2010-06-24

خلاص عم عربي مش هيغلس علينا تاني ؟



يوم 22 /6/2010 ودعت الكلية خلاص 


ودعت الدور الرابع علوي اللي نفسي كان بيتقطع على ما اوصله

ودعت مدرج اتناشر و16 وقاعة سبعة 

ودعت مدرج سبعة اللي كنا بناخد فيه محاضرات د/ علي الله يرحمه 

ودعت عم أيمن وعم زيزو والفراشين كلهم ، اللي كشريين واللي طيبين

ودعت الممرات اللي اخدت مني انا ورودي راقات من كتر اللف فيها 

مكاتب الدكاترة ، كولديرات المية اللي مش شغالة

حرس البوابة الثقلا والمهضومين على رأي زياد رحباني

ودعت دفعتي اللي بجد اكتشفت انها دفعة حلوة اوي ، والعيال اللي فيها دماااااااااااااغ اوي 

واصحابي .. احلى اصحاب في الدنيا

اللي قضيت معاهم اوقات حلوة اووووووي ما تتنسيش .. الاسئلة والاعترافات والهزار واللعب ، والقرنين اللي دايماً نعملهم للماضة في الصور :)

سلالم الكلية اللي كنت بحب اووووووي يكون عندي محاضرة متأخرة علشان اتزحلق عليها :)

بجد حبيت الكلية دي اووووووووي ، حبيت الدكاترة - المحترمين بس - اللي كانوا بيدوني  

حبيت طريق هندسة ، وحبيت الطفطف اللي معمول علشان يقف
:)

هتوحشني اوي الكلية بكل حاجة فيها
 
حتى غلاسة عم عربي بتاع الأمن اللي عامل فيها مدير امن الغربية على رأيك علا :)


هناك 6 تعليقات:

  1. احلا ايام الطفولة لحد ما تتخرجي من الجامعة ثم تكتشفي ان الجامعة احسن من أيام الطفولة رغم المسؤلية بداية الحياة العملية
    ربنا يسترها معاكي ويوفقك ويسعدك
    وتجيبي تقدير امتياز انتا وصحباتك
    --------
    قادر يا كريم
    حاولي تتصلي بيهم كل فترة لان بعد شوية هتكتشفي ان الصلات ماتت براحة
    تحياتي

    ردحذف
  2. مبرووووووووووووووووك

    (:(:

    ربنا معاكى فى حياتك اللى جيه

    و تعملى مية كتاب جديد لالا قولى ألف بأذن الله

    (:(:

    أبقى أسمعى باى باى يا مدرستنا يا حبيبتنا ماجدة الرومى

    هى صحيح المفروض كليتنا بس الأحساس واحد

    ردحذف
  3. سلام الله عليكم ورحمة منه وبركاته،
    ألف مليوووووووووووون مبروك ...
    بس بجد بجد هتشتاقي للايام دي ... لكن بردو هتقولي مرحله وخلصت لأن الحياه اكبر واوسع من حياه الجامعه
    وبالتوفيق يا ساره يا السع بنوته

    ردحذف
  4. مبروووووووووووووووووووك

    لولولولولي

    ناقصلي كام يوم واودع انا كمان :D

    مش هاودع اصحابي

    لاني ماليش غير 2 بس معرفش غيرهم ومينفعش اودعهم

    هاتقطع من سجرة كدا :D

    مبروك ياحبيبتي ودايما في نجااااااااااااااااااااح يااااااااارب زي ما مامتي بتدعيلك من وقت ما شافتك

    وبتدعي لمنونتي كمان ^_^

    ردحذف
  5. الا .. الف الف الف مبروك يا ساره وعقبال الفرحه الجايه ان شاء الله
    عجبني النوت جدا وخصوصا النقطه بتاع عم العربي واحب اقولك ... مش تقلقي جوز بنتك متوصي بيه ونطلعه على بعض اول ب اول ... بس جامده مدير امن الغربيه دي :))

    ردحذف
  6. الف الف الف مبروووووووووووك
    و عقبال ما توحشنا الكليه كده ان شاء الله

    ردحذف

Say something...