لعلمك

لعلمك

إقرأ لي

دخلوا بكليك شمال :D

Blog Archive

السبت، نوفمبر 20، 2010

postheadericon عن الـ حالة :)

من كام اسبوع كنت عايشة حالة :)

حالة صحفية جميلة ، كان عندي كلام كتير اقوله وحكاوي كتير عايزة أحكيها

كل يوم كنت بشوف حواديت ومآسي ، جربت وجع الناس وعشته لدرجة اني نسيت وجعي أنا

كانت رحمة من ربنا لأني لو كنت فكرت في وجعي أكتر من كده كنت اتجننت

كنت ناوية أكتب يومياتي الصحفية والحاجات اللي بكيتني والحاجات اللي ضحكتني

لكن من كتر التعب والانشغال ما لحقتش اكتب الكلام وهو سخن

فطار كله واتبقى بس إحساسي بإني كبرت عشرين سنة تانين بهموم الناس اللي شوفتها

ورغم كده ، شوفت ناس بسيطة أوي ، عايشة حياة بسيطة جداً ، وأحلامها بسيطة جداً جداً بس مبسوطين أوي

اتأكدت إني من الناس اللي دماغها تاعباها لأن طموحاتي مالهاش حدود ، وأفكاري نفسها مالهاش حدود ودا بيتعبني جداً

نتاج الحالة دي نساني كل التعب

خرجت بأكتر من تحقيق ، وبأكتر من حكاية وأكتر من شخصية تستحق ان الواحد يكتب عنها

دا أول تحقيق من نتاج الحالة :)


اتنشر في جريدة الفراعنة المصريين ، ممكن تقروه من اللينك دا

وممكن لساكني الغربية انهم يشتروا الجورنال من أي بياع جرايد


6 بوينتس أوف فيو:

MR.PRESIDENT يقول...

ربنا يوفقك
ويسعدك
ويخلي مرايه
للمصلحين
قادر يا كريم

مبروك علي بداية تحقيقاتك الصحفية

Antika يقول...

سارة انا مبسوطة بيكى جدااا :)
ربنا يوفقك دايما يا رب

بس التحقيق ده وجعلى قلبى بجد !! :S

Empress appy يقول...

من فتره خيخه كانت ودتنا مكان للمسنين اللى اولادهم سيبنهم وعلشان دول محتاجين كمان رعايه خاصه لانهم عندهم نسبه اعاقه ذهنيه قد ايه قلبى اتقطع وسالت نفسى ما انا ابنه اهو ازاى اولادهم بيسبوهم كدا
موضوع حلو جدا ومحتاج اهتما من ناس كتير
مبروك يا جميله

re7ab.sale7 يقول...

ربنا يوفقك يا سارة
حلوة الصحافة والمغامرة اسأليني انا
ما احنا زي بعض
زملاء ف المهنة

kholoud zaid يقول...

بجد انا مش عارفة ايه الناس اللي بترمي اهاليها في الاماكن دي بعد ما تعبوا عليهم سنين وسنين
انتي كاتبة رائعة واحساسك عالي
بجد ربنا يوفقك

Timo.. يقول...

ديما يا سارة..
من احسن..لأحسن..

المتابعون

اعتبرها بيتك ♥

وِش القفص

خليك ورايا

دليفري..