2008-04-19

من اسوأ ما ابتلى به الشرفاء ..

من عادتىألا أُسَلِمْ بكل ما يقوله المشاهير من الكتاب والادباء والفلاسفة بلا تفكير
 و اعتدت دوماً أن أرفض أن أصدق كل ما يقولونه لمجرد أنهم عظماء ..
  لذلك بطبيعة الحال توقفت كثيراً امام عبارة "فولتير"
   "من اسوأ ما ابتلى به الشرفاء انهم فى العادة جبناء "
    ، فوجدتها - للأسف - حقيقية الى حد بعيد ..
   للأسف دائماً ما أجدُ الشرفاء ضعفاء ومتخاذلين وسلبيين
  بالرغم من أنهم يقفون على ارض صلبة ،
   يقفون في جانب الحق الذي تعلمنا دوماً أنه لابد أن ينتصر في النهاية مهما طال الأمد ..
للأسف الكثير من الشرفاء في أوطاننا يفضلون السير بجوار الحائط ،
بل وداخله لو لزم الأمر ، فيصبحون شركاء في كل جريمة تحدث فى المجتمع بصمتهم وتخاذلهم ..
وعندما تأملت أكثر في عبارة فولتير اكشفت مصيبة أكبر ،
وهي  أن كثير من الشرفاء .. شرفاء لأنهم جبناء ..
 يمتنعون عن مخالفة القانون والعرٌف والتقاليد لمجرد أنهم خائفون من العقاب
 وليس إقتناعاً منهم بالصواب .. وبالتالى هم لا يرون أن غير الشرفاء مخطئين ،
  بالعكس هم فى نظرهم أٌناس شجعان وأقوياء ،
  يتمتعون بقدر أكبر من الجرأة مما مكنهم من العصيان وارتكاب الرزائل والجرائم ..
الكارثة لا تتوقف عند هذا الحد ،
 بل عندما يصل أمثال هؤلاء من "الجبناء الشرفاء " إلى مواقع السلطة والتحكم ،
حين يسقط عنهم الخوف من العقاب ويعتقدوا أنه لا رادع لهم ،
حينها ينكشف النقاب عن وحش كاسر لا يتورع عن قتل أبيه لو أن هذا يفيده ..
ربما يزيل هذا التفسير الحيرة التى تنتابنا عندما نجد الانسان تغير 180 درجة
 حين يجلس على كرسى السلطة في أي مكان ،
  ونظن أن السر فى لعنة السلطة بينما السر أصلا ًيكمن فى نفوسهم

هناك 16 تعليقًا:

  1. ســــــــــــاره الحبيبه

    رأيك مظبوط قوى
    الناس أصلاً بتكون نفوسها باينه حلوه
    طول ماهى مفيش فى إيديها حاجه
    طول ماهى حاسه إنها ضعيفه
    وبمجرد ما تحس بالقوه بأى شكل
    تظهر شخصيه تانيه كانت مستخبيه

    سلاااااام

    ردحذف
  2. مظبوط الكلام بس لازم برضة مش نعمم القاعدة فيه ناس بتحب تعمل الصح فعلا عشان جبانة وضعيفة وبتخاف
    وفيه ناس بتعمل الصح عشان هيا اتربت على كدة وبيبقى خوف من ربنا مش من الناس وبتبقى مبسوطة وبتحس براحة لما تعمل الصح ومش بتحس بضعف بالعكس بتحس بقوة
    بس فيه ناس كتير ينطبق عليهم كلامك ياسارة وبوست جميل بهنيكى
    تحياتى

    ردحذف
  3. موضوع جميل وكلام جميل وفعلا عجبنى اسمحيلى انقله للنقاش

    http://www.hi-mama.com/forum/showthread.php?t=103

    شكرا جزيلا لك

    ردحذف
  4. اووووووه
    الموقف ده شفته كتير فى حياتى
    الناس اللى بتتمسكن لحد مابتتمكن
    الناس السهونة دى

    ردحذف
  5. لا انا مش متفق معاكي يا سارة

    انتي لازم تصدقي كلام العظماء

    يعني واحد عظيم زي انا كدة لازم تصدقي كلامه..ههههههههههه

    لا بجد فكرة جميلة وان كنت بختلف معاها شوية، لان المعروف ان كل العظماء في التاريخ كسروا حاجز الجبن وعملوا تاريخهم بشجاعة وعلشان كدة دايما بنذكرهم
    تقبلي مروري

    ردحذف
  6. لا أنا بعد كده أخليكي تكتبي كلمتين ف الجون بدالي بقى :)

    ردحذف
  7. بوست جامد فعلا..الفكره كانت فى دماغى امبارح...كل واحد بيفتكر نفسه بيناضل عشان الناس والشعب مع انه لو جلس على كرسى السلطه بيبقى فعلا وحش كاسر..وفى حاجه كمان بطغظنى اوى..لما القى واحد طلعلك على التلفزيون ويفضل يحكى على كميه النضال الى هو عمله زمان..كأن الحياه دلوقتى بقت بمبى ومش محتاجه اى نضال ولا حتى مجرد راى فعال منه..كل واحد بيعمل لمصلحته..تشكرى على البوست الجميل ده

    ردحذف
  8. انا فولتير ده طلع اى كلام بصراحة:ي

    بس الا مين فولتير ده؟:|

    تحياتى

    ردحذف
  9. صح يا منمن طول ما هى ضعيفة بتبقى طيبة وحنينة ومسكينة ، ربنا ما يحكم علينا ظالم ياااااااارب .. نورتينى يا احلى بنوتة وشرفتينى بجد

    ردحذف
  10. فيس مون يا سكرة ، لو تلاحظى فولتير قال (( فى العادة جبناء )) ما قالش (( دايما جبناء )) وانا بردو قلت (( اغلبهم )) عارفة فى ناس لا جبنا ولا بيعملوا حاجة ، يمكن لأنهم مش فى المكان المناسب .. وفعلا يا جميل فى ناس بتعمل الصح علشان هى اتربت على كده واتزرع جواهم .. نووووووووووورتينى يا جميل وشرفتينى

    ردحذف
  11. ندى بنت النيل ، ميرسى ليكي يا جميل نوووووورتينى ، وتحياتى ليكي على المنتدى الجميل دا

    ردحذف
  12. سهووووووووونة ، يسلم كيبوردك يا مدحت جبت المعنى بالظبط .. هى ناس سهونة فعلا ربنا يكفينا شرهم .. نورتنى يا مدحت بجد

    ردحذف
  13. في حب مصر يقول...
    لا انا مش متفق معاكي يا سارة

    انتي لازم تصدقي كلام العظماء

    يعني واحد عظيم زي انا كدة لازم تصدقي كلامه..ههههههههههه
    -----------------------
    ههههههههههههههههه
    لأ ياباشا وانا اقدر ما اصدقكش بردو ، دا حتى يبقى عيب هههههههههه
    ________________________________

    لا بجد فكرة جميلة وان كنت بختلف معاها شوية، لان المعروف ان كل العظماء في التاريخ كسروا حاجز الجبن وعملوا تاريخهم بشجاعة وعلشان كدة دايما بنذكرهم
    تقبلي مروري

    ---------------------
    مافيش شكل فى كده يا فى حب مصر ، دول العظمااااااء وبس ، لكن عامة البشر .. اغلبهم كانوا شرفا بسبب الخوف ، لكن بردو ما نقدرش نقول كلهم ، فى ناس بجد كان عندها تموت ولا تتخلاش عن قيمها ومبادئها .. نووووووووووووورتنى يا فى حب مصر وشرفتنى بجد
    _______________________

    ردحذف
  14. احمد منتصر باشا ، هو فى حد يقدر يجي مكانك ياريس ؟!!

    ردحذف
  15. eslam يقول...
    بوست جامد فعلا..الفكره كانت فى دماغى امبارح...كل واحد بيفتكر نفسه بيناضل عشان الناس والشعب مع انه لو جلس على كرسى السلطه بيبقى فعلا وحش كاسر..وفى حاجه كمان بطغظنى اوى..لما القى واحد طلعلك على التلفزيون ويفضل يحكى على كميه النضال الى هو عمله زمان..كأن الحياه دلوقتى بقت بمبى ومش محتاجه اى نضال ولا حتى مجرد راى فعال منه..كل واحد بيعمل لمصلحته..تشكرى على البوست الجميل ده

    _________________________

    والله معاك حق يا اسلام ، وكأنه كان بيعمل كده علشان مصلحة الناس وابتغاء لوجه الله ، وهو اصلا مدام قاعد يتفشخر بتاريخه المشرف يبقى اكييييييد كان بيعمل كل دا علشان الناس تتكلم عنه وبس

    نوووووووووووووورتنى يا اسلام وشرفتنى

    ردحذف

Say something...