لعلمك

لعلمك

إقرأ لي

دخلوا بكليك شمال :D

Blog Archive

الأحد، يناير 20، 2013

postheadericon سَـــــــــــــــوَّاد

* التنويه المعتاد لكل من هو على شفا اكتئاب.. ما تقرأش البوست، لو قرأته ذنبك على جنبك
تحذير للي فرحان، واللي متفائل واللي عنده امل في بكرة.. ما تقرأش.. ولو قرأت ما تصدقنيش 

______________________

بمناسبة السواد، الأبديت الجديد (اللي بقى قديم ومخلل دلوقتي) لموقع بلوجر، سبب أساسي في عزوفي عن الكتابة هنا 
:(
مش حاسة بحميمية ناحيته.. حاسة انه بقى شبه كل حاجة في حياتنا دلوقتي 
مُفرِط في الأناقة.. مُفرِط في البرودة

أنا مفتقدة الدفا :(

_________________

أنا ضايعة مِنيّ البوصلة 
تايهة في كل حاجة من كل ناحية.. وخاصة من ناحية البني آدمين
أنا مقفولة من كل البشر تقريبًا
فجأة كده كل شوية أحس ان كل البني آدمين اوفر.. وانا نفسي أوفر أصلاً

__________


أنا بقيت أخاف اطول الحاجات اللي بحلم بيها، لحسن اكتشف إنها مالهاش معنى

وإن المعنى الوحيد لكل دا.. إني ما بقدرش أدوق طعم الدنيا

_______


زمان كنت لما الاقي الناس شايفة فيا حاجة حلوة، أنا مش شايفاها.. كنت بستمد من دا ثقة في نفسي

دلوقتي لما الاقي الناس شايفة فيا حاجة حلوة، أنا مش شايفاها، بيصعبوا عليا !
____

المشكلة.. إني فعلاً مش عارفة فين المشكلة

أو بمعنى أدق.. مش عارفة.. أنا اللي تاعبني أنهي مشكلة؟؟؟؟؟؟


3 بوينتس أوف فيو:

حسام شعبان يقول...

http://nazramokhtalefa.blogspot.com/

منجي بـــــــــــــاكير يقول...

جميل أن يكو ن الإنسان صادقا مع نفسه في رؤية الأشياء و علاقته بالمحيط ، لكن الأجمل أن يركّز على تشخيص أعماق نفسه و مدى ملاءمتها للواقع ...

شكرا لما استمتعت به هنا ، رغم تنذيرك ههه

T@rek يقول...

بصي يا ستي ,
أنا مش هقولك كوني سعيدة أنك ضايعة
و كمان مش هقولك تكوني حزينة...
هقولك , ضيعي أكتر , هتلاقي نفسك أكتر
أزاي؟مش عارف و الله
عشان أنا ضايع زيّك
تمام؟ تمام
يبقى سلام

المتابعون

اعتبرها بيتك ♥

وِش القفص

خليك ورايا

دليفري..