لعلمك

لعلمك

إقرأ لي

دخلوا بكليك شمال :D

Blog Archive

الأربعاء، أغسطس 31، 2011

postheadericon يارب أنا نِفسي في عيد

يارب نِفسي في عيد من اللي الناس بتستناه دا وبتفرح بيه 

عيد من اللي الناس  بتعمل فيه لبعضها حاجات تفرحها 

عيد ألبس فيه هدوم جديدة واخرج وماحدش يقول لي ايه شغل العيال دا ؟

عيد ما اكونش خايفة فيه من أي حاجة وانام وانا فرحانة واصحى وانا فرحانة علشان هو " عيد "

أشوف فيه ناس " بحب أشوفهم " مش ناس " مضطرة أشوفهم "

وأكون مبسوطة وعايشة بجد مش " عاملة نفسي عايشة "

يارب لحد دلوقتي ما عشتش ولا عيد زي اللي الناس بتحكي عنه دا

يارب علشان خاطري .. اكتب لي حتى عيد واحد قبل ما اموت :|

6 بوينتس أوف فيو:

غير معرف يقول...

أزيك يا استاذة والله مفتقدك جدا ومفتقدك دي كمان لا تؤدي الغرض ... اخبارك ايه وياريت ما تنسيش اخوكي ممدوح وسط مشاغلك .... كل سنه وانتي طيبه وان شاء الله الاعياد كلها تبقي من اللي انتي عاوزاها
D007a

دكتـــ نبضــة ــــــــــورة يقول...

كل سنة وانتى طيبة يا سارة
وربنا يجعل أيامك كلها عيد
ويجى عليكى عيد بجد
والله انا نفسى اعرف العيد راح فين
الدنيا كلها بقت ملل ف ملل والعيد مابقاش ليه طعم زى زماااان

princess haya يقول...

والله عندك حق يا سارة قولتى اللى فى نفسى اوى بنسمع عن العيد والعيد فرحه لكن عمرنا ما حسينا بطعم العيد الا فى خلال 10 دقايق تكبيرات العيد واول ما بتخلص الصلاه كله فركش و العيد خلص

فانداليسيا يقول...

الأجمل من ده كله .. انك بجد بتبقى العيد للى حواليكى
انتى بتضيفى فرحة عيد ف كل يوم بسمعلك او بقرالك او بكلمك
مش عارفة ليه مش بقتنع بالعيد بمنطق البشر انا مقتنعة ان كل يوم بفرح فيه هوا عيد والعيد اللى الناس بتعيشه انا مبعملوش عيد الا لما اكون عايزة اخليه كده فعلا

ربنا يرزقك باشخاص يكونو هما عيدك كل يوم :)

nor يقول...

انا كمان نفسي في عيد

مامة مازن يقول...

كل يوم انتى واللى بتحبيهم كويسين وبخير يبقى عيد
جوانا كلنا احلام وخيالات اغلبها فضل معانا من واحنا اطفال وبيتهيئلى لو وصلنا للستين هيفضل عندنا نفس الامنية
على رغم بساطتها

المتابعون

اعتبرها بيتك ♥

وِش القفص

خليك ورايا

دليفري..