أنا ميين ؟
أنا سمو الأميرة سارة ..
ماحدش اداني تاج الإمارة
أنا اللي اديته لنفسي علشان كده ماحدش يقدر ياخده مني
بما إني أميرة مملكتي اللاسعة ..
مملكتي فيها حاجات كتير مختلفة عن الدنيا اللي حواليّا
علشان أنا بحب أعيشها كده :)
مش شرط الاختلاف يكون معناه اني غلط
او ان الناس غلط .. لكن نقدر نقول كل الطرق تؤدي إلى روما
وانا بحب الطرق اللاسعة
لمزيد من الرغي عني إكليك هنا ;)
أو هنا
التاريخ أنياب وأظافر
أنا ♥ الشيبسي
والشيبسي بيحبني :)
وبموت في رفعت ;)
أحسن نااااس
-
فــجــأةمنذ ساعة واحدة
-
-
-
-
-
-
-
السور الحديد الواطيمنذ 2 يوم (أيام)
-
-
-
لما قررنا نحكى حكايتنامنذ أسبوع مضى
-
-
-
-
كل عام أنتم بخيرمنذ شهر مضى
-
-
-
فاضل خازوق الإنتخابات بقىمنذ 5 شهر (أشهر)
-
-
رمضان كريممنذ 7 شهر (أشهر)
-
-
-
دستور عليكم يابشرمنذ 10 شهر (أشهر)
-
-
-
-
-
-
-
شعور بالحيرةمنذ عام مضى
-
-
خليك ( عبده ) ... تعيش مرتاحمنذ عام مضى
-
-
2011
02:40 ص | 
كتبتها ..
Sarora
أكتر سنة اتحيرت هي حلوة ولا وحشة! من أول ثانية فيها لآخر ثانية وهي غريبة ومحيرة و"قاسية" جدًا.
أكتر سنة حسيت إنها " لاسعة"، لاسعة بمنطقي أنا .. اللسعان اللي "بيصدم" و " يسيب بصمة" و " ما يتنسيش".
حصل فيها حاجات كتيرة حلوة، على المستوى العام، والخاص بالنسبة لي.. وحصل فيها بردو حاجات من اسوأ ما يكون، بردو على المستوى العام والخاص.
لكن لما فكرت شوية فيها، لقيت إني ممكن أسميها سنة "اللامستحيل" !
بشكل ما، على المستوى العام والخاص سنة 2011 كسرت فكرة "المستحيل" ..
كنا بنقول مستحيل شعبنا المأنتخ العظيم يقول للظلم لأ، وماكناش نحلم أصلاً بثورة !! وحصلت .
لما الثورة قامت، قلنا مستحيل مبارك المشهور بعنده يرضخ ويتنحي، وحصل!!
قلنا مستحيل على حاجات كتيرة .. وحصلت، حلوة بقى أو وحشة حصلت !
حاجات في حياتي، كنت متخيلة إنها مستحيل تحصل، وحصلت بسهولة ما كنتش اتخيلها.
وحاجات تانية، كنت بقول مستحيل أعيش لو حصلت .. وحصلت :( ولسة عايشة أهو !!!
آخر يوم في 2011 نفسه، حصل فيه حاجات عجيبة، حسيت كأن حد بيجمع بازل لصورة فترة بحبها في حياتي، بطريقة لامنطقية ومفاجئة جدًا خليتني أفقد توازني أصلاً.
الحاجات اللي حصلت دي أنا قبلها بكام أسبوع كنت بتحسر وأنا بقول إنها مستحيييل تحصل تاني! وحصلت.
الموضوع دا خلاني أفكر في مفهوم" المستحيل" ... اكتشفت إنه فعلاً مافيش حاجة اسمها مستحيل !
كل الحكاية، إننا بيكون عندنا نقص في المعلومات، أو في المعطيات .. بيخلينا مش شايفين الصورة كاملة .. بالتالي بنقول إن النتيجة اللي احنا عاوزين نوصل لها دي مستحيلة.
كأن مثلاً في قدامنا ورقة مكتوب فيها :
1
1
________
واحنا نقول إزاي ؟ مستحيل .. مافيش عملية حسابية في الدنيا تطلع الناتج تلاتة! لا ضرب ولا جمع ولا طبعًا قسمة.
وبنجزم بكده ونبصم بالعشرة إن الكلام دا مستحيل، ونبقى متأكدين تمامًا من صحة فكرتنا
لكن كل الحكاية إن في رقم تالت إحنا مش شايفينه! ممسوح، او متداري، أو مكتوب بخط رفيع جدًا، أو حتى بحبر سحري!
فبما إننا مش شايفين كل المعطيات ما بنقدرش نصدق النتيجة ونعتبرها مستحيل!
هو دا بالظبط اللي بيحصل في الحياة، إحنا ما بنعرفش الغيب، اللي يعتبر الرقم التالت في الحدوتة، وبنحكم بناءً على المعطيات اللي معانا، اللي هي الحاضر، والماضي ( وأحيانًا كمان معطيات الحاضر والماضي ما بتكونش مظبوطة أو حقيقية) بالتالي ما بنقدرش نشوف النتيجة منطقية !
لكن ربنا عارف كل المعطيات، ومطلع على كل حاجة، ومرتب كل حاجة كمان .. علشان كده لازم ما نشيلش هم، ونؤمن ونثق تمامًا في ربنا، لأن طول ما ربنا موجود مافيش مستحيل في الدنيا! وربنا دايم وما دايم إلا هو، بالتالي .. مافيش مستحيل أصلاً !
حتى في الحقائق العلمية، ما أظنش في مستحيل.. لأننا مش مطلعين على كل الحقائق العلمية اللي في الدنيا اللي ممكن تلغي المستحيل وتمحيه تمامًا.. كل الحكاية شوية وقت، وظروف، وبس !
متهيألي لو ماطلعتش من 2011 غير بالحقيقة دي وبس كفاية!
لكن رغم كده أنا طلعت منها بحاجات حلوة كتيرة، طلعت منها بـ "سارة " أقوى، أنضج، عارفة كويس هي عايزة إيه، وقريبة أوي من أحلامها.
رغم إن الدنيا بالنسبة لي ما بقتش الجميلة والممتعة، والنضيفة بالقدر اللي كنت فاكراه قبل كده، بس متهيألي كان لازم تيجي لحظة أكتشف فيها كده عن الدنيا، واتصدم، وأقوم تاني عادي.
من أهم الرسايل اللي وصلتني من أحداث 2011 فكرة إننا لازم نسيب بصمة قبل ما نموت، وإنه بيفرق جدًا إنك لما تموت حد يقول " ياساتر .. الحمد لله غار" أو في أفضل الأحوال، إنه كل ما تيجي سيرتك، الناس تلوي بوزها وتقول" إيييييه.. هنقول إيه بقى.. اذكروا محاسن موتاكم!" وإنك لما تموت الناس تزعل وتقول " إنا لله وإنا إليه راجعون .. ما يغلاش على اللي خلقه" أو " ربنا يرحمه بحق الحاجات الحلوة اللي فرقت في حياتنا اللي عملها".
رغيت أنا في الحوار دا كتير الفترة اللي فاتت، بس فعلاً الفكرة مطارداني باستفزاز!
من أهم اللي اتعلمته في 2011 هو إني ما أعلقش أحلامي على حد، مهما كنت شايفاه كويس، ومهما كنت واثقة فيه، لازم أحلامي تعيش جوايا أنا، وتكون متوقفة على مجهودي أنا، علشان ما تموتش إلا بموتي أنا! وبس .. كفاية إنها لما تموت بموتي مش هتحسر عليها :D
دا بغض النظر عن إن مافيش في الدنيا حد ينفع نثق فيه، ونطمن له لدرجة إننا نأمنه على أحلامنا!
مهما كان قريب، وشكله طيب، وحنين، وإلخ إلخ ...........
من أكتر الحاجات اللي وجعتني في 2011
إن تفاؤلي خدع ناس كتير أوي، وخلاهم يصدقوا إن بكرة حلو أوي أوي، وللأسف ماكانش عندي ما يكفي من الشجاعة إني أقول لهم "للأسف .. أنا مش مارد المصباح ولا معايا خاتم سليمان.. للأسف .. أنا أضعف من إنكم تعلقوا على كتافي أحلامكم!"
تاني أكتر حاجة وجعتني في 2011
هي إني مابقتش أثق ثقة مطلقة في أي حاجة أو حد!
فكرة إن " مافيش مستحيل" زي ما بتدينا أمل، وتفاؤل وبتقوي إرادتنا، زي ما بتخلينا - وبكل أسف - مدركين تمامًا، إن " مافيش حد مستحيل يخون" " مافيش حد مستحيل يتغير " " مافيش حد مستحيل يكون عمل كذا" !! ودا على الصعيد العام والشخصي مستفز جدًا، ومحبط جدًا... وأحيانًا بيخليني أفقد ثقتي في بكرة :(
أكتر حاجة بسطتني قي 2011
إني اكتشفت إني أقوى مما أتخيل!
- امسكوا الخشب يا حضرات مش ناقصة أنا ههههههههههه
وإني اكتشفت إني لما بعوز حاجة بجد، بوصلها .. ودا فرحني لأن في حاجتين كباااااااار أوي بالنسبة لي، نفسي أوي أوصلهم، وكنت بخاف كتير ما أقدرش، بس ربنا طمنني.
واكتشفت كمان إني المفروض أثق في نفسي وأحبها
- ما الواد يتحــــــــب يا رمضااااااااااان :D
أكتر حكمتين صدقتهم السنة دي
"إمشي عدل يحتار عدوك فيك" و الحكمة اللي فيما معناها، إن العبد لما بيسعى عشان هدف، ربنا بيساعده وبيوصله
السنة دي أكتر سنة اتأكدت فيها إني اخترت صح، في أهم قرارين في حياتي :)
والسنة دي بردو اتأكدت إنه " على هذه الأرض ما يستحق الحياة "
كانت سنة مختلفة بكل المقاييس، ومن كتر الناس اللي فقدتهم فيها حسيت إني "شِخْتْ" أوي! وبقيت عجوزة
بس الميزة في كده إني بقيت "دُقرُمَة" :)
بما إن أهم ما ميز 2011 ، هو معدل الوفيات الملفت جدًا للنظر للشخصيات الشهيرة
فصيلة دم البوست
الاشتراك في:
تعليقات الرسالة (Atom)
ركزززز
I ♥ This
من فات قديمه تاه
قسم وسمعني
- بنوتة مفروسة ..
- مجرد فضفضة
- نحو انسان لاسع لاسع
- وحياة قلبى وافراحه
- فصحى
- بوستات بيقولوا عليها حلوة
- تهيييييييس
- ايجابى يا لاسع
- فى الممنوع
- خمسة فرفشة
- بنات × بنات = اخر لسعنة
- كلام والسلام
- الركن الرومانسى الهادى
- قصاقيص لاسعة
- I Like This
- قصاقيص
- كلمتين وبس
- كتب × كتب
- Art
- آآآه ياعرب
- الحساب الختامي
- تيجان او تاجات الله اعلم
- شخابيط
- علم في اللي مش متبلم
- مش موزون ومش متقفى بس عاجبنى
- مصر الجديدة
- الدنيا كده
- العيد القومي للمملكة
- تفانين
- رمضان كريم
- غرام الشعراء
- مدونات مصرية للجيب
- Monierian mood
- just words
- إهتم بيا ، شكراً
- تحقيقات
- علشان نرجع كرامتنا
- عيون تراقب العدو
- كلنا ليلى
- لم يُنشَر
- ليه تكون لاسع ..
ولي عوالم أخرى ..
-
"هِىَ .. هشَّة لِذا فَهىَ فى كُلِّ لَحظة .. تُرسِلُ إليهِ إشارات خفية … بأنها أضعَف مِن أن..." - “هِىَ .. هشَّة لِذا فَهىَ فى كُلِّ لَحظة .. تُرسِلُ إليهِ إشارات خفية … بأنها أضعَف مِن أن تَحتَمِلُ انكسارات جديدة .. علّهُ يَفهم .. ويَتوقَّف … !” - ...منذ يوم مضى
-
في بيتنا .. مش هتقدر تغمض عنيك :D - امبارح كنا - أنا وأختي - مطبقين يومين ورا بعض ، نمنا تخاطيف كده قبل الفطار بس بردو كنا مهدودين فجينا اتسحرنا وصلينا الفجر وقولت بقى للسرير انا وانت وبس يا...منذ 6 شهر (أشهر)
-
يوميات صحفية في الأرياف :D - السنة اللي فاتت في شهر نوفمبر ، كنا شغالين - أنا و خمسة بنات اصحابي صحافيات شابات وزي الورد - في القرى اللي حوالين طنطا ، بنعمل تحقيقات عن مشاكلهم في ال...
منذ 6 شهر (أشهر) -
قُرب - *دار حولي عدة مرات من مسافة معقولة .. ثم شعرت بأنفاسه تدغدغني فعرفت أنه اقترب .. اقترب جداً مني .. لم أتحرك في البداية كُنتُ مأخوذة بجرأته في أن يقترب مني ل...منذ عام مضى
-
جائنا التاج التالى .. فى الحقيقة هم 2 تاج مش تاج واحد - *** * *التاجين دول جولى من عند احلى وارق** بسكوتة* ** *بس بصراحة واعرين جوى جوى يابوي * ** *يلا استعنا على الشقا بالله * * * *التاج الاول * *اذكر 6 اسرار قد...منذ 3 عام (أعوام)
4 بوينتس أوف فيو:
الحكمة بتاعت العبد
اسعى يا عبد وانا اسعى معاك
انا اسف لو هقيمك فى البوست ده انا مش محل انى اقيم
بس تستاهلى مليون على عشرة
مش مجاملة
بس استنتاجاتك كلها صح
بس من رأيى متحبطيش بخصوص الجزئيه اللى مخلياكى فاقدة الثقة فى الناس
اتعاملى معاهم ومتخافيش انك فاهماهم
اعتبريها ميزه لأنها فعلا ميزه
عارفة يا سارة
السنةدي جابت كل حاجة وعكسها
غيرت في ناس كتير حاجات كتير
السنةدي احلي واوحش سنة
سنة علمتنا وعلمت علينا
الحمدلله
يارب الجاي يبقي احسن :))
انا من اول ما ابتديت اقرا المقالة دى
هى تصنف مقالة فى راييى مش مجرد بوست فى مدونة الموضوع ابعد من كده
وعارفة سر ان ابعد من كده ان اللى يقراه يفتكركاكبر من سنك الفعلى لانك بفضل الله وصلتى لحاجات ممكن ناس تاخد عشرات السنين على ما توصلها وتفهمها
بحييكى بجد على كل كلمة وبحييكى كمان على صراحتك ووضوحك مع نفسك وكشف الحساب اللى عملتيه للنفسك واهنيكى لانك بقيتى فى مكان اصلب من اللى كنتى فيه منشهور مثلا؟
اتمنى ربنا يحقق لك احلامك يارب
انت محقة تماما فيما قد ذكرتيه عن اللامستحيل
ونوع الاثر الذى سوف نتركه فى نفوس الاخرين نوع الذكرى
ومحقة ايضا فى ايمانك الكامل بالترتيبات الالهية والتى هى ابعد من استيعاب البشر
ومحقة ايضا فى انك أملك الوحيد كما يقول الاعلان التجارى
ومحقة ايضا فى فقدان الثقة فى الناس او انه لايجب ان نثق ثقة عمياء (برافو)
ومحقة ايضا فى ان على الارض ما يستحق الحياة
من الاخر انتى من الاحرار يا سارة:)
أموووووت انا ف الحساب الختامى بتاع كل سنة
وبعدين يا أبلة عايزة اعمل كوبى بيست لحاجة عجبتنيى واقتبسها هنا .. دى حاجة مستفزة أوى :@
ف الاخر بقى هوا الكلام ده ليا يا شابة :\ :D
مهو "مستحيل" بقى ان كل حساب ختامى افتكرك بتكتبيلى انا :P
عجبتنى اوى حتة الرقم المخفى دى :)
إرسال تعليق