لعلمك

لعلمك

إقرأ لي

دخلوا بكليك شمال :D

Blog Archive

السبت، أغسطس 28، 2010

postheadericon لماذا - بالتحديد - أكره المطبخ ؟

قررت أن أكون أكثر إنصافاً بشأن مشاعري نحو المطبخ ، وأن أكون موضوعية ولا آخذه كله بذنب بعض الأشياء السخيفة التي أكرهها فيه .
ليس ذنبه أبداً ان تتم كل هذه الأشياء الثقيلة على نفسي بداخله ، لذا قررت أن أحدد بالضبط ماذا أكره في المطبخ :


(1) غسيل الأطباق


بالتحديد غسيل الملاعق ، أواني الطهي الكبيرة ( الحلل يعني بالعربي ) الأكواب التي استخدمت لشرب اللبن ، الإناء المستخدم في غلي اللبن ، الأواني التي كان بها أي نوع من أنواع الدهون .


(2) طهي الطعام

( يعني الطبيخ بالعربي بردو )


انا بطبعي أكره الانتظار جداً فتخيلوا حالتي حين أكون مضطرة أن أنتظر البطاطس بجلالة قدرها وهي تأخذ حمامها الزيتي المعتبر كي تصبح  ذهبية اللون وتنضج وتصبح صالحة للأكل وأكون مضطرة لأن أظل بجوارها أتأمل في جمالها وبمجرد أن أغادر المطبخ لأي سبب تقابلني رائحة احتراقها بالأحضان :|


أكره أن أنتظر اللبن حتي يغلي ، أكره أن أتردد على المطبخ جيئة وذهاباً كي لا يحترق الأرز أو  لا تشيط البامية !!

كل هذا يشعرني بأني مقيدة ولست حرة في وقتي وأني رهن تصرف الموقد والطعام :|

 
(3) الألم


كما أكره جداً الألم الذي يسببه البصل لعيني ، والألم الذي تسببه السكاكين ليدي ، والألم الذي يسببه التقليب الطويل لأي شيء ليدي أيضاً .

أكره أن تلسع النار أصابعي  أو أن تتناثر قطرات الزيت الثائرة وتسبب حرقاً في جسدي .


(4) الرائحة


اكره رائحة البصل التي ترفض أن تغادر يدي رغم كل محاولاتي التي تبوء بالفشل ، لا يفلح معها غسيل بالصابون ولا بالشامبو حتى .. وفي النهاية يكون البرفان هو الحل :|

أكره رائحة الطماطم التي تضايقني جداً في يدي ، أكره رائحة سلق اللحوم أو " تسبيكة " الطبخة وتصيبني بالإكتئاب

أكره رائحة سلق الخضروات ، أكره رائحة زفارة السمك قبل أن نغسله بالليمون ونضع له القدر المناسب من الثوم والبهارات .

 

(5)  الشعور بالغباء


نعم .. أعترف ، أنا أشعر بالغباء حين أدخل المطبخ ، نتيجة كمية الأوامر اللامبررة من وجهة نظري التي يجب عليّ تنفيذها كي لا تفسد الطبخة .

والمشكلة أني حين لا أنفذ هذه الأوامر تفسد بالفعل !!

أكره فكرة أني غير قادرة على الـ " فبركة " كما أفعل في تنظيف الشقة مثلاً

عدم قدرتي على ا بتكار طرق مسلية لتنفيذ المطلوب دون ان أشعر بالملل ..

فأنا مثلاً أبتكر طرقاً مسلية حين أكون مضطرة لتنظيف الشقة ومزاجي غائباً ، كأن أتخيل مثلاً صورة أي شخص أكرهه مكان السجادة التي أقوم بتنفيضها فـ " أمرمط " السجادة بكل غل !

كأن أمارس متعة التزلج على البلاط وأنا أمسح الشقة أو أي فكرة من هذا القبيل

لكن في المطبخ .. للأسف .. مساحة الإبتكار معدومة

لا أشعر أني مميزة في المطبخ مهما حاولت أنا  أتميز في شيء واحد فقط وهو الفشل في المطبخ !


(6)  متفرقات ...


* أكره أن أرى ما أفنيت نهاري في إعداده ينهار في دقائق ويتلاشى ولا تبقى منه إلا ذكرى سيئة وهي كمية الأطباق الفارعة التي عليّ أن أغسلها ثانية !


 * أكره فكرة الترقب وانتظار النتائج ، ففي المطبخ من الممكن جداً أن 1+1 لا تساوي اثنين ،

* فقد تلتزم بالمقادير المطلوبة والتعليمات والخطوات الدقيقة وفي النهاية تجد أن الطعم " فيه حاجة غلط مش عارف إيه هي "

* وتجد الكل ممتعضاً يأكل مضراً وعلامات القرف بادية على وجهه دون ان يفكر لحظة في المجهود الذي بذلته من أجل اعداد الطعام !


* أكره كسر البيض لأني أفشل في أن أكسره بشكل محترم دائماً وإما أجد أصابعي داخل البيضة وهو احساس مقزز جداً ، أو أجد قطع من القشر في الطبق مع البيضة أو أجد البيضة شخصياً تسيل بكل حرية خارج الطبق :|


* أكره ملمس اللحوم قبل طهيها ، الدجاج واللحوم والكبد ، وأخاف من ملمسها جداً وكأن روح الحيوان المرحوم تسكنها


* أكره جداً تقطيع البقدونس والجرجير وغيرها من الخضروات لأنها تؤلم يدي :(



* أكره  جداً عملية ملئ زجاجات المياة لأنها عملية مملة ، تستغرق الكثير من الوقت وتغرقني بالماء :(



............



أكره جداً .. للأسف .. كل ما في المطبخ ما عدا رائحة تقلية الملوخية ، تقلية الفتة ، رائحة السمك أثناء قليه ، رائحة المحشي أثناء طهيه
رائحة المكرونة بالبشاميل في الفرن ، رائحة "تعصيج " اللحم المفروم

22 بوينتس أوف فيو:

FAW يقول...

إنتي كرهتيني في الأكل ):

wa7ed w5las يقول...

السلام عليكم ..
كل سنة وانتي طيبة ..
اول زيارة ليا في المدونة الاكثر من رائعة دي وان شاء الله مش الاخيرة.
عايز افولك ان اللي انتي قولتيه ده يدل علي انك شاطرة في المطبخ اصلا والا مكنتيش عرفتي كل الحاجات دي بالتفاصيل دي :D:D
اصل انا بسمع عن الحاجات دي لكن مش بشوفها وما عليا الا الاكل :D

بس بصراحة عندك حق في كل اللي قولتيه
ربنا يكون في عونكم ..

تقبلي مروري ..

wa7ed w5las يقول...
أزال المؤلف هذا التعليق.
بنـوتــــة يقول...

طبعا طبعا طبعا
جامدة موووووت يا سموك
أنا كنت كده
- و لا تزال إلى الآن في رواسب و بقايا و متعلقات -
بالذات في موضوع الفبركة ده
مش عايزة أعدي على مرحلة وسطى
عايزة من الفشل المحدق المغرق في الإحراق لمرحلة الفبركة المذهلة
- إزاي مش عارفة و محدش يسألني بدل ما أجرب فيه هو شخصياً فبركة الأكل و ربنا ما يوقعكوا تحت إيدي -
لكِ أن تتخيلي بقى لما بدخل المطبخ باعمل إيه
و ده هاسيبهولك تعيشي براحتك أوي
بس حاسبي تفكري تدخلي إيدك في الحوض و لو على سبيل المساعدة
أنا مش ضامنة اللي أنا رامياهم فيه
:D

totahabib يقول...

اول زيارة للمدونة اويمكن زرتها فبل كده مش فاكرة اوى ^^
المهم انها عجبتنى جدا
بس انا اساسا بحب الطبخ وخصوصا انى شاطرة فى الحلويات وبستمتع بالمطبخ مش بحس باى حاجة من اللى انتى قولتيها دى :)
بس وصفك لمشاعرك فى المطبخ دقيق اوى وجميل وبعدين اكيد فى فى المطبخ مساحة من الابتكار اللى تقدر تفبرك دى
(( كأن أتخيل مثلاً صورة أي شخص أكرهه مكان السجادة التي أقوم بتنفيضها فـ " أمرمط " السجادة بكل غل !))
اكيد هتفبرك فى المطبخ بس حاولى وانتى هتحبيه ^^

اعقل مجنونه يقول...

اظهر مش انا لوحدى اللى كده
الحمد الله الواحد بيستريح برده لما بيحس ان فى حد زيه

*همسة حب * زوزو يقول...

ههههههههههههه
بوست دمخ حفيف بجد
بشاركك في كرهك لبعض الحاجات بس حنعمل ايه مضطر اخاك لا بطل
على العموم طريقة كتابتك للبوست جميلة و عسولة زيك
كل سنة و انتي طيبة يا قمر

Empress appy يقول...

مش انتى لوحدك يا حبيبتى كلنا لها وكلنا بنكرهه بس انا ساعات بحبه لما يكون ليه مزاج كويس انى اعمل حاجه

شخابيط يقول...

وميييييييين سمعك
بس انا اكتر شئ بكرهه فى حياتى المواعين وترويق المطبخ بعد معركه الطهى
:))
شكراا

بسمة انور يقول...

لا عظيم بجد
واضح ان مستقبلك بااااااااااااهر

كان الله فى العون يااوختى
بس كويس ان طلع فى حاجه بتحبيها فى المطبخ

مع ان المطبخ ده شئ لذيذ جدا على فكرة بس ده فى حاله لما بيكون فى نفس
اصلك مهما تحطى فى الاكل ومهما تعمليه بدقه عمره ماهيطلع حلو وطعم الا اذا كنتى عملاه بنفس
اه اومال ايه هما مش بيقولى الطبيخ ده نفس يااوختى
بالهنا والشفا بقى لانى جعت ... اللهم انى صائمة

تقبلى مرورى
تحياتى

shared hosting يقول...

موضوع اكثر من رائع
جزاك الله خير

Timo.. يقول...

يعني اعمل فيك ايه يا سارة هااه..؟؟
آآآآآ...
قصدي يا سمو الاميرة سارة..
قولت كل الحاجات اللي انا باكرهها في المطبخ...
مش معنى كده اني باعمل حاجة فيه..لأ..
بس باكرة كل التفاصيل اللي قولتي عليها والحمد لله اني مش مطاالب باني اعمل اكلي بنفسي والا كنت موت من الديلفري :)

كل سنة وانت طيبة :)

Timo.. يقول...

اه صحيح..
نسيت اسالك..
عاملة لنا ايه النهاردة على الفطار..؟

sendbad يقول...

سعيد بزيارتي الاولي وكويس اننا في رمضان وصايمين لان اي حد هايقرا البوست هايجوع علي طول
بس من كلامك ورغم كرهك للمطبخ باين عليكي ست بيت شاطرة
تحياتي

عفوا أنا أميرة يقول...

أزيك يا ساره بجد ياسمو الأميره أنتي عبقريه دى نفس مشاعرى بالضبط من المطبخ بس أنتِ خرجتيها بشكل سلس ورااائع جدااا، سعيده بالمؤتمر اللى عرفني عليكِ يا فندم:))
سلمى

محمود(باحث عن حب) يقول...

ايه ياعم المدونه دى
كل ما اعوز اسرق منها
حاجه
تقى تضرب ايدى
وتقولى
هش من هنا يا حرامى
لآ بقه الامن اللى عندك رهيب
عاوز اتعاقد مع شركه الامن دى
ربنا يحافظ عليكى
مش فاكر عديت من هنا ولا لآ
بس انا فاكر انى دخلت قبل كده هنا بس مسبتش بصمتى
يعنى ومن غير زعل والله لما دخلت المره اللى فاتت بصراحه من فتره اتعقدت منك ومن نشاطك وبجد بسم الله ما شاء الله لا قوة الا بالله
زى النحله متقوليش عنى انى بأحسدك انا بقر بس
الله اكبر لا قوه الا بالله
مدونه جميله جدا ورائعه والله
بس ليه كده دا الطبيخ والمطبخ هو اهم حاجه للبنات خصوصا يعنى مملكتها الخاصه ولا
هتشتغل على الدليفرى يبقى الراجل هيتفش
ولا فلبينيه يبقى لو جبل هيختل
يعنى نمسك العصايه من النص
بس هقول حاجه الايام دى الشباب مش هيلاقوا المطبخ
لآ والنعمه مش هيلاقى البلاط اللى هينام عليه مش هو وعروسته لآلآلآ
اللى ينام عليه هو لوحده لو ابوه طرده من البيت فى ليله بهماء سوداء
ربنا يديم عليكى الفرح
السلام عليكم

Antika يقول...

احكيلى عن البصل :D
بس المطبخ برضو ليه متعة خاصة
(بالنسبة لواحدة مطنشة) !! xD

Faiza يقول...

Awesome blog you have introduced.

عمرو يسرى يقول...

السلام عليكم
اول زياره ليا و بعد اذنك مش خارج
طبعا البوست دا كان اللى بتكرهيه فى المطبخ هستنى البوست اللى جاى اللى بتحبيه فى المطبخ
ان شاء الله

حَـبآيـۃْ.بـטּـدۉڷ يقول...

قدر ومكتوب نحبه نكرهه كده كده داخلينه داخلينه ..

كل الحاجات اللي قلتيها دي فعلاً من اسباب كره المطبخ .. وخصوصاً بقى عدم المراعاه او حتى التشجيع
ولا حتى " اشكرني شكراً " أو " قدر تعبي شكراً " .. مفيش من ده خالص ..

كإن الواحد بيتولد عشان يكون بريموو في المطبخ .. مع انه ممكن يبدع ف حاجات تانيه
وميملكش اي ميول مطبخيه نوهااائي !!

للأسف مفيش حل .. لإن المطبخ علينـآ حق ..
وبعدين بيقولك " ما بعد عداوه إلا محبه " :D:D
وكل سنه وانتي طيبه ياسمو الأميره .. ويارب دايماً تكوني بخير وسعاده :)

Ahmed Rashwan يقول...

خلاص يا بنوتة ، محدش حيدخل المطبخ بعد الكلام اللي انتي كتبتيه ده !:))
أدعوكي لقراءة كتاب جميل له علاقة عظيمة بالمطبخ للكاتبة التشيلية إيزابيل الليندي أسمه ( أفروديت) ، بس ياريت متقوليليش ان ده كلام نظري طبعا !:)

re7ab.sale7 يقول...

عيد سعيد عليك يا سارة
انا مش اول مرة ادخل المدونة علي فكرة دخلتها قبل كدة بس معلقتش فيها لظوف النت المهببة
انا معاك ف كل كلمة قلتيها
بس للأسف انا اللي بطبخ غصب عن عيني امال يعني هخللي ماما تطبخ...
صحيح اخويا دايما يقولي اني عاملة زي شيرين ف مسرحية المتزوجون بس ومالو هو حد قالهم يخلوني اطبخ

المتابعون

اعتبرها بيتك ♥

وِش القفص

خليك ورايا

دليفري..