب تقدير !!

      ده غير سؤال الكتاب اللى بيحدد الدفعه هتنجح ولا رقم قياسى فى شيل المواد كالعاده
      دكتور اقتصاد عندنا فى سنه اولى اتخنق من الدفعه شيل 3/4 الدفعه الماده سنتين

      لينا رب اسمه الكريم

      ربنا معانا

      --------------------
      مدونتى M-Zone
      http://m-myzone.blogspot.com/

      ردحذف
    10. اولا عايزة اقولك ان دمك خفيف جدا و استمتعت بتدوينتك و لو انى برضة حزنت انى اعرف ان حال التعليم فى مصر وصل للدرجة دى

      سبق وكتبت عن ذكرياتى ايام الجامعة بس يمكن هى مختلفه اوى عن مصر
      http://tears-demo3.blogspot.com/2010/05/blog-post_18.html#comments


      انشاء الله تبقى صحفية متميزة


      تمنياتى بالتوفيق

      ردحذف
    11. بصي يا سموك
      كلهم استأذنوا قبل ما يضحكوا
      أنا بقى بصراحة مقدرتش أمسك نفسي من الضحك أساساً علشان أستحمل أستنى لحد ما أستأذن
      DD:
      مش عارفة أرد على إيه و للا إيه
      و للا أقول إيه أصلاً
      بس بجد كله كوم
      و الفقرة اللي انتي ناقلاها من الكتاب الي شكلها منقوله من موقع ترجمة أسوأ من جوجل نفسه كوم تاني
      ربنا معاكو يا بنتي و معانا و مع الكل
      و يرحمنا منها بقى
      و فعلاً
      - احترس .. مصر تجري إلى الخلف -

      ردحذف
    12. فانداليسيا8 يونيو 2010 في 9:42 ص

      معلش يا سارة لازم اقولك انك غلطانة
      اه غلطانة بقى يعنى هوا الدكاترة تطلع قرفها على مين
      واحنا مصريين من قليل ده امتياز يا بنتى محدش ف العالم يقدر ياخده ... عشان بنستحمل قرف بعض
      ماهو دول بردو كان بيحصلهم كده فلازم تيجى على نفسك انتى وتستحملى عشان القافلة تسير :D :D :D :D
      وانتى بتدلعى على فكرة الجزء اللى انتى جايباه ده سههههههههل أوى يتحفظ لأ على فكرة ده انا فهمته من أول ما قريته مكنتش محتاجة اظبط اول الجمل بآخرها يعنى ولا انى اشوف الفاعل راح فين وجه منين .. حاجة بس عايزة اعرفها وابقى فهمتها كلها هوا الموضوع عن ايه ؟؟؟؟؟؟؟؟

      غير كده بقى انتى كنتى ف مطابع اخبار اليوم ومتقوليليش ؟؟ يعنى فردة كعب وكنتى هتبقى ف جامعتى كان ممكن اجيلك على فكرة يلا مرة تانية يودوكو الورش بتاع هندسة ولا يجيبوكوالمغسلة اللى ف الجامعة عندنا عشان تعرفو ازاى تنشروا المقال بعد ما تكتبوه هههههههههههههههههههههههههه

      والدكاترة كلهم هذا الرجل بتاعالترجمة حتى احنا كان عندنا دكتور بيدى مادتين نظرى كان بجد بيعمل زى عمو ده وبيقيس الاجابة بالمسطرة ايا يكن اللى انتى كاتباه طب انا كلية عملى مطلوب منى احفظ شوية هجص ليه ولنفرض انى عرفت احفظهم ده المهم عنده تعرفى انتى تكتبى هجص اكتر منه ف الامتحان بس على كزا صفحة والمادة بالانجلش على فكرة يعنى انسى يا عمرو طبعا جبت ف المادتين مقبول :D :D :D :D

      ربنا معاكى يا بنتى كلها زلطة وتطلعى بره وهتعرفى انك لو عايزة تبقى اعلامية مش لازم تدخلى اعلام كله بمجهودك الخاص

      مهجتك اللى بتحبك وبتضحك معاكى :)

      ردحذف
    13. عارفة يا سارة..
      انا لسه كنت باعالق في مدونة عن بوست فيه صور كلية بتتهد وقد ايه ممكن الموضع ده يفرح ناس كتير لانهم ببساطة ما اخدوش منه اللي يخلي بينه وبينهم اي ارتباط..!!

      عارفة..
      عارفة بمناسبة بوست النهاردة انا اتعلمت في مكانين ، والاتنين في مصر..
      واحد منهم اخد مني... والتاني اداني..!!
      واحد ضيع لي وقتي.. والتاني خلاني اعرف معنى الوقت..!!
      واحد منهم اطلقت عليه معسكر الجحيم..
      والتاني اسمه جنةالنعيم..

      عارفة كمان..
      ها افرح قوي لو المكان الاول اتهد..
      وها ازعل قوووووي لو المكان التاني حصل له حاجة.
      وده الفرق بين مكان (بيعلم) ومكان (بيفرز) ناس للمجتمع وبس.

      ردحذف
    14. سيبك من كل دا يا غزالي
      انتي وحشاااااااااااااني وحشااااااااااااااني من هنا لهناااااااك ومتسأليش هناك فين
      بجد مشتاقه لشقاوتك ولسعانك

      ربنا يوفقك ياقلبي
      ومتنسيش تحياتي لمنونتي بلغيها سلامييييييييييي

      ردحذف
    15. هههههههههههههههههههههههههههههههههههههههههههههههههههههههههههه

      عشان كدة انا مبذاكرش

      هههههههههههههههههههههههههههههههههههههههه


      الحمد لله على نعمة التجارة

      على فكرة مش قادر ابطل ضحك

      ردحذف
    16. هههههههههههههه
      الناس دى مرت علينا وفيه الاسخف كمان
      ربنا يصبر الطلبة فى مصر

      ردحذف
    17. يبقي انت أكيد في مصر

      :)))

      ماهو ده حال التعليم عندنا
      انتي مصدومة بس ليه ؟
      بس الجزء اللي ناقلاه من كتابك ده بجد تحفة :)
      حاجه كده تحسي قدامها انه اللي كتب الكلام ده واحد من 2
      إما إنه عبقري زيادة عن اللازم ولسع
      أو إنه كان بيحضر عفاريت وماعرفش يصرفهم
      هههههههههههههه

      تحياتي
      Lyssa

      ردحذف
    18. مصر بلد عظيمة فعلا والتعليم فيها على أعلى مستوى

      ردحذف
    19. أجمل في حاجة في التعليم الجامعي في مصر إن كل حاجة فيه بتناقض بعضهــا..

      يعني لو إنتي في كلية عملية زي هندسة، تلاقي كل الدكاترة يبقوا داخلين أول محاضرة حاميين على الآخر وكلهم بيقولوا نفس الجملة المقدسة: (ما يهمنيش التقدير اللي تجيبه المهم إنك تكون طالب فاهم) جملة جميلة جدا وتطرب أسماع الطلبة جدا..

      لكن تعالي شوفي بعد الجملة دي بيحصل إيه:
      1) لازم تشتري كتاب كل دكتور وإلا تكوني مهددة بشيل المادة، حتى لو الكتاب مش هتفتحيه أصلا وهتركنيه عالرف!!

      2) المواد اللي بتحتاج تطبيق عملي، بتبقى المعامل غير مجهزة أصلا للمواد دي، يعني الأجهزة قديمة مش شغالة، أو المعامل (Labs) صغيرة جدا لدرجة إنها ما ينفعش تستوعب طلبة section واحد!!....الخ الخ

      3) على قد ما تكتب في كراسة الإجابة على قد ما يكون التقدير.. يعني كل ما ترص كلام كتير كل ما فرصتك في الحصول على تقدير في المادة تكبر!!! مع إننا في كلية عملية، الفهم فيها أولى وأهم بكتير من الحفظ!!

      4) ودي اكتر حاجة بتغيظني في الدكاترة بتوع كليتنا، لما بيكون ماسك مادة سهلة جدا في قسم معين، بتبقى الطلبة غالبا مستسهلة المادة ومش شايلة همها، تفاجئ بامتحان عجيب غريب وإن الدكتور يشيل نص الدفعة المادة السهلة دي!! طب ليه القهر دا؟؟ معرفش..

      5) لما تلاقي زمايلك وصحابك طالعين من الامتحان ما حطوش قلم في الورقة، وكتبوا أي حاجة في أي حاجة، وتبقي إنتي حالة كويس ومتأكدة من حلك كمان، وتلاقي الناس دي تنجح وبتقدير كمان، وناس تانية (اللي كتبت) يا تشيل يا تعدي بمقبول!! ببقى نفسي أعرف دكتور المادة بيصحح إزاي؟؟

      أنا بعتذر على الرغي الكتير اللي فوق، مع إنه غيض من فيض..!!

      ربنا معانا ومعاكي وبالتوفيق للكل.. :)

      دمتي بــود :) :)

      ردحذف
    20. أجمل في حاجة في التعليم الجامعي في مصر إن كل حاجة فيه بتناقض بعضهــا..

      يعني لو إنتي في كلية عملية زي هندسة، تلاقي كل الدكاترة يبقوا داخلين أول محاضرة حاميين على الآخر وكلهم بيقولوا نفس الجملة المقدسة: (ما يهمنيش التقدير اللي تجيبه المهم إنك تكون طالب فاهم) جملة جميلة جدا وتطرب أسماع الطلبة جدا..

      لكن تعالي شوفي بعد الجملة دي بيحصل إيه:
      1) لازم تشتري كتاب كل دكتور وإلا تكوني مهددة بشيل المادة، حتى لو الكتاب مش هتفتحيه أصلا وهتركنيه عالرف!!

      2) المواد اللي بتحتاج تطبيق عملي، بتبقى المعامل غير مجهزة أصلا للمواد دي، يعني الأجهزة قديمة مش شغالة، أو المعامل (Labs) صغيرة جدا لدرجة إنها ما ينفعش تستوعب طلبة section واحد!!....الخ الخ

      3) على قد ما تكتب في كراسة الإجابة على قد ما يكون التقدير.. يعني كل ما ترص كلام كتير كل ما فرصتك في الحصول على تقدير في المادة تكبر!!! مع إننا في كلية عملية، الفهم فيها أولى وأهم بكتير من الحفظ!!

      4) ودي اكتر حاجة بتغيظني في الدكاترة بتوع كليتنا، لما بيكون ماسك مادة سهلة جدا في قسم معين، بتبقى الطلبة غالبا مستسهلة المادة ومش شايلة همها، تفاجئ بامتحان عجيب غريب وإن الدكتور يشيل نص الدفعة المادة السهلة دي!! طب ليه القهر دا؟؟ معرفش..

      5) لما تلاقي زمايلك وصحابك طالعين من الامتحان ما حطوش قلم في الورقة، وكتبوا أي حاجة في أي حاجة، وتبقي إنتي حالة كويس ومتأكدة من حلك كمان، وتلاقي الناس دي تنجح وبتقدير كمان، وناس تانية (اللي كتبت) يا تشيل يا تعدي بمقبول!! ببقى نفسي أعرف دكتور المادة بيصحح إزاي؟؟

      أنا بعتذر على الرغي الكتير اللي فوق، مع إنه غيض من فيض..!!

      ربنا معانا ومعاكي وبالتوفيق للكل.. :)

      دمتي بــود :) :)

      ردحذف
    21. أجمل في حاجة في التعليم الجامعي في مصر إن كل حاجة فيه بتناقض بعضهــا..


      يعني لو إنتي في كلية عملية زي هندسة، تلاقي كل الدكاترة يبقوا داخلين أول محاضرة حاميين على الآخر وكلهم بيقولوا نفس الجملة المقدسة: (ما يهمنيش التقدير اللي تجيبه المهم إنك تكون طالب فاهم) جملة جميلة جدا وتطرب أسماع الطلبة جدا..

      لكن تعالي شوفي بعد الجملة دي بيحصل إيه:
      1) لازم تشتري كتاب كل دكتور وإلا تكوني مهددة بشيل المادة، حتى لو الكتاب مش هتفتحيه أصلا وهتركنيه عالرف!!

      2) المواد اللي بتحتاج تطبيق عملي، بتبقى المعامل غير مجهزة أصلا للمواد دي، يعني الأجهزة قديمة مش شغالة، أو المعامل (Labs) صغيرة جدا لدرجة إنها ما ينفعش تستوعب طلبة section واحد!!....الخ الخ

      3) على قد ما تكتب في كراسة الإجابة على قد ما يكون التقدير.. يعني كل ما ترص كلام كتير كل ما فرصتك في الحصول على تقدير في المادة تكبر!!! مع إننا في كلية عملية، الفهم فيها أولى وأهم بكتير من الحفظ!!

      4) ودي اكتر حاجة بتغيظني في الدكاترة بتوع كليتنا، لما بيكون ماسك مادة سهلة جدا في قسم معين، بتبقى الطلبة غالبا مستسهلة المادة ومش شايلة همها، تفاجئ بامتحان عجيب غريب وإن الدكتور يشيل نص الدفعة المادة السهلة دي!! طب ليه القهر دا؟؟ معرفش..


      5) لما تلاقي زمايلك وصحابك طالعين من الامتحان ما حطوش قلم في الورقة، وكتبوا أي حاجة في أي حاجة، وتبقي إنتي حالة كويس ومتأكدة من حلك كمان، وتلاقي الناس دي تنجح وبتقدير كمان، وناس تانية (اللي كتبت) يا تشيل يا تعدي بمقبول!! ببقى نفسي أعرف دكتور المادة بيصحح إزاي؟؟

      أنا بعتذر على الرغي الكتير اللي فوق، مع إنه غيض من فيض..!!

      ربنا معانا ومعاكي وبالتوفيق للكل.. :)

      دمتي بــود :) :)

      ردحذف
    22. أجمل في حاجة في التعليم الجامعي في مصر إن كل حاجة فيه بتناقض بعضهــا..


      يعني لو إنتي في كلية عملية زي هندسة، تلاقي كل الدكاترة يبقوا داخلين أول محاضرة حاميين على الآخر وكلهم بيقولوا نفس الجملة المقدسة: (ما يهمنيش التقدير اللي تجيبه المهم إنك تكون طالب فاهم) جملة جميلة جدا وتطرب أسماع الطلبة جدا..

      لكن تعالي شوفي بعد الجملة دي بيحصل إيه:
      1) لازم تشتري كتاب كل دكتور وإلا تكوني مهددة بشيل المادة، حتى لو الكتاب مش هتفتحيه أصلا وهتركنيه عالرف!!

      2) المواد اللي بتحتاج تطبيق عملي، بتبقى المعامل غير مجهزة أصلا للمواد دي، يعني الأجهزة قديمة مش شغالة، أو المعامل (Labs) صغيرة جدا لدرجة إنها ما ينفعش تستوعب طلبة section واحد!!....الخ الخ

      3) على قد ما تكتب في كراسة الإجابة على قد ما يكون التقدير.. يعني كل ما ترص كلام كتير كل ما فرصتك في الحصول على تقدير في المادة تكبر!!! مع إننا في كلية عملية، الفهم فيها أولى وأهم بكتير من الحفظ!!

      4) ودي اكتر حاجة بتغيظني في الدكاترة بتوع كليتنا، لما بيكون ماسك مادة سهلة جدا في قسم معين، بتبقى الطلبة غالبا مستسهلة المادة ومش شايلة همها، تفاجئ بامتحان عجيب غريب وإن الدكتور يشيل نص الدفعة المادة السهلة دي!! طب ليه القهر دا؟؟ معرفش..


      5) لما تلاقي زمايلك وصحابك طالعين من الامتحان ما حطوش قلم في الورقة، وكتبوا أي حاجة في أي حاجة، وتبقي إنتي حالة كويس ومتأكدة من حلك كمان، وتلاقي الناس دي تنجح وبتقدير كمان، وناس تانية (اللي كتبت) يا تشيل يا تعدي بمقبول!! ببقى نفسي أعرف دكتور المادة بيصحح إزاي؟؟

      أنا بعتذر على الرغي الكتير اللي فوق، مع إنه غيض من فيض..!!

      ربنا معانا ومعاكي وبالتوفيق للكل.. :)

      دمتي بــود :) :)

      ردحذف
    23. أجمل في حاجة في التعليم الجامعي في مصر إن كل حاجة فيه بتناقض بعضهــا..


      يعني لو إنتي في كلية عملية زي هندسة، تلاقي كل الدكاترة يبقوا داخلين أول محاضرة حاميين على الآخر وكلهم بيقولوا نفس الجملة المقدسة:
      (ما يهمنيش التقدير اللي تجيبه المهم إنك تكون طالب فاهم) جملة جميلة جدا وتطرب أسماع الطلبة جدا..

      لكن تعالي شوفي بعد الجملة دي بيحصل إيه:

      1) لازم تشتري كتاب كل دكتور وإلا تكوني مهددة بشيل المادة،
      حتى لو الكتاب مش هتفتحيه أصلا وهتركنيه عالرف!!

      2) المواد اللي بتحتاج تطبيق عملي،
      بتبقى المعامل غير مجهزة أصلا للمواد دي، يعني الأجهزة قديمة مش شغالة، أو المعامل (Labs) صغيرة جدا لدرجة إنها ما ينفعش تستوعب طلبة section واحد!!....الخ الخ

      3) على قد ما تكتب في كراسة الإجابة على قد ما يكون التقدير.. يعني كل ما ترص كلام كتير كل ما فرصتك في الحصول على تقدير في المادة تكبر!!! مع إننا في كلية عملية، الفهم فيها أولى وأهم بكتير من الحفظ!!

      4) ودي اكتر حاجة بتغيظني في الدكاترة بتوع كليتنا، لما بيكون ماسك مادة سهلة جدا في قسم معين، بتبقى الطلبة غالبا مستسهلة المادة ومش شايلة همها، تفاجئ بامتحان عجيب غريب وإن الدكتور يشيل نص الدفعة المادة السهلة دي!! طب ليه القهر دا؟؟ معرفش..


      5) لما تلاقي زمايلك وصحابك طالعين من الامتحان ما حطوش قلم في الورقة، وكتبوا أي حاجة في أي حاجة، وتبقي إنتي حالة كويس ومتأكدة من حلك كمان، وتلاقي الناس دي تنجح وبتقدير كمان، وناس تانية (اللي كتبت) يا تشيل يا تعدي بمقبول!! ببقى نفسي أعرف دكتور المادة بيصحح إزاي؟؟

      أنا بعتذر على الرغي الكتير اللي فوق، مع إنه غيض من فيض..!!

      ربنا معانا ومعاكي وبالتوفيق للكل.. :)

      دمتي بــود :) :)

      ردحذف
    24. أجمل في حاجة في التعليم الجامعي في مصر إن كل حاجة فيه بتناقض بعضهــا..


      يعني لو إنتي في كلية عملية زي هندسة، تلاقي كل الدكاترة يبقوا داخلين أول محاضرة حاميين على الآخر وكلهم بيقولوا نفس الجملة المقدسة:
      (ما يهمنيش التقدير اللي تجيبه المهم إنك تكون طالب فاهم) جملة جميلة جدا وتطرب أسماع الطلبة جدا..

      لكن تعالي شوفي بعد الجملة دي بيحصل إيه:

      1) المواد اللي بتحتاج تطبيق عملي،
      بتبقى المعامل غير مجهزة أصلا للمواد دي، يعني الأجهزة قديمة مش شغالة، أو المعامل (Labs) صغيرة جدا لدرجة إنها ما ينفعش تستوعب طلبة section واحد!!....الخ الخ

      2) على قد ما تكتب في كراسة الإجابة على قد ما يكون التقدير.. يعني كل ما ترص كلام كتير كل ما فرصتك في الحصول على تقدير في المادة تكبر!!! مع إننا في كلية عملية، الفهم فيها أولى وأهم بكتير من الحفظ!!

      3) ودي اكتر حاجة بتغيظني في الدكاترة بتوع كليتنا، لما بيكون ماسك مادة سهلة جدا في قسم معين، بتبقى الطلبة غالبا مستسهلة المادة ومش شايلة همها، تفاجئ بامتحان عجيب غريب وإن الدكتور يشيل نص الدفعة المادة السهلة دي!! طب ليه القهر دا؟؟ معرفش..

      أنا بعتذر على الرغي الكتير اللي فوق، مع إنه غيض من فيض..!!

      ربنا معانا ومعاكي وبالتوفيق للكل.. :)

      دمتي بــود :) :)

      ردحذف

    Say something...