لعلمك

لعلمك

إقرأ لي

دخلوا بكليك شمال :D

Blog Archive

الأربعاء، يوليو 11، 2012

postheadericon أنا مش كراسة الرسم بتاعتك

أنا مش كراسة الرسم بتاعتك، مش من حقك ترسم أحلامك في حياتي
ولا حتى تحاول ترسم خط واحد، أو تمسح نقطة، أو تقطع ورقة
كان عندك 59 ورقة في كراستك، جربت ترسم فيهم نفس الحلم وفشلت
من حقك تجرب تاني لآخر ورقة في كراستك
لكن .. حقك يقف عند "كراستك بس"
مش من حقك تسرق ألواني، ولا تفرض عليا الأقلام اللي ارسم بيها
مش من حقك تكتب اسمك على كراستي
أقصى حقوقك إنك تشوف الكراسة فيها إيه،
وبإذني
 بس 

9 بوينتس أوف فيو:

amina يقول...

انتي بتحاولي توضحي ان في حدود للتعامل مابينا وانا بجد بؤيدك جداا

monamor يقول...

جميله يا سـآره

worod ali يقول...

كالعادة سارة مبدعة دائما

اندروميدا يقول...

كراسات الرسم حتما بمرور الوقت .. سوف تتساقط اوراقها ... وتمتلئ فراغاتها ... المهم واللازم ... ان نتعلم فن الرسم في النهاية ... وان تخرج اللوحات في ابهي صورها ... المهم ... ان نتعلم كيف نرسم ... الحدود .. والخطوط .. والدوائر .. جيدا .

تحياتي

Serenity :) :) يقول...

جميلة يا سارورة :))
بس ليا سؤال فضولي شوية ^^
هو الكلام ده في المطلق ولا تقصدي بيه حد؟؟
مش عارفة يمكن صياغة الكلام حسستني إنك قصدك توصليه لحد معين كأنك بتكلميه ف وشه ^^

Serenity :) :) يقول...

جميلة يا اللي واحشاني ^^
ليا تعقيب:
صياغة الكلام حسستني إنك بتوجهي الكلام لشخص بعينه كأنك بتكلميه ف وشه..يا ترى أنا ظني في محله؟ ;)
سهــا الوكــيل :)

ملاك ميخائيل يقول...

هاى سارة انا معجب اوى باللى انتى بتكتبية انتى حد دماغة حلوة. وتعقيبا على كتابتك فانا اللى فهمتة انها موجهة من بنت لولد .هو كلامك فعلا صح بس عشان نبقى موضوعين لازم ناخد الامور من الجانبين يعنى مثلا فية راجل بيحب يوجة الست هو ممكن يكون مش راضى عن دا بس للاسف فى تقاليد فى مجتماعتنا بتخلينى نعمل حاجات احنا مش عايزنها هو ممكن يكون عايزها تبقى بحريتها بس هيعرض نفسة للغمز واللمز وهيعرضها هى كمان معاة الراجل فى مجتماعتنا بيعيش فى شيزوفرينيا واقع بين مطرقة دماغة والطريقة اللى عايز يعيش بيها وواقع ايضا بين سندان المجتمع فاذا كنتى مضايقة من الراجل بسبب تصرفاتة لازم برضوا تعزرية شوية

Hegazy Saad يقول...


حلوة جدا :)

Timo.. يقول...

زي ما اتعودت..
كل ما باجي باقرا حاجة حلوة..
حتى (لو) كانت شخبطات في كراستك..

كل عيد وانت أطيب سارة :)

المتابعون

اعتبرها بيتك ♥

وِش القفص

خليك ورايا

دليفري..