لعلمك

لعلمك

إقرأ لي

دخلوا بكليك شمال :D

Blog Archive

الثلاثاء، مارس 20، 2012

postheadericon كراكيب سارة


كتبت في يوم "بحب كراكيبي وبحن لها"
في ناس افتكرت إني بحب كراكيبي المادية.. اللي هي حاجاتي القديمة اللي مابقتش استعملها
لكن الحقيقة كنت أقصد .. بحب كراكيبي أنا.. كراكيب  شخصيتي
الحاجات اللي كانت فيا زمان، وما بقتش موجودة دلوقتي.. ومابقتش صالحة للوجود أصلاً
وما ينفعش تبقى موجودة.. بس بحبها وبحن لها 
بحن لإني كنت مش عارفة حاجة عن الدنيا.. رغم إني بحب أعرف
بحب إني كنت مقفولة على نفسي.. رغم إني بحب الناس، والزحمة
بحب إني كنت مرتاحة البال.. أو بمعنى أصح إن دماغي ماكانتش فاضية.. ماكانتش مشغولة بحجاات كتير، ولا ناس كتير 
بالتالي كانت مرتاحة.. ورايقة جدًا.. لكن الغريب إني رغم كده، كنت بتضايق أكتر، وبزعل أكتر
يمكن مش بعمق.. بس كانت كتير!
كراكيب شخصيتي بلاقيها في الناس اللي كانت عارفاني زمان، في أتوجرافاتي، في الجوابات العبيطة  اللي كنت كاتباها للقطط
في هدايا اصحابي... في حاجات عبيطة كنت كاتباها على أساس إنها شعر وقصص و إبداع مالوش حل
محتفظة بالحاجات دي رغم إنها بتقلب عليا المواجع
ورغم إني كتير بعيط لما بتفرج عليها، وافتكر ظروفها
بس كتير بردو بتضحكني وبتفرحني
ورغم إني ماكنتش راضية عن نفسي نهائيًا في الوقت دا.. لكن بفرح لما بفتكر
إني قدرت أتغير لحد ما بقيت أنا.. أو بمعنى أدق.. قدرت أتكون لحد ما بقيت أنا.
بمشاكل أكبر، بهم أكبر، بوجع أعمق.. بس إلى حد كبير راضية عن حالي.
الحمد لله :)

6 بوينتس أوف فيو:

Bent Men ElZman Da !! يقول...

انا من الناس فعلا اللى الكلمه دى أثرت معايا اوى
اول ما شوفتك كتباها على الفيس انا كمان فكرت فى كراكيبى وبردو بصيت للكراكيب الماديه
لانها بالنسبه ليا بتمثل كراكيب جوايا بحاول اتنساها مع الوقت
بس بردو بنرجع مهما عدى من الوقت ونحن ليها من تانى :)

و تستمـ ـر الحيـ ـاه يقول...

و أنا كمان بحــن كتير لتراكيب اللي تكــاد أنعدمت منــي و اللي بتمني ترجــع تاني فلا شئ يحزنني و لا أرق يؤلمني
بنوته
دمتِ رائعه~~~

ريري كربكه يقول...

متهيألي يا ساره
مش كراكيب ديه ذكريات
واحيانا الذكريات بتكون مفرحه واحيانا بتكون مؤلمه ومش عايزين حاجه تفكرنا بيها
البوست حلو وتسلم ايدك عليه

Timo.. يقول...

عارفة يا سارة..
"كراكيب سارة" خلتني ارجع واغوص في "كراكيب تامر" واللي اخدت مني ساعتين لحد ما فوقت منها وقدرت اكمل تعليقي..
بس ساعتها نسيت انا كنت عاوز اقولك ايه...!!

دي حقيقة على فكرة..!!

مامة مازن يقول...

الحمد لله يا سارة

غير معرف يقول...

لما قريت كلامك كنت عارفه بالظبط قصدك ايه...اصل انا كمان بحب كراكيبي و الكراكيب دي هي الي انا عايشه بيها مع ان كتير منها معدش موجود انما وجوه فيوم بيخليني اعيش

المتابعون

اعتبرها بيتك ♥

وِش القفص

خليك ورايا

دليفري..