لعلمك

لعلمك

إقرأ لي

دخلوا بكليك شمال :D

Blog Archive

السبت، أكتوبر 12، 2013

postheadericon على هامش الحضن

أكتر حاجة مرعوبة منها، إني من كتر كرهي لحضنه "الخشب" أبقى زيه! 
حاسة إني ناشفة، وفاضية، ومِش قادرة أدي حد حاجة، ولا حتى عندي استعداد آخد! 
لما برجع من السفر، بخاف أحضن أمي وأخويا أوي، لحسن أعيط، لما اقابل واحدة من اصحابي بهرب وأنهي الحضن بسرعة لحسن بردو أعيط.
وفي نفس الوقت، نِفسي أحضن أمي بضمير، لدرجة إني حلمت إني بحضنها نص ساعة مثلاً.. وحسيت بالحضن كأنه حقيقي حتى بعد ما صحيت 
نِفسي أعيط في حضنها من غير ما تتخض، ولا تسألني مالي، لأني مش عارفة
عايزة أعيط لـ المالا نهاية، من غير ما عيني تورم ولا أحس بصداع 
نِفسي ارجع استمتع بالحياة، وأفرح بالحاجات العبيطة الصغيرة، أنا ما بقتش حتى أعرف افرح بالحاجات الكبيرة! 
نفسي حتى اعرف انا وصلت لكده ازاي :( يمكن أعرف ارجع تاني 

2 بوينتس أوف فيو:

romansy يقول...

مش عارف الصراحه هو احنا اتغيرنا قوى كده ولا الدنيا خدتنا من نفسنا
بي فى الاول وف الاخر لازم نقدر نفرح نفسنا على قد ما نقدر

Deyaa Ezzat يقول...

سنة الحياة!
بنفقد حاجات ونكتسب حاجات
المشكلة في (إحنا عايزين إيه؟)
علشان نقدر نحتفظ باللي عايزينه بجد، ونقدر نسيب اللي (متهيألنا) إننا عايزينه.

المتابعون

اعتبرها بيتك ♥

وِش القفص

خليك ورايا

دليفري..