2010-07-07

عاجزة عن شكركم بجد


امبارح كان من اروع أيام حياتي .. بكل حاجة فيه ، حتى بالسواقين بتوع البيجو الغريبين اللي ركبت معاهم :))

كان من امنيات حياتي اني اشوف المنصورة ، وازور مكتبة بوكس آند بينز

واتحققوا الحلمين امبارح واكتر من كده

شوفت ناس كتير كان نفسي اشوفهم اوي بعد سنين من التواصل الإليكتروني

بجد شكراً بعدد الخطاوي اللي خطيتوها لحد الحفلة والتعب والمجهود والوقت اللي بذلتوه

شكراً لــ د / أشرف & د / ايمان على الاستضافة الجميلة كان نفسي اقعد كتييييير معاكم لولا ظروف السفر

شكراً للشباب رسلان وجلال وعُمر والوكيل وسنة والعباسي و أحمد سالم وعلى حسام على مجيكم من طنطا :)

 

شكراً يا رامي على الهدية الجميلة اووووووووي وعلى تعبك ومجيك من القاهرة لحد المنصورة :)

شكراً لشباب الشرقية يسري زيدان وأحمد صلاح وكيتو ابن اختي العزيز :))

يارب العربية ما تكونش اتسرقت امبارح :S

شكراً للجميلة شيمو ( صبرني يارب ) كنتي مفاجأة حلوة أوي ، شكراً لأجمل زهرة للحب بانسيه مبسوطة اوي اني شوفتك

وشكراً لــغروب الجميلة انبسطت اوي اني شوفتك ولو اني كان نفسي اطول معاكي اكتر من كده

أهل المنصورة بقى اجدع ناس شريف شقارية و أحمد محمد سعيد ، و محمد متولي ( محمد بجد كنت مبسووووووووووووطة بجد بوجودك ) وأميرة الجوهري ( كنت نفسي اووووووووي اسلم عليكي واتكلم معاكي يا بنوتة بجد )
ومروة الطوخي مبسوطة اني قابلتك
وشيماء انتي زي العسل بجد

كل الناس بجد اسعدتني اوووووووي بوجودها وبمناقشتها ، بالذات روني بأسئلته الشريرة :))

ومدام هدير كانت مفاجأة بجد :)

يارب ما اكونش نسيت حد

شــــــكراً جداً جداً

هناك 3 تعليقات:

  1. ربنا يسعد كل أيامك و يوفقك دايماً يا سارة
    بجد كل مرة بتشوقيني أكتر
    و كل مرة بيبقى عندي حاجة تمنعني إني حتى أفكر أظبط
    - ده غير كارثة السفر نفسها طبعاً -
    D:
    بس خير
    و لينا مرة في القاهرة زي ما قولتي
    يا إما هانظم حملة لسحب كل نسخ الكتاب من كل المحافظات و توزيعها بالمجان على المنتظرين في القاهرة
    و انتي حرة بقى
    ^ـ^

    ردحذف
  2. بعد السلام والتحية .. امال انا فين
    طبعا بهزر .. ربنا يوفقك .. ويسعدك ..
    انا مكنتش موجود الصراحة لأن كنت بجهز نفسي للقاء الدكتور زويل في اسكندرية
    فسامحيني رغم إن التعارف الإلكتروني قليل بينا ..
    تحياتي

    ردحذف
  3. سمو الاميرة سارة

    هذا اقل شيىء يقدمه الشعب للأميرة

    بجد بقى لا تشكرى مفيش شكر بين الأخوات
    انا المفروض انى اشكركم ان انتوا اديتونى فرصة اشوف ناس بعزهم و بقدرهم و بحترمهم زيكم و شوفت مدونين تانين

    بجد دى حاجة قليلة جدا بجد انا متعبتش انا كنت سعيد جدا جدا
    انا هقرا الكتاب بتمعن كدة و هعمل بوست عليه بأذن الله (:

    شكرا لليوم الجميل دة (:

    الف مبروك و عقبال الكتاب 153
    ان شاء الله

    ردحذف

Say something...