2008-04-07

المقروضة دى هتكمل 19 سنة بكرة .. انا مش مصدقة


المقروضة اللى انتوا شايفنها فى الصورة دى تبقى وبكل فخر
(( أنــــــــــــــــــــــــــا ))
وانا عندى لسة سنة ، انا لحد دلوقتى مش متخيلة
ان نفس البنت الصغنونة اللى ضحكتها كانت ملعلعة دى تبقى انا
ولا مصدقة بردو انى كبرت وعجزت وهتم بكرة 19 سنة
ياااااااااااااااااااااااه مش متخيلة انى عشت 19 سنة بحالهم ...
يمكن 16 سنة منهم عدوا وانا لسة عبيطة وطفلة وماعرفش حاجة فى الدنيا
لكن بجد بجد اكتر سنتين بدأت فيهم افهم الدنيا السنتين اللى فاتوا
19 سنة بحلوهم ومرهم .. عملوا سارة
ياترى المقروضة اللى فى الصورة اللى فوق دى كانت متخيلة انها هتبقى انا ؟؟
متخيلة الفرح والجرح اللى هتشوفه فى الدنيا دى ؟؟
مش عارفة
يلا كل سنة وانا طيبة
كل سنة وانا لاسعة
كل سنة وانا غزال الرافدين
ويا جماعة كلكم معزومين على عيد ميلادى بكرة
هعمله فى الكلية جايبة بلالين ومصاصة بالهبولى
اللى مش هيجي هو الخسران
ههههههههههههه

هناك 26 تعليقًا:

  1. Happy Birthday 2 YOU


    * * *
    | | |
    _|_|_|__
    _|_________|_
    _|_____________|_
    |_________________|


    فين ازازة البيبس ؟ اناهاجى تانى اخدها D:

    ردحذف
  2. كل سنة وإنتي طيبة يا جميل :)

    ردحذف
  3. كـــــــــــــ سنه ـــــــل
    وإنتى طيبه يامقروضه
    مينفعش تأجلى الحفله دى يومين تلاته
    علشان أعرف أجى
    ولا أقولك إبعتى ليا المصاصه مع دودو
    وأنا هبعتلك كلمتين حلوين معاها
    سلاااااااااااام

    ردحذف
  4. كل سنة وانتي طيبة يا سارورة
    كل سنة وانتي لاسعة

    انا جيت اهو
    فين نصيبي من التورتة

    انا عايز بس اعرف
    ليه غزال الرافدين دي
    انتي عراقية ولا ايه

    ردحذف
  5. كل سنه وإنتي طيبه يا جميل

    ردحذف
  6. كل سنة وانتى طيبة حبيبتى وعقبال ما تحققى كل اللى بتتمنيه
    وتتهنى بشبابك
    واشوفك صحفية قد الدنيااا

    هاتى المصاصة بقى انا تعبت وانا بكتبلك الكلمتين دول ههههههههههههه

    ردحذف
  7. ميرسىىىىىىىى اوى يا وائل على التورتة الجميلة دى بجد ميرسى .. اما بالنسبة للبيبس فاحم احم .. انا مقاطعة البيبسى ، واى حاجة ساقعة بتبوظ الصحة وانا مايخلصنيش اضركم

    علشان كده كفاية عليك المصاصة انت هتطمع ههههههههههه

    ردحذف
  8. وانت طيب يا احمد ميرسى ليك وعقبالك يارب ما تتم 9999 سنة ان شاء الله ، واكون انا كمان عايشة علشان اهنيك ههههههههه

    ردحذف
  9. منمن حبيبة قلبى انا بعتلك المصاصة والله وصلت ولا دودو طمعت فيها ؟؟ هههههههههههه وانتى طيبة يا حبيبة قلبى بس بجد كان نفسى اشوفك النهاردة علشان يبقى عيدين

    ردحذف
  10. وانت طيب يا ( فى حب مصر ) ميرسى اوى ليك انا هعمل نفسى ما شفتش حوارات التورتة والكلام دا هههههههههههههه

    بالنسبة لأنا عراقية دا ، فأنا عراقية المولد مصرية المنشأ عربية الانتماء والقلب .. اتولد فى العراق ولظروف معينة بيجرى فى دمى دم عراقيين على مصريين مع كمان انى بحب كاظم علشان كده عجبنى اسم غزال الرافدين ولاكتر من سنتين وانا اسمى كده على المنتديات فالاسم ليه ذكريات غالية عليا وبث خلاص

    شفت انا مش رغاية خالص هههههههههه

    ردحذف
  11. وانتى طيبة يا احلى مريومة ، على فكرة اسمك غالى عليا يا قمر ، نورتى مدونتى

    ردحذف
  12. ياااااااااااااااااارب اللهم اميييييييين يا احلى سمراء فى الدنيا ، تعالى بس انتى يا قمر ومصاصتك فى الحفظ والصون خايفة ابعتها فى البوسطة يطمعوا فيها هههههههههههههههههههههههههه

    ردحذف
  13. كل سنة وانتى اجمل
    كل سنة وانتى احلى
    كل سنة وانتى طيبة
    وياااااااااااارب السنة الجاية تيجى ومدونتك لسه منورة وندخل برضه عليكى ونقولك كل سنة وانتى طيبة

    ردحذف
  14. كل سنة وانت طيبة يا حضرة الصحفية
    وعقبال مليون سنة
    وعقبال باقي التهاني لباقي المناسبات
    مثلا رئيسة تحرير الاهرام
    لأ بلاش الاهرام انت بتكرهيها
    رئيسة تحرير المصري اليوم
    بس مجدي ممكن يزعل
    رئيسة تحرير اي حاجة
    وباقي المناسبات السعيدة
    :):):)

    ردحذف
  15. كل سنه وانتي طيبه ياقمرايه وعقبال 1578215621 سنه كلهم شقاوة وعفرته وجنان ...... ركزي عالجنان دا عشان هو احلى حاجه فيكي ههههههههههههه

    ردحذف
  16. كل سنه وانتى طيوبه يا سارة وعقبال 988562321454857 سنه:D:D
    ومش تزعلى اوى كدا انك بقيتى 19 لسه العمر ادامك بطوله واحمدى ربنا انك عرفتى انك بقيتى تكبرى وتفهمى فى لسه غيرك كتيييير فاكر نفسه صغنن
    يلا ان شاء الله تكون سنه سعيده عليكى وتحققى كل اللى انتى عيزاه
    وتبقى هاتى شويه جاتوو وكانزوحوطيهم فى جمب كدا لزوار المدونه واللى مش هيعرفوا يجيوا الكليه:)

    ردحذف
  17. استراحة محمد ربنا يكرمك ياااااارب ميرسى بجد ليك وياااااااااارب يسمع منك وماتزهقوش منى على السنة الجاية كده وتقولوا خلاص بقى زهقنا من البت الرغاية دى هههههههههه

    ردحذف
  18. استاذ احمد بجد بجد مش عارفة اشكرك ازاى

    وانت طيب ياااااااااااارب ويارب يسمع منك ، ماتخافش انا بكره الاهرام وهسيب المصرى اليوم لمجدى ، الواحد بيفكر يعمل لنفسه جريدة ويبقى رئيس تحريرها ويخلص ههههههههههههه

    ردحذف
  19. حبيبة ، حبيبة قلبى نووووووووووووووورتى مدونتى يا قمراية ، ميرسى بجد ليكي ياقمر عارفة انا انى كلى على بعضى حلوة واجنن بس انتى خايفة تقولى علشان الحسد هههههههههههههههههههههههه ميرسى ياقمر

    ردحذف
  20. كل سنه وانتى لسعاااااااااا
    كل سنه وانتى فرحانه وسعيده
    كل سنه وقلمك بيكتب ويلعلع
    كل سنه وانتى طيبه ياساروره
    اكيد حقى محفوظ فى المصاصه

    ردحذف
  21. lonlysmily يقول...
    كل سنه وانتى طيوبه يا سارة وعقبال 988562321454857 سنه:D:D
    ومش تزعلى اوى كدا انك بقيتى 19 لسه العمر ادامك بطوله
    ___________________

    لأ بردو يا قمر الواحد حس انه عجز مابقاش كتكوت بقى كده ، دا العيال فى الكلية بيقولولى انتى ادينا مصروف بعد كده ههههههههههههههههه

    =====================

    واحمدى ربنا انك عرفتى انك بقيتى تكبرى وتفهمى فى لسه غيرك كتيييير فاكر نفسه صغنن
    ________________
    على رايك والله
    ==========================
    يلا ان شاء الله تكون سنه سعيده عليكى وتحققى كل اللى انتى عيزاه
    وتبقى هاتى شويه جاتوو وكانزوحوطيهم فى جمب كدا لزوار المدونه واللى مش هيعرفوا يجيوا الكليه:)

    _________________________________

    احم احم ما انتى كنتى ماشية حلو ياقمرههههههههههههههههههههه

    منورة مدونتى يا جميل وان شاء الله البيبسى والتورت هيبقوا فى مدونة شاى بلبن

    ردحذف
  22. وانت طيب يا عمو احمد مييييييييييييييرسى بجد ليك على الكلام الحلو دا كله ، يارب اكون عند حسن ظنك وابقى ربعه حتى .. بالنسبة للمصاصة ماتخافش شايلة حبة لزوم الاستعمال الشخصى بس مش مشكلة ماتغلاش عليك واحدة .. واحدة ها لحسن انا بتذل عقبال ما بشتريها ههههههههههه

    ردحذف
  23. ايه ده ايه ده

    كده تعملي عيد ميلادك من ةغير متقوليلي

    ماشي يا ساروره

    ياللي عندك 19 سنه بحالهم

    (فين ايام الواحد اما كان عنده 19 سنه ! )

    كل سنه وانتي طيبه

    وتحققي كل احلامك يارب

    كل سنه وانتي أكثر لسعانا

    كل سنه وانتي حواليكي كل اللي بتحبوهم وبيحبوكي

    ردحذف
  24. ليكوووووو والله ماعملته من وراك دا انا عملت فضيحة والناس كلها عرفت انى عجزت وبقيت 19 ):

    عموماً ماتزعلش والله ماكنش فى لا بيبسى ولا تورت ههههههههههههههههههههههههه

    ردحذف
  25. كل 19 سنة و انتى طيبة

    ردحذف
  26. ااه يا كفراوى يا اروووووب ، وفرت على نفسك 19 كل سنة وانا طيبة ههههههههههه وانت طيب يا كفرواى وبجد بتمنى من ربنا انى اعيش كمان 19 سنة

    ردحذف

Say something...