أنا ميين ؟
أنا سمو الأميرة سارة ..
ماحدش اداني تاج الإمارة
أنا اللي اديته لنفسي علشان كده ماحدش يقدر ياخده مني
بما إني أميرة مملكتي اللاسعة ..
مملكتي فيها حاجات كتير مختلفة عن الدنيا اللي حواليّا
علشان أنا بحب أعيشها كده :)
مش شرط الاختلاف يكون معناه اني غلط
او ان الناس غلط .. لكن نقدر نقول كل الطرق تؤدي إلى روما
وانا بحب الطرق اللاسعة
لمزيد من الرغي عني إكليك هنا ;)
أو هنا
التاريخ أنياب وأظافر
أنا ♥ الشيبسي
والشيبسي بيحبني :)
وبموت في رفعت ;)
أحسن نااااس
-
-
-
-
-
-
-
-
-
السور الحديد الواطيمنذ أسبوع مضى
-
-
لما قررنا نحكى حكايتنامنذ 3 أسبوع (أسابيع)
-
-
-
كل عام أنتم بخيرمنذ 2 شهر (أشهر)
-
-
-
-
فاضل خازوق الإنتخابات بقىمنذ 5 شهر (أشهر)
-
-
رمضان كريممنذ 7 شهر (أشهر)
-
-
-
دستور عليكم يابشرمنذ 10 شهر (أشهر)
-
-
-
-
-
-
-
شعور بالحيرةمنذ عام مضى
-
-
خليك ( عبده ) ... تعيش مرتاحمنذ عام مضى
-
-
اللفافة واقفة في زوري !
05:39 م | 
كتبتها ..
Sarora
فيلم اللفافة دا مش راضي يدخل دماغي ! مِش بس لإني حاسة إن سيناريو خالد سعيد بيتكرر تاني ، لكن لأسباب كتيرة مش قادرة اقتنع ان عصام عطا مات بسبب المخدرات اللي هو بلعها علشان ما يتقفشش بيها .. يمكن مش قادرة أبلع فيلم اللفافة دا لأن ...
- عصام قبل ما يموت استنجد بأهله أكتر من مرة وطلب منهم يقدموا بلاغ للنائب العام عن إنه بيتعذب جوا السجن ، طبعاً ماكانش عارف انه هيموت وقال كده احتياطي مثلاً ! والدليل على إن دا حصل ، مش بس كلام أهله .. لكن إن أهله أصلاً بلغوا محاميين حقوقيين علشان يتخذوا الاجراءات اللازمة - كل دا قبل ما يموت - ولما المحاميين اتحركوا ورايحيين ينقذوه لقوه في المشرحة !
- مش مصدقة فيلم اللفافة علشان في أكتر من طبيب أكدوا إن الوفاة بالطريقة اللي بيحكوها دي مستحيلة وكلامهم مقنع بصراحة تقدروا تقرأوا رأي طبي من هنا التعليقات عليه كمان مهمة
- مِش مصدقة فيلم اللفافة علشان إدارة السجن نفت إنه اتعرض لتعذيب من غير ما تحاول تحقق في الموضوع أصلاً ! أعتقد انهم مش فاتحين المندل مثلاً وعارفين كل حاجة ! وبدل ما كانوا يحققوا ويطلعوا نتيجة نزيهة - أو حتى شكلها كده - لأ رفضوا أصلاً يحققوا في الموضوع .
- مش مصدقة فيلم اللفافة علشان مش قادرة اقتنع ان الصورة دي بتاعة واحد بلع مخدرات
- مش قادرة اقتنع علشان الموضوع فيه كذب وبعيد عن المنطق ! وماحدش يكذب إلا إذا كان عايز يداري حاجة ، مثلاً المساجين اللي شهدوا انه بلع مخدرات قالوا " بلع امبول زجاجي " فيه مخدرات ، بينما التشريح بيقول انهم لقوا صوابع جوانتي داخلين في بعض على شكل كبسولة كده ومحطوط جواهم المخدرات !
- مش قادرة أقتنع علشان في ناس - مالهمش أي مصلحة ولا يعرفوه من قريب ولا بعيد - أكدوا إن عصام كلم محامية حقوقية وكان هيديها أسماء مساجين بيتعذبوا في السجن .. بعدها مات !
مش قادرة اقتنع !! مش قادرة فعلاً أقتنع وقلبي محروق عليه وعلى أمه .. امه على فكرة عندها انهيار عصبي ، ما اعتقدتش واحد بلطجي وبيشرب مخدرات ، وامه كمان اللي ادتهاله - زي ما بيقولوا - هيبقى قلبها رهيف ويجيلها انهيار عصبي لما يموت !!
أرجوكم اقروا الكلام دا شهادة سامية جاهين و جواه هتلاقوا روابط لشهادة شخصين تانيين عن الموضوع وقولوا لي اصدق مين ! الطب الشرعي اللي قال على خالد سعيد حشاش وثبتت برائته بعد سنة ! ولا الناس دي اللي مالهاش أي مصلحة في أي حاجة !
أرجو من الناس اللي عايزة تنيم ضميرها وتريحه ، إنها تخليها ساكتة ... لو عايزين تقتنعوا انه شرب مخدرات فحصل فيه كل دا خلاص ربنا يكملكوا بعقولكم .. لكن أرجوكم ما تحاولوش تشوهوا صورة بني آدم ميت بين إيدين ربنا .. اسكتوا وخلاص !
أما بالنسبة للإخوة المستقرين بتوع " عايزين تولعوا البلد " فـ مش احنا اللي رحنا موتنا الراجل علشان نولع في البلد ! وأكيد ما اقنعناهوش ينتحر مثلاً علشان نولع في البلد بعد موته ! البلد مش بلدكم لوحدكم .. خايفين عليها قولوا للي ماسكينها يتقوا ربنا فيها
وفينا ولا انتوا فالحين بس تشتموا في اللي مش عايز يسكت عن الظلم! مش هنمشي جنب الحيط ، ومش هنسكت ومش هنموت ونسكت ونقول كمان عشان استقرار مزيف وأمان وهمي
آه بالمناسبة .. التقرير دا هدية للإخوة محبي الاستقرار
بالمناسبة بردو .. في اليوم اللي اتقتل فيه عصام اتقتل فيه 3 شباب زي الورد على إيد الشرطة في نفس التوقيت تقريباً ، من ضمنهم معتز اللي قتلوه في عربيته بالرصاص ، وبعد ما قتلوه خلعوا ارقام العربية وراحوا يقولوا دا هو كان بيحاول يتخطى اللجنة بعربية من غير ارقام فاحنا حاولنا نوقفه راح مات !! حتى لو الفيلم دا صحيح - والتحقيقات على فكرة اثبتت انه مش صحيح - من امتى كل ما حد يحاول يتخطى اللجنة بينضرب عليه نار !!! الشهود قالوا انهم ضربوا عليه 14 رصاصة ! إيه الغِل دا !!
على فكرة .. حادثة عصام ومعتز والشابين التانيين حصلت تاني يوم ما اللي قتلوا خالد سعيد خدوا سبع سنين فقط !
الاشتراك في:
تعليقات الرسالة (Atom)
ركزززز
I ♥ This
قسم وسمعني
- بنوتة مفروسة ..
- مجرد فضفضة
- نحو انسان لاسع لاسع
- وحياة قلبى وافراحه
- فصحى
- بوستات بيقولوا عليها حلوة
- تهيييييييس
- ايجابى يا لاسع
- فى الممنوع
- خمسة فرفشة
- بنات × بنات = اخر لسعنة
- كلام والسلام
- الركن الرومانسى الهادى
- قصاقيص لاسعة
- I Like This
- قصاقيص
- كلمتين وبس
- كتب × كتب
- Art
- آآآه ياعرب
- الحساب الختامي
- تيجان او تاجات الله اعلم
- شخابيط
- علم في اللي مش متبلم
- مش موزون ومش متقفى بس عاجبنى
- مصر الجديدة
- الدنيا كده
- العيد القومي للمملكة
- تفانين
- رمضان كريم
- غرام الشعراء
- مدونات مصرية للجيب
- Monierian mood
- just words
- إهتم بيا ، شكراً
- تحقيقات
- علشان نرجع كرامتنا
- عيون تراقب العدو
- كلنا ليلى
- لم يُنشَر
- ليه تكون لاسع ..
ولي عوالم أخرى ..
-
-
في بيتنا .. مش هتقدر تغمض عنيك :D - امبارح كنا - أنا وأختي - مطبقين يومين ورا بعض ، نمنا تخاطيف كده قبل الفطار بس بردو كنا مهدودين فجينا اتسحرنا وصلينا الفجر وقولت بقى للسرير انا وانت وبس يا...منذ 6 شهر (أشهر)
-
يوميات صحفية في الأرياف :D - السنة اللي فاتت في شهر نوفمبر ، كنا شغالين - أنا و خمسة بنات اصحابي صحافيات شابات وزي الورد - في القرى اللي حوالين طنطا ، بنعمل تحقيقات عن مشاكلهم في ال...
منذ 7 شهر (أشهر) -
قُرب - *دار حولي عدة مرات من مسافة معقولة .. ثم شعرت بأنفاسه تدغدغني فعرفت أنه اقترب .. اقترب جداً مني .. لم أتحرك في البداية كُنتُ مأخوذة بجرأته في أن يقترب مني ل...منذ عام مضى
-
جائنا التاج التالى .. فى الحقيقة هم 2 تاج مش تاج واحد - *** * *التاجين دول جولى من عند احلى وارق** بسكوتة* ** *بس بصراحة واعرين جوى جوى يابوي * ** *يلا استعنا على الشقا بالله * * * *التاج الاول * *اذكر 6 اسرار قد...منذ 3 عام (أعوام)
3 بوينتس أوف فيو:
قولتي كل الكلام اللي علي لساني .. وعلي رأي محمد خضر .." الثوار بيضحك عليهم والاخوة بتوع الاستقرار بيضحك عليهم .. حتي الفلول بقي يضحك عليهــم "
لن نرضــي باستقــــرار مزيـــــف !!
بسم الله الرحمن الرحيم : ظاهرة بلع المخدرات منتشرة جداًً في السجون المصرية ولها طريقة معينة في تجهيز صوابع المخدرات قبل بلعها ولا يتم تعليمها إلا من قبل محترفين مع العلم أن البعض يبلع حتي 18 او 20 صابع وأكثر واسوأ ما يحدث هو إنفجار اللفافة في المعدة مما يسبب أعراض التسمم ولا تؤدي إلي الوفاة لأن من قام بتجهيز الأصابع يعلم المخاطر قبل البلع وبالتالي عند شعوره بأي مغص يقول بالإستفراغ أو الترجيع فوراً مع إبلاغ زملائه وأفراد الحراسة وأكرر أنها عملية سهلة يحترفها الكثيرين داخل السجون المصرية ...
الملاحظة الثانية بخصوص التعذيب وهو إجراء شبه روتيني عااام في حياتنا المصرية المعتادة علي القسوة وما خنوع الشرطة بعد الثورة إلا دليل علي ذلك فهم لا يفهمون إلا القوة وعندما كانوا ضعفاء كانوا صامتين أما بعدما أتيح لهم الفرصة فهم يتوقعوا منا نفس الخنوع (مش إحنا اللي بقينا ضعفاء يبقي الدور علينا نلم نفسنا بقي )هي دي طريقة تفكيرهم ومن الجيد إشارتك إلي أن قتلة خالد سعيد عوقبوا ب 7 سنوات فقط والله أعلم بالتطبيق وأضيف أن قتلة سيد بلال رحمه الله هربوا هعهعهععه اه والله تخيلي إن دا بقي مالحقش حتي ال 7 سنين دول
D007a
ربنا يظهر الحق
إرسال تعليق