لعلمك

لعلمك

إقرأ لي

دخلوا بكليك شمال :D

Blog Archive

الأحد، مايو 04، 2014

postheadericon حاجات عمرك ما هتفهمها.. لأنك مش بنت


مش هتفهم يعني إيه تكون مقهور بالمعنى الحرفي للكلمة، وزعلان من ألف مليون حاجة في الدنيا لكن بمجرد ما تكلم حد بتحبه تروق وتبقى كويس.. أو على الأقل.. تعيط.. 
مش هتفهم يعني إيه تكون محتاج بس تعيط مع حد بتحبه من غير ما يقولك اسكت أو إيه مضايقك... مش هتفهم يعني إيه كلمة "عيطي" و"معلش" بيفرقوا في النفسية مليون درجة.. مش هتفهم يعني إيه يكون وراك هم متلتل وتسيبه وتروح تسرح شعرك.. أو تجرب لبس جديد، أو تحط ماكياج أو مانيكير إلا لو كنت بنت.. 
مش هتفهم قد إيه الفرق في تركيب الجملة بيبقى له ألف معنى عند البنت اللي ما حيلتهاش إلا التخمين.. مش هتفهم يعني إيه كلمة عابرة بتقولها من غير تفكير ممكن تدمرها شهور ويمكن سنين.. وكلمة تانية ممكن تخليها زي الوردة..
مش هتفهم قد إيه التفاصيل الصغيرة.. بتفرق.. وبتوجع.. مش هتفهم قد إيه الحاجات اللي هي تكون بتحلم بيها وما تتعملش بتخلي مليون حاجة ما كانتش عايزاها واتعملت مالهاش أي معنى.. 
مش هتفهم قد إيه الصمت بيوجع، وبيهين، وبيحير.. عمرك ما هتفهم :(

3 بوينتس أوف فيو:

الكاتبة والإعلامية فاطمة العبيدي يقول...

للأسف ياسارة هو فعلا مش هيفهم
ولا عايز يفهم .. هو بس عايز يعيش مع واحدة تكون بتفهم .. علشان تريحه ويتعبها هو ..

تحياتي سارة دوستي على الوجيعة :(

Deyaa Ezzat يقول...

ممممممم
فين الشوكولاتة والورد والدباديب؟
D:
P:

Bent Men ElZman Da !! يقول...

وعشان كدة البنت هتفضل حالة مميزة صعب اللي يفهمها!

حبيت التدوينة دي :)

المتابعون

اعتبرها بيتك ♥

وِش القفص

خليك ورايا

دليفري..