2011-08-05

فودافون شكراً هع هع هع

امبارح  فودافون عملت على تويتر هاشتاج وانتظرت تغريدات مدح لفودافون 

في محاولة منها للصيد في الماية العكرة بما إن الناس غضبانة على موبينيل بسبب تويتة ساويرس الشهيرة :D
لكن الهاشتاج جه على دماغها وكل الناس قالت فيها العِبَر :

ملحوظة كل الكلام الجاي عبارة عن تجميع لأفضل التويتات على تويتر :



Thanks for claiming you inspired the revolution when in fact you caused the death of martyrs by
cutting off communication.


- أشكر فودافون عشان لما أفرج عني فـ 28 يناير ما عرفتش أوصل لأمي وأبويا ولأهلي"

- مع خدمة متخلونيش اعيط .. فودافون بتترجى تويتر تسحب الهاش تاج و دار ما دخلك شر

- ما انتى لو كنتى شركة فيكى دكر ما كانش ظابط امن دولة بلاسلكى يقفلك باشارة ,,, اه يا شركة رمم

-  شكراً على مساعدتك لأمن الدولة قبل الثورة في تحديد أماكن الناس عن طريق شرايح موبايلاتهم وتسهيل

اعتقالهم

- أحب اشكر فودافون على الاربع أيام اللي قعدتهم مش عارفة حاجة عن أهلي و صحابي أما وافقوا يقطعوا الخطوط

- احنا متشكرين على كل مكالمة تليفون اتصنتوا عليها دخلت واحد المعتقل ومات جوة وأهله دايخين عليه لغاية دلوقتى

- أحب أشكر فودافون على إني يوم جمعة الغضب ما قدرتش أعرف أخويا عايش ولا ميت بعد موقعة قصر النيل وعشت أصعب ساعات في عمري

-
شكرا لتعاونكم معنا طيلة العشرة سنوات الماضية .... امضاء جهاز امن الدولة

- شكرًا أنكم أثبتم ازاي ممكن شركة تساهم في قتل شهداء وتمشي في جنازتهم وتقول ساهمت في الثورة! انتم أحط نوع من السلوك البشري!
- شكرا لأنكم قطعتم عننا الخدمة وانتم اللي اخدتم التعويض
 
- شكرا علي البرايفت نمبر لضباط أمن الدولة عشان يكلمونا منها

- شكرا بجد التاكسي اللي وصلني بعد ما نزلت من عربية الترحيلات يوم 28 ومرضيش يأخذ اجرة.. هو وقف مع ناسه وأنتم وقفتم مع النظام 
- بلغ عني شكراً .. اقتلني شكراً

- شكراً على اسوأ خدمة عملاء في العالم ؟؟

- للهم اني صائم..يا رب الهاشتاج دا يستمر لبعد الفطار عشان اقولكم شكرا بجد

- شكرا على انكم بتدوا فلوسنا لعادل إمام وسمير غانم عشان تعملوا شوية اعلانات تافهة ومبتذلة

- مع مشروع ساعدنى شكرا .. فودافون هتلم قرشين من كل مواطن عشان يجيبو مناديل كلينكس علشان تلم بيها كرامتها المتبعترة  
والمزيد المزيد المزيد

- شكراً انكو ماحسيتوش بأي ذنب بعد الثورة و لسة زبالة زي ما إنتو و بتسرقو عادي ولا أكن حصل حاجة

- شكرا .. انا بجد كنت بدأت اتناسي اللي حصل .. شكرا انكم فكرتوني باللعبة القذرة اللي حصلت 
**********

 و أخيراااااااااً أحب أهدي فودافون أغنية : تترجى فيااااااا تبكي علياااااااا مش ممكن يوم أقدر اسااااااااامح :P

هناك 17 تعليقًا:

  1. ههههههههههههههههههههههههههه
    يا نهار ألوان
    يا نهار وطينة
    طب سابولنا شركات ايه محترمة ف البلد
    انا افتكرت ان الناس افتكرت مرة واحدة فدخلو حملة بس مكنتش اعرف ان هما بيستكردوا البشر كده
    طب والله تستاهل وتستاهل اكتر من كده كمان
    حسبى الله ونعم الوكيل :|

    ردحذف
  2. هقول ايه بس أكتر من الناس اللى فوق قالوه !!
    يستاهلوا .. هم لو كانوا محترمين
    أول حاجة موضوع قطع الخطوط ده مكنش هيتم !!

    ردحذف
  3. هههههههههههههههههههههههههههههههه
    (:
    حلوة بجد

    ردحذف
  4. هاقولك ايه؟
    جامدة كالعادة:))

    ردحذف
  5. هههههههههههههههه

    اه والله فعلا..مع اني بحب الاعلان برضه :D
    من الاخر مفيش حاجة في مصر بتكسب اكتر من شركات الاتصالات التلاتة لأن ديه اهم وسيلة لتضييع الوقت

    ردحذف
  6. مسخررررررررررررررة :D
    أنا ما شاركتش في الكلام لأنهم قالوا كل اللي نفسي فيه بصراحة ^.^

    جدعااااااااااااااان

    و آدي اللي فودافون نالته من الهاشتاج دا :D
    لازم اللي يدخل تويتر يعرف انه مش هيترحم
    نياهاهاهاهاها

    ردحذف
  7. ههههههههههه دول اتروقو

    ردحذف
  8. أحسن فيهم طبعا,وشكرا ليكى على طرح الموضوع..بس انا شايف ماحدش ياخد فى الوقت دة رأى أى حد فى حاجة, لأنها جرأة من بعد خوف وماأظنش حد هايشكر فى أى حد دلوقتى ..لسة وقت طويل لغاية مانخلص من مخزون الكبت عندنا جميعا .. تحياتى مرة أخرى

    ردحذف
  9. هية فودافون بس اللي قطعت الخدمة ولا كل شركات المحمول قطعتها برده, ولا انتوا بعارضوا خلاص, اي كلام ف اي اتجاه, معارضة معارضة لاء لاء بيس بيس

    ردحذف
  10. " أحب أشكر فودافون على إني يوم جمعة الغضب ما قدرتش أعرف أخويا عايش ولا ميت بعد موقعة قصر النيل وعشت أصعب ساعات في عمري "
    أنا كمان حابة أشكرها جداً ع الموقف الفظيع ده لإنه اتعمل فينا احنا كمان
    و ربنا ينتقم من كل اللي وافقوا - أصلاً ده غير قانوني على حد علمي
    و شكراً إنكم فكرتوني عشان أدعي بزياده على مبارك و اللي معاه

    ردحذف
  11. ضحكت ضحك لا بجد روقووووووهم

    شكرا فودافون لما قطعتوا الاشارة الشعب المصري كله نزل الشارع

    :)))))))

    ردحذف
  12. شوفى الشركات التلاتة بتوع المحمول وشركات الانترنت كلهم رضخوا للاوامر وتآمروا
    علينا
    بتخيل لو زوجى كان فى القاهرة يومها بحكم شغله واقصد هنا يوم اللعنة يوم 28 بتخيل بس عقلى بيشت امال بقى لو كان حصلى فعلا

    ردحذف
  13. سمو الأميرة

    كل سنة وانتى طيبة
    وحشنى كتير لسعان الدماغ
    اللى بلقاه هنا

    هى فودافون لسة شغالة فى مصر

    ردحذف
  14. ههههههههههههههههههههههه
    بجد
    احنا
    ناس
    بتمووووووووووت
    فى
    الشماتة

    ردحذف
  15. تحــــــفة

    :D :D
    بجد هما قالوا كل الكلام

    ردحذف
  16. كل سنة وانتي طيبة وبألف خير وصحة وسعادة سمو الأميرة انتي ومنونه :)
    رمضان كريم‎ ‎رمضان كريم‎ ‎

    ردحذف
  17. ههههههههههههههه ربنا معاهم بقا D:

    ردحذف

Say something...