لعلمك

لعلمك

إقرأ لي

دخلوا بكليك شمال :D

Blog Archive

الخميس، ديسمبر 30، 2010

postheadericon Book Mark

شوفت الفكرة دي على قناة نكلودين

أيون ... بتاعة الأطفال :D

وعجبتني وحبيت انفذها

الفكرة انك ممكن تعمل بوك مارك خاص بيك 

علشان لما تيجي تقرأ في كتاب مالهوش بوك مارك ما تتنيش الصفحة ولا تحت قلم ولا أي حركة من الحركات دي :)

الفكرة سهلة جداً ومحتاجة بس صمغ ( انا طقت في دماغي الفكرة بالليل وماكانش عندي صمغ فعملت صمغ من النشا )

و ورق مقوى ( ممكن لو ما عندكش بردو تستعمل كوفر بتاع أي كشكول قديم بس يكون شكله حلو )

و أي رسومات لشخصية كارتونية أو لأي شكل انت بتحبه من أي مجلة

( لو ما عندكش بقى سيبك من الموضوع خالص هههههههه )

بس بقى .. هتقص الورق المقوى / الكشكول بشكل يعجبك

وبعدين تلزق عليه الصور اللي قصيتها من المجلة

وتسيبها لحد ما تلزق وتستمتع بقى :))


دا ضهر البوك مارك بتاعتي 


ودا وشها :)






ودا  البوك مارك عملته لمنونة وش وضهر :)





6 بوينتس أوف فيو:

فراشة يقول...

:) بحب انا مصنع نيكولودين

حلوة الفكرة جدا

عسووووووله موزة الحبوبه حبيبتي من زمااان ... طيب فين اخوها رشود

شكرا على مشاركتنا الفكرة

بسيطة بس جميلة

safa7_karmooz يقول...

انا بحييكى وبشدة انك اختارتى "موزة" كشخصية على البوكمارك بتاعك ^_^

MR.PRESIDENT يقول...

تصدقي وتأمني بالله
فكرة مية مية ..
ثانكس ألت يا حجة ..
نخدمك في الأفراح
والليالي الملاح

وجاري عمل بوك مارك فور مي .

اخوها يقول...

بس انا كده اضحك عليا علي فكره ماليش دعوه عاااااااااااااااااااااااااااااااااا

Ramy يقول...

فكرة جميلة

برغم بساطتها

كل سنة و انت طيبة

سنة جديدة سعيدة عليكى

و العيلة الكريمة

قلم رصاص يقول...

ايه دا كله؟
دا احنا عبرنا بارليف أسهل من كدا
طب فيه رز بلبن؟
هههههههههههههههه

لا بس بجد والله فكرة جميلة

كل سنه وانتي طيبه
وكل سنه ومنونا طيبه
وكل سنه وكل الناس طيبين وبخير
وان شاء الله سنه جديدة سعيدة على الجميع

تقبلي تحيتي
^^

المتابعون

اعتبرها بيتك ♥

وِش القفص

خليك ورايا

دليفري..