2011-12-08

هو انا ازاي ممكن ما احبوش ؟

هو انا ازاي ممكن ما أحبوش وهو بيثق فيا أكتر من ثقته في نفسه ؟ وهو بيثق فيا لدرجة إنه ما يأكلش غير من إيدي ؟
إزاي ممكن ما احبوش وهو شايفني الأمان والدفا وكل حاجة حلوة ؟
إزاي ممكن ما احبوش وهو بيعرف مكاني بقلبه .. بيعرف صوتي .. بيعرف نَفَسي !
إزاي ممكن ما أحبوش وهو ممكن يعمل أي حاجة في الدنيا حتى لو صعبة علشان يوصل لي ويترمي في حضني ويتطمن معايا ! 
وهو بيعرف إزاي يخليني أفرح واضحك حتى لو شايلة هم الدنيا كلها ؟ ازاي ما احبوش وهو بيغير عليا حتى من أمه ؟ 
وهو بيفرح لمجرد إنه شافني من بعيد .. وبينسى تعبه ووجعه علشان يكون معايا !
إزاي ما أحبوش وهو عنده انه يكون جنبي أهم من إنه ياكل؟ 
ازاي اصلاً ما احبوش وهو بيأمن لي لدرجة إنه بينام بعمق لمجرد إني في نفس المكان اللي هو فيه !



هناك 6 تعليقات:

  1. ربنا يهني سعيد بسعيدة ولاسع بلسعة.....

    ردحذف
  2. لسوعتى بقيتى بتكسلى من وقت ما الدنيا بردت شغلى الشيكولاته باللبن وانتى هتبقى فله وهتنامى نووووم قصدى هتتدفى دفا

    وحشتينى مفتقداكى
    عملت حساب على تمبلر مخصوص علشان اتابعك

    بالتوفيق يا حبيبتى

    ردحذف
  3. هذه صفات رائعة في رجل يقدر مشاعر المرأة ويحترمها ويمنحها الثقة لانها المرأة التي توجها في مملكته .. فقابلته بالامتنان .. وثمنت له ثقته وحبه بالاعلان الصارخ الذي يخرج من القلب للقلب ..
    لا يمكن منافسة المرأة في مشاعرها عندما تحب وعندما تحس باخلاص الطرف الاخر لها

    ردحذف
  4. انتى فين يا سارة
    خير
    طمنينى عليكى انتى كويسة؟
    مش باينة ليه لا هنا ولا تمبلر

    ردحذف

Say something...