كل ما ادخل النت وحد يشوفنى يقولى " روحى ذاكرى يمكن تفلحى " ، وكل ما حد يقابلنى فى البيت يقولى " روحى ذاكرى يابنتى انتى كده مش هتفلحى " وكل ما ارد على التليفون اللى بيكلمنى يقولى انتى بترد ليه روحى ذاكرى ومهما احلف للبشرية كلها انى مش بعرف اذاكر بالنهار ماحدش يصدقنى .. فشكيت فى نفسى وقلت يمكن انا بستهبل ومافيش حاجة اسمها مابعرفش اذاكر بالنهار وقلت يابت حسى على دمك وادخلى ذاكرى .. دخلت اذاكر على الساعة واحدة الضهر كده واليكم النتيجة :
جبت هاى سكور
( High score )
حلو اوووووى فى قتل الدبان ..
اكتشفت ان قتل الدبان حاجة ممتعة اوى مسكت المضرب وهاتك يا تنشين وضرب ، ولما اوضتى مابقاش فيها خرجت برة فى كل الشقة الدبانة اللى اشوفها تبات ليلتها فى العالم الآخر ..
* قريت بابين من المادة وحسيت انى مافهمتش ولا عمرى هفهم حاجة فيها
* علشان اشجع نفسى على المذاكرة قريت مجلد كامل من مجلة ماجد (:
* قمت علشان اكل حوالى 5 مرات
* جربت كل انواع واشكال الميك اب اللى عندى
* سمعت الراديو حوالى 5 ساعات لما جالى حالة تخلف مؤقت
* بدلت بين النضارتين حوالى 10 مرات
* غيرت تسريحة شعرى بكل الطرق الممكنة واللى مش ممكنة
* عملت لوجو (HAVE ANICE DAY ) لذيذ اوى بالجليتر على الحيطة
* قمت حوالى 20 مرة علشان اقول لماما حاجة افتكرتها ، او اشوف بابا عايزنى فى ايه او احكى حاجة لاختى او اشوف اختى عايزة تورينى ايه
* ع الساعة 7 المغرب كنت زهقت من المذاكرة ومش طايقة اقعد فى الاوضة
* ع الساعة 8 الا ربع كتبت البوست دا
.×. كل دا علشان ماحدش صدقنى لما قلت انا مش بعرف اذاكر بالنهار .. وكل دا علشان اريح كل حد شايف انى مش هفلح طول ما انا مش بذاكر الا بالليل
تعالوا بقى نشوف مذاكرة بالليل
* بذاكر من 1 صباحاً لحد 4.30 الفجر
* مش بقوم من المذاكرة غير مرتين مرة اعمل شاى بشع
ومرة اعمل نسكافية
* بخلص كل الجزء اللى قررت اذاكره ، والله مرة خلصت 3 ابواب بحالهم
* مش باكل خالص لأن ماما بتكون نامت فبكسل اعمل اكل
* المذيعين اللى خارجين من الترب بيكونوا ناموا فبسمع برامج محتملة نوعا ما
* كل البيت بيكون نام فلما بعوز ارغى مش بلاقى غير الدبدوب المشنوق لكن لأنه مش بيرد عليا فبزهق وبنكتم
* بيصعب عليا نفسى انى اكون سهرانة ومعذبة نفسى ومش بعمل حاجة مفيدة فبذاكر
* بذاكر بكل حماس علشان اقعد ع الكمبيوتر ساعة الفجر وانا ضميرى مستريح ( آل يعنى بحس اوى هههههههههههههههههههههههههه )
.×. من الاخر ابوووس ايدك لو شوفتنى على الميل او لمحتنى على الفيس بوك ولا لقيتنى بشارك فى منتدى او وانت بتعلق على المدونة ما تقوليش ذاكرى بالنهار .. مش علشان حاجة الا علشان ما اوجعش قلبك ببوست مالوش لازمة زى دا
طبيعي ان الناس كلها اثناء الامتحانات
ردحذفتكرهك في كلمة قومي ذاكري مع انهم عارفين انه مش هيجيب فايدة لكن بيعملوا كده عشان بيحسوش بالذنب و يبقوا برضوا عملوا اللي عليهم عشان كدةانا هنضم ليهم و هقولك : قومي ذاكري حالا
مع تحياتي
معاكي حق انا كمان علي طول كنت بذاكر بليل
ردحذفوبعدين المهم انك تذاكري بليل بقي بالنهار الي يريحك
أشطاط
هههههههههه
ردحذفانا معاكي قلبا وقالبا .. مش بعرف اذاكر قبل نص الليل
انام اول الليل واصحا اذاكر بعد الفجر
و لا يهمك ذاكري بطريقتك بس المهم تجيبي هاي سكوور في الاخر
تحياتي
ربنا معاكي
ردحذفياحببتي
انا ضفت ميلك علي الياهو بس مش عارفة
مش بلاقيكي
انت عندك هوت ميل
ولالا
مستنية ردك وانا اميلي عندك
هو هو الهوت ميل زي الياهو بالظبط
يلا
سلام
السلام عليكم ورحمه الله وبركاته
ردحذفيوم جميل بجد وظريف جدا اسلوبك القصصى له
فات الكثير وتبقى القليل هانت تحملى
وان شاء الله تثبتى للكل انك جديرة بالثقه فى هذا الامر وفقكم الله
والسلام عليكم ورحمه الله وبركاته
عاشقة الحب ، يعنى علشان يريحوا ضميرهم يتعبوا قلبى هههههههه بجد والله انا تبعات اليوم المنيل دا لسة منعكسة عليا لحد دلوقتى
ردحذفنورتينى يا عاشقة الحب وهعمل نفسى ماشفتش اللى انتى قولتيه دا
ههههههههههههههه
شادى شكل العباقرة احم احم كلهم كده ولا ايه هههههههههههههه ومعاك حق ، انا بدن فى قربة مخرومة وبقول المهم انى اذاكر ماحدش مصدقنى ... منورنى يا شادى فى اول مرة تعلق عندى انا حصلتلى البركة ياباشا
ردحذفههههههههههههههههه عاشقة الحب شكلك غيرتى رأيك انا كنت متاكدة من قدراتى على الاقناع هههههههههههههه وربنا انتى زى العسل ومنورة مدونتى يارب ماتكونش اخر زيارة
ردحذفالجميلة منمن ، انا ناس كتييييير ضافتنى ومش عارفها بس تقريبا ايميلك هو اللى بعتلك عليه النهاردة يااااااااريت تأكديلى لو انتى ان شاء الله هنتكلم قريب اوى اوى ياقمر واخييييييييييرا هنول الشرف دا ، انا بجد نفسى من زمان اعرفك عن قرب
ردحذفد/ ابو يحي وادم الاجمل بجد انك نورتنى بتعليقك ، وياااااااااااارب هى مش هانت اوى بس هعمل نفسى عبيطة وهعتبرها هانت دعواتك يا دكتوور
ردحذفبصى بقى
ردحذفع الساعة 7 المغرب كنت زهقت من
المذاكرة ومش طايقة اقعد فى الاوضة
يعنى انتى ذاكرتى اصلا علشان تزهقى من
المذاكرة
ويا ستى ولا يهمك متذاكريش خالص
بس كدة ممكن متنجحيش
ذاكر كى تنجح
وقومى شوفيلك كلمة ذاكريها
بس لازم اليومين دول علشان الامتحانات
ولما تيجى
الاجازة اعملى اللى انتى عايزاه
ههههههههههههههههههههههههه
ردحذفيخرب عقلك يابنت
انا والله متخيلاكي بتتنططي شمال ويمين ومش قريتي كلمتين على بعض
متبقيش سارة لو ذاكرتي بالنهار
ربنا يوفقك ياقمر
مع انى كنت فاشل فى المذاكره طول حياتى بس اعرف ان المذكره قبل النوم بساعه افيد من ماكره النهار 100 مره ؟
ردحذفايام ثانوى كنت بذاكر الصبح كنت باكل 15 مره يوميا
واخل الحمام 49 مره
واكلم ماما 20 مره عشان السيوم يعدى وانام وهى دى كانت المتعه
اعتقد ان مذاكرة النهار احسن فالله سبحانه يقول :
ردحذف( وجعلنا الليل لباسا وجعلنا النهار معاشا )
كمان بالنهار بيكون الوقت اطول وفيه بركة اكتر
فقط انتي لم تتعودي علي مذاكرة النهار
بصى بقى
ردحذفع الساعة 7 المغرب كنت زهقت من
المذاكرة ومش طايقة اقعد فى الاوضة
يعنى انتى ذاكرتى اصلا علشان تزهقى من
المذاكرة
ويا ستى ولا يهمك متذاكريش خالص
بس كدة ممكن متنجحيش
ذاكر كى تنجح
وقومى شوفيلك كلمة ذاكريها
بس لازم اليومين دول علشان الامتحانات
ولما تيجى
الاجازة اعملى اللى انتى عايزاه
_______________-
اخخخخخخ انت اخدت بالك يا عرفة
ههههههههههههه
والله الفكرة مش فكرة انى بتهرب من المذاكرة الفكرة ان المذاكرة دى عايزة دماغ وانا دماغى بترجعلى بالليل
وانا فعلا كنت بحاول اذاكر .. تعبت من المحاولة بدل المفجأة بتاعة عبد الباسط ههههههههههه
حبيبة انا مش مصدقة عونيااااااااااااا منووووووورة يا بنوتة .. اما بالنسبة للموضوع فطول عمرى بقول فيكي شئ لله ههههههههههههههههههه
ردحذفالسلام عليكم ورحمه الله وبركاته
ردحذفآختى الكريمة
لما أراك لم تشاركي معنا في حملتك إلى الآن ؟
أختى الكريمة : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أختي الفاضلة أن مشاركتك في هذه الحملة سوف يكون احد أسباب نجاحها ونشر لغتك
ندعوا إلى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم
أولا .. أنا فطست على روحي من الضحك وأنا باقرا البوست
ردحذفأصلك فكرتيني أيام ماكنت طالبة زمان أيام الشباب كتشا
كنت لما آجي أذاكر بالنهار كنت آكل الف مرة و أخد الف شاور و افتكر ارغي ف التلفون مع اصحابي في امور بافتكرها مهمة .. و العب جيمز وماكنتش بالعب جيمز الا ايام الامتحانات واجيب سكورات عالية ..
وكده يعني
بس بليل كنت ممكن اخلص منهج كامل في اربع ساعات
يابنتشي ماتسمعيش كلام حد
احنا بتوع الليل واخره
ثانيا انتي دمك خفيف جدااااا
صوت من مصر ، والله معاك حق فعلا لما بذاكر قبل ما انام بنام احلم باللى ذاكرته .. وايام ثانوى يالهوى على ايام ثانوى كنت والله مقاطعة الكمبيوتر وبقعد المفروض بذاكر طول النهار وماكنش فى حرب دبان ولا يحزنون بس ولا حرف بيركز الا بالليل ...... نورتنى يا محمد
ردحذفغير معرف يقول...
ردحذفاعتقد ان مذاكرة النهار احسن فالله سبحانه يقول :
( وجعلنا الليل لباسا وجعلنا النهار معاشا )
كمان بالنهار بيكون الوقت اطول وفيه بركة اكتر
فقط انتي لم تتعودي علي مذاكرة النهار
___________________________
معاك / معاكى حق لكن البركة بتروح من كتر مافى دوشة وفى حركة
وفعلا انا ما اتعودتش على مذاكرة بالنهار
نورتني / نورتينى
السلام عليكم ورحمه الله وبركاته
ردحذفآختى الكريمة
لما أراك لم تشاركي معنا في حملتك إلى الآن ؟
أختى الكريمة : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أختي الفاضلة أن مشاركتك في هذه الحملة سوف يكون احد أسباب نجاحها ونشر لغتك
ندعوا إلى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم
_______________________
د/ ابو يحي اعذرنى انا كان عندى امتحان النهاردة وامبارح لما دخلت كنت بدخل تخاطيف واول .. باذن الله بكرة هنطلق بقى وازور كل المدونات والناس بإذن الله واكيد ان شاء الله هشترك معاكم .. اضعف الايمان لو باللوجو
أولا .. أنا فطست على روحي من الضحك وأنا باقرا البوست
ردحذفأصلك فكرتيني أيام ماكنت طالبة زمان أيام الشباب كتشا
كنت لما آجي أذاكر بالنهار كنت آكل الف مرة و أخد الف شاور و افتكر ارغي ف التلفون مع اصحابي في امور بافتكرها مهمة .. و العب جيمز وماكنتش بالعب جيمز الا ايام الامتحانات واجيب سكورات عالية ..
وكده يعني
بس بليل كنت ممكن اخلص منهج كامل في اربع ساعات
يابنتشي ماتسمعيش كلام حد
احنا بتوع الليل واخره
_________________________
ههههههههههههههههههههههههه
دا مش انا لوحدى
احمـــــــــــــــدك ياااااااارب
ههههههههههههههههههههههههه
حلوة اوى الليل وآخره والله
هههههههههههههه
وربنا انتى عسل
======================
ثانيا انتي دمك خفيف جدااااا
_______________
ربنا يخليكي يا حبيبة قلبى دا من بعض ماعندكم ياقمر
اتمنى زيارتك تبقى عادة يا سكر زيادة
هههههههههه ربنا يوفقك
ردحذفانتى دمك زي العسل برضوا
وكدا هتبقى صحيفه عسوله كل الناس هتحبها اكيد
اللي يعرفها هيكون اسعد الناس واللي ميعرفهاش هيتمنى لو يعرفها
وعامة على الاقل انتى بتكرهى قومى ذاكرى بالنهار لكن في ناس بتكرهها بالنهار وبليل ههههههههه
تحياتى
نور
هههههههههه ربنا يوفقك
ردحذفانتى دمك زي العسل برضوا
وكدا هتبقى صحيفه عسوله كل الناس هتحبها اكيد
اللي يعرفها هيكون اسعد الناس واللي ميعرفهاش هيتمنى لو يعرفها
وعامة على الاقل انتى بتكرهى قومى ذاكرى بالنهار لكن في ناس بتكرهها بالنهار وبليل ههههههههه
تحياتى
_________________
ربنا يخليكي يا حبيبة قلبى ياااااارب والله بجد الكلام دا كتير عليا جدا
اقولك ع سر : انا بكرهها بالنهار وبالليل بس هيبقى استهبال لو طلبت من الناس ما يقولوهاش خالص هههههههههههه
ههههههههههه
ردحذفضحكتيني والله
معلش استحملي كل الكلام اللي بيتقال وان شاء الله النتيجه لما تبنا هتثبتي لكل الناس انك بتفهمي اكتر منهم
وكل اللي حصلك ده حصلنا لما كنا قدك...انا مكانوش متوقعين اني هنجح اساسا
والحمد لله نجحت وطلعت الاول كمان
وانا كمان علي فكرة مش بعرف اذاكر غير بالليل
ردحذفده لما بذاكر يعني ههههههه
ربنا يوفقك يا سارة وتخلصي مذاكرة بقي وانا كمان يارب عشان تعبت منها
شكرا ليكي
احمس