2010-09-17

من فضلك : روق دماغك !



كلنا محتاجين نرّوق دماغنا .. أيوة يااااااااريت نروّق دماغنا بس نروقها صح

ناس كتير فاهمة " ترويق الدماغ " غلط .. فاكرين ان معناها هو إننا " نفضي دماغنا " من كل اللي فيها وما نفكرش في أي حاجة

وبينسوا إن اللي بيميز الانسان عن الحيوان هو التفكير والعقل !

إحنا لما بنروّق المكتب او الشقة أو الأوضة أو أي مكان مش بنرمي محتوياتهم 

لكن بنحط كل حاجة في مكانها وبنسيب فراغ معين نقدر نتحرك فيه بحرية وبنشيل التراب اللي عليهم ونتخلص بس من الحاجات اللي مالهاش لازمة أو اللي ممكن " توسخ " المكان ..

محتاجين بقى نروق دماغنا بنفس المفهوم .. 

نحط كل حاجة في مكانها المظبوط ، كل ما يخص الشغل في دماغنا نخليه مع بعضه ، 

كل اللي بيخص الحياة الاجتماعية يبقى مع بعضه .. ما نخلطش بين حاجتين وبعض 

ونعمل فاصل كويس بين كل حاجة ...

عارفين فكرة تنظيم ملفات الكمبيوتر في فولدرات ؟؟ محتاجين احنا فولدرات في دماغنا 

محتاجين نشيل التراب من على أفكارنا ونطورها علشان تناسب الوقت والظروف الجديدة

محتاجين نتخلص من كل حاجة " بتوسخ " دماغنا ، ومحتاجين نطلع من دماغنا كل الحاجات اللي التفكير فيها لا هيقدم ولا هيأخر

ونسيب مساحة رايقة في دماغنا علشان تستقبل الأفكار الجديدة والخبرات الجديدة .

أنا محتاجة كده بجد أوووووووووووي ، وحاسة ان الطريقة الوحيدة لتنفيذ العملية دي هي إني أقعد مع نفسي شوية كده 

بس أقعد معاها بجد




هناك 13 تعليقًا:

  1. بوست جميل ومفيد
    انا عن نفسى عايز اروق دماغى بردوه

    ردحذف
  2. فعلا

    كلنا لازم نروق دماغنا كل شوية :)

    ردحذف
  3. بجد بجد

    تسلمى ع الكلام الموزون دة

    ترويق الدماغ مهواش تنفيضها

    لكن تنظمها

    بالتوفيق فى عملية الترويق (:

    و مبروك ع القالب الجديد (ك

    ربنا معاكى

    ردحذف
  4. انا لما دماغي بتقف بفصلها
    ثم أعملها ريستارت
    وابدا في اللا مبالاه
    ثم أعود جديد اغلس من الأول

    ردحذف
  5. فعلاااااااااااا كلامك مظبوط اوى
    ياريت كلنا نعمل كده
    ساعات الواحد بيحس انه مش عاوز يسمع حاجه من كتر ما دماغه اتملت كلام

    ردحذف
  6. السلام عليكم
    دى اول مرة اعلق فى المدونة بجد هايلة
    عجبتنى اوى فكرة ترتيب دماغى دى اوعدك هعملهاوهفتح فولدرات.

    ردحذف
  7. ممممممم..فكرة بقيت بحاول اعملها الفترة اللي فاتت..وبكل فخر..بافشل :)
    على الهامش: حاسس انك مش في مود كويس..
    يا رب يكون خير :)

    ردحذف
  8. فعلا ترويق الدماغ هو تنظيمه مش تفريغها، كلام فى السليم

    ردحذف
  9. جامده قوي يا ساره التدوينه دى، دماغك عاليه بجد ورؤيتك للمواضيع مختلف وجميييل:) تسلم ايدك سمو الأميره

    ردحذف
  10. نفسى يا سارة

    كل ماجى اروق دماغى .. بالاقى نفس النتيجة اللى بتحصل لما باروق الكومبيوتر واحط كل حاجة مع بعضها :D

    باتوه .. ازهق .. اعمل اى حاجة تانية تشغلنى عن الـ كنت باعمله

    :(

    ردحذف
  11. nfsy bgd 2rw2ha
    Bs msh 3arfa ezay:(

    ردحذف
  12. nfsy bgd 2rw2ha
    Bs msh 3arfa ezay:(

    ردحذف

Say something...