2008-02-15

لو ما لسعتش ماحدش هيحس بيك

لو ما لسعتش ماحدش هيحس بيك
مش مصدقنى ؟؟!! طب تعالى كده نتكلم بالعقل ..
المثل بيقول ايه :
" اللى اتلسع من الشوربة ينفخ فى الزبادى "
بالزمة لو ماكنتش الشوربة بتلسع كان حد افتكرها فى مثل ولا فى اى حاجة ؟؟!!
طبعا انا مش بقولك السع زى الشوربة
لأ تعريف لاسع فى قاموسنا (( الشباب يعنى ))
يعنى حد مختلف ، دايما بيعمل افكار جديدة
للاسف 3/4 اللاسعين لاسعين بطريقة مش حلوة
يعنى ماشى بمدأ خالف تعرف ...
طبعا دا مش دايما بيكون صح
اللى انا اقصده باللسعان بقى
انك تكون انسان مختلف
بمعنى مميز يعنى ترفع شعار لا للتقليد
لا لتقليد الغرب فى حاجات مش متفقة مع مجتمعك
لا لتقليد اى حد من غير اقتناع حقيقى باللى انت بتعمله
كمان اعملك اسلوب خاص فى حياتك
لأن ظروفك مش هى ظروف غيرك
واعملك اسلوب خاص فى الكلام
ماتتكلمش غير فى اللى تعرفه
وطبعا اللى انت تعرفه مش زى اللى غيرك يعرفه
فبالتالى هتكون انسان مختلف
وتكون لاسع فى الحق
يعنى دايما تقول الحقيقة وتدور عليها
هتلسع وتوجع بس صدقنى هتكون مختلف
وهتلاقى الناس بتحترمك وتبصلك بصة مختلفة عن اى حد
جرب وادعيلى

هناك 12 تعليقًا:

  1. فعلا يارؤا لو الواحد عاش بنمطيه يبقى مفيش جديد فى الحياه ولأننى صاحبة شعار من لا جديد له لا حياة له اذا فمرحبا ومرحبا باللسعان

    ردحذف
  2. والله انتي بتقولي كلام زي الفل وبجد مع اني
    عادة مش بحب اللسعان بس اللي هو الـ 3/4 الموجود دلوقتي بس بجد انتي غيرتي مفهومي
    احب اسجل اعجابي باللسعان بتاعك وربنا يوفقك

    ردحذف
  3. Dr/Ahmed Hassan LORD17 يونيو 2008 7:44 م

    السلام عليكم انا واحد متعرفى هوش بس انا لقيت مدونتك عند زميلى د/ابوادم ويحي وبفضولى اطلعت على مدونتك
    اللى شدنى اسمها
    اسمحى اقول رأيى:انا موافقك ان كل انسان لازم يكون له رايه المستقل وميقلدش الا الللى مقتنع بيه بس على فكرةانامن انصار خالف تعرف بس فى الصح يعنى تكون مختلف مش زى اى حد بس صح بس كل الناس هتعربه لاسع وده مش مهم مدام هو واثق من نفسه فى النهايه انا معجب بافكار كجد ولاسعتك ويا ريت نبقى اصحاب وده اميلى :Lord_bluebird@yahoo.com
    هكون مبسوط لو كلمتنى على فكره انا اسمى أحمد حسن بيييييييس

    ردحذف
  4. Dr/Ahmed Hassan LORD17 يونيو 2008 7:46 م

    السلام عليكم انا واحد متعرفى هوش بس انا لقيت مدونتك عند زميلى د/ابوادم ويحي وبفضولى اطلعت على مدونتك
    اللى شدنى اسمها
    اسمحى اقول رأيى:انا موافقك ان كل انسان لازم يكون له رايه المستقل وميقلدش الا الللى مقتنع بيه بس على فكرةانامن انصار خالف تعرف بس فى الصح يعنى تكون مختلف مش زى اى حد بس صح بس كل الناس هتعربه لاسع وده مش مهم مدام هو واثق من نفسه فى النهايه انا معجب بافكار ك جدا ولاسعتك ويا ريت نبقى اصحاب وده اميلى :Lord_bluebird@yahoo.com
    هكون مبسوط لو كلمتنى على فكره انا اسمى أحمد حسن شاهين . بيييييييس

    ردحذف
  5. بصي ان احب كل حاجة علي اصولها او بمعني افضل وضع التعريف والمفهوم السليم لأي أمر وبالأخص الأمور المطرقعه الي زي اللسعان

    ان عاجبني موضوع النظرة الجديده للشربة
    وبصراحة انا احب التميز بحرفنة زاي ما انت قلتي

    ردحذف
  6. ولاحياة لمن تنادي
    كل واحد فاكر انه بيعمل حاجة البشر كلها مش بتعملها ومش بتعجب الناس يبقي هو اسبيشيال وكدا وواد مفيش منه ولا حد حيقدر يعمل ربع اللي بيعمله وينبسط موت اما حد يقوله انت يابني مجنون والله مجنون ديه في نظري انت اهبل هو في جنون كدا الجنون اللي بجد لازم يبقي فيه عقل زي ماانتي بتقولي كدا
    واللي بيعمل كدا والله بيعمل عشان يجذب الناس ليه والسلام مع ان ده غلط
    متيالي لو عمل حاجة جديدة ومفيدة وبفكره وشخصيته يقدر يجذبهم اكتر ليه وحينجذبوا ليه بحبهم ليه كمان
    بباي لسعه هانم بقي

    ردحذف
  7. مرحبا ^^

    مممممم وجهة نظر ممتازة
    والحلو اكتر فيها إستطعتي الإبتعاد عن الغرب وهذا الشيء لابد ان يفهمه الكثير من الناس ...

    في شيء غريب بالعالم العربي , العالم العربي بيشعر انه جاهل أمام العالم الغربي لانه العالم الغربي يمتلك التكنلوجيا العملاقة ولكن هذه وجهة نظر خاطئة جدا جدا جدا .. لانه العالم العربي هو من سخر الحرفة اليدوية وفن تجميلها وإتقانها بما لا تستطيع التكنلوجيا إتقانه يعني مثلا إحنا عنا شعراء وعنا رسامين وفنانيين وعنا اسلوب شرقي وغذاء عربي وعنا فن إسلامي وتكنلوجيا إسلامية لحتى الان الغرب لم يصل إليها إطلاقا حتى لو لاحظتي الان الغرب صار ياخد من العالم العربي اللمسات الفنية في كل شيء ..

    المهم بالنسبة لقضية ( اللسع )
    انا موافق لرأيك 100 % ولكن في حدود الشيء يعني مثلا الأفعال الحسنة والمفيدة يعني في الكرامة والرجولة والشهامة وحسن الخلق مثل تميز العلماء في اختراعاتهم والدكتور في علاجه والمهندس في تصميمه كل إنسان لازم يكون مبدع في شيء هو أحبه منشان يكون لاسع في الحياة ^^

    وبالنهاية بحب احكي
    تحياتي لروحك الغالية
    ودمتي بخير ..

    علاء ..

    ردحذف
  8. حلوووووووو اوىىىىىى كلامك وموافقه عليه جدااااااا وياريت فعلاااا نكون كلنا شخصيات لسعه مستقله فاناوالحمد لله شخصيه عندها 1\4 لاسع لانى ماحبش النمطيه والملل فى حياتناواحب اعيش صح بس مع شويه لاسعاااااااان

    ردحذف
  9. seriously, life is so boring

    ردحذف
  10. واتس يور بوينت...؟؟دانتى مبهدلة الانجليزى خالص ,أنا مدرسة انجليزى من طنطا ..وبلا فخر..عندى حتة لاسعة خفيفة كدة(فى غير أوقات العمل الرسمية)..عارفة؟اللاسعة قد تعنى القدرة على الإبتكار ..مش أى حد يقدر يلسع..دية موهبة يا بنتى...بست أوف لاك::)

    ردحذف
  11. طيب ، هوه ده اول كومنت ليا
    وانا هقولك موافق ، رغم انك افترضتى ده من قبل مااكتب الكومنت لانك عاملة اعدادات التعليق ، واتس يور بوينت اوف فيو يا لاسع ؟؟ ، فمش مشكلة ، بس المشكلة فعلا ان فى ناس مش بتعرف تبقى لاسعة !!

    ردحذف
  12. اي حاجه .. مش فارقه كتير5 أكتوبر 2011 3:59 م

    ماي بوينت اوف فيو بتقول الاتي :
    1- انتي مش بس بنوته لاسعه .. لأ ده انتي بنت سكورة كمان ( وده غزل صريح اهو )
    2- اللسعان ده اجمل حاجه في الدنيا .. والاجمل منه كمان : انك تلاقي شريك لاسع يلسع معاك ويلسع فيك .. وللتوضيح يعني مزة لاسعه لو انت ولد , ومز لاسع لو انتي بنت ( بذمتك هيبقي في احلي من كده ؟! )
    3- اوعي في يوم تبطلي كتابه .. عشاننا وعشانك انتي كمان .
    4- باي :)

    ردحذف

Say something...