2008-06-13

تاج اصلاااااااااانى اصييييييييل



ياااااااااااااااه يا ولاد وحشنى اوى انى احل تاج

لدرجة انى كنت هعمل لنفسى تاج واحله

يقوم ربنا يرزقنى بتاج من حيث لا أدرى

لأ ومش أى تاج دا من الباشا شادى اصلان

انا طول عمرى بقول ان الحاجة بتدعيلى


حااااااااااضر هقصر فى الكلام وهحل التاج اهو

.
.
.
.


1- هواياتي : - القراية طبعاً دى اساسى ،

والنت دا حياتى مش هواية بس

يبقى فاااااااااااضل ..

القطط ، بجد متعتى انى العب معاهم وكمان انى ادور ..

ادور على اى حاجة فى اى حتة بس المهم انى ادور واكتشف حاجة جديدة ..

وفى وقت من الاوقات كانت هوايتى انى اعمل حاجات بالصلصال و بالشمع ،

كنت بعمل حاجات جامدة والله بس حكم السن بقى ):

الواحد مابقاش فيه صحة ولا نفس ..

2 - أشهر عيوبي :

انى عصبية اوى ، متسرعة جداً ،

انى احيانا بكون حادة ، ماعنديش وسط

يا حلو يا وحش يا ابيض يا اسود


أحيانا بصدم الناس بالحقيقة فى وشها كده من غير تمهيد ،

دعاء صاحبتى مؤخراً لقيتها بتقولى انى احيانا بكون رغاية ،

و السندبادة بتقولى انى صعبة اوى مش بسامح فى حقى بسرعة

وبابا بيقول انى باردة وكل الدنيا

شايفة انى كسولة اوى فى البيت ):


3 - حاجات بكرهها جدا

-ان حد يحرج حد قدامى

- ان حد يكون بجح

(( معلش ما عرفتش اجيب لفظ مهذب ليها ))

بمعنى انه يكون بيكدب وعارف ان كل الناس عارفة

انه كداب ويفضل يكدب بكل بجاحة ولا كأنه بيعمل حاجة

- انى اكون مخدوعة

- الغباء

- الروتينية

4 - حاجات بحبها قوي ومش بمل من تكرارها

-غير النت طبعا والكمبيوتر -

انى اقرأ كتاب بحبه ، وانى أقرأ كلمات ليها ذكريات معايا ،

انى احل اختبارات نفسية ،

رغم ان غالبا حلولها بتكون بعيدة عن الواقع

او عن حقيقتى لكن بستمتع بالاسئلة اللى تحطنى فى موقف معين ..

وانى الون اى حاجة .. مش بحب ارسم بحب الون

5 - سؤال بيستفزني جدا

هو انتى يعنى اللى هتغيرى الكون ؟؟
وهو انتى ما بتتهديش ؟؟


6 - أمنيتي في الحياة

انى ماشوفش أى بنى آدم إمعة

نفسى كل حد يبقى ماشى باقتناعاته الخاصة ،

اللى نابعة من تفكير منطقى مش من منطلق مخالفة

الناس وبس لأ لازم يكون شايف ان دا صح

وهو بيعمله علشان صح ،

ويكون عارف هو صح ليه
علشان حتى لو هو فاهم غلط ، لكن الاساس عنده

انه عايز يمشى صح هنقدر نقنعه بالصح .. حد فاهم حاجة ؟!؟!

7 - حاجات مؤمن بيها جدا

- ان ربنا بيدي كل حد على قد نيته

- انك لو ابتسمت للدنيا هتبتسملك لو كشرت هتركبلك الوش الخشب

- ان مع الارادة والاصرار مافيش مستحيل .. يعنى مش مع برسيل بس هاااااااا

8 - أكتر حاجة فاشل فيها

- المطبخ ): بحس بغباااااااء منقطع النظير وفشل ذريع وانا واقفة فيه

- انى اتكلم مع حد وافتح حوار معاه ،

حد اعرفه او ما اعرفهوش لو مافيش موضوع للحوار ما بقدرش ابداً ابدأ حوار

9 - وظيفة بحبها
الصحــــــــــــــافة

يالهووووووى وانا بتدرب ما حدش يتخيل سعادتى

ايه لما كنا بنروح نعمل مثلا مقابلة اوى اى حاجة واسمع سارة درويش .. صحفية .... يا خراااااااااااااااااشى عندى بالدنيا

10 - أخيرا وصلت للنهاية مثلي الأعلي في الحياة :

كل حد فى حياتى بعتبره مثل اعلى حتى لو حد بكرهه

يعنى بابا مثلى الاعلى فى الدقة فى الشغل وحب الشغل لاقصى درجة
وانى ماحبش اعمل حاجة بإسمى تكون مش كويسة

وماما مثلى الاعلى فى طيبة القلب ، بحاول قدر الامكان اكون حنونة وطيبة زيها ، اى نعم بفشل بس بحاول

واخويا مثلى الاعلى فى الجدعنة مع اصحابه

ومع اخواته (( اللى هما احنا يعنى )) وفى انه بيحب يتعلم اوى

من ا ى حد حتى لو بيكرهه

واختى مثلى الاعلى فى اسلوب تعاملها مع الناس ..

اجتماعية جدا وبتعرف ازاى تكسب قلوب الناس

وفى الصحافة مثلى الاعلى كل حد صاحب كلمة حق وقلم حر

وفى التعليم ماليش مثل اعلى انا عايزة اخلص وخلاص ههههههههههههه

وفى ... الخ الخ الخ ..


أى حد والله بقابله بخليه مثلى الاعلى بالحلو

او بالوحش بحاول اتعلم من شخصيته ومن اسلوبه فى الحياة ومن عيوبه ومميزاته

(( يعنى رسالة لكل حد يعرفنى .. ابسط ياعم بقيت مثل اعلى هههههههههههههههه ))


أمرر التاج ل

الجميلة منمن My Hopes

الجميلة ولاء .. القادم أجمل

ابراهيم معايا .. أنا وأنا

د/ أبو يحي وآدم ..

عرفة السيوطى .. الأديب العاشق اللى خلص امتحانات وبنق عليه هههههههههه

الجينرالـــــ

وأى حد يعدى ونفسه فى التاج انا مش هحرمكم من حاجة

يلا كل واحد يا خد التاج يدعيلى دعوتين حلوين بمناسبة الامتحانات

يدعيييييييييييلى مش يدعى عليا

هناك 11 تعليقًا:

  1. شكرا لزيارتك مدونتي وأتمنى أن تدوم

    ردحذف
  2. اولا ربنا معاكي
    يارب
    وتخلصي
    انت طالع عينك يا اوختي في المذاكرة
    ثانيا عملتي اية في المادة اللي كانت عندك تقريبا انهاردة او امبارح
    طمنيني تبقي تفتحي النت تقوليلي
    والتاج شكرا انك افتكرتيني
    فرحت لما لاقيت اسمي اول حاجة
    مش مصدقة نفسويتي
    هههه
    واجابات جميلة كالعادة
    انا كمان بحب التلوين ومش بعرف ارسم
    هاخد التاج ان شاء الله
    يلا سلام

    ردحذف
  3. اول مرة اجى عندك :)

    اجاباتك حلوة و لذيييييذة
    و انا زيك فى حاجات كتيييييييييير ..

    ربنا يكرمك ان شاء الله و تفرحى بنتيجة حلوة..

    ردحذف
  4. الرائعة سارة
    مدونتك رائعة
    ويارب تحققى كل امالك واحلامك واشوفك اشهر صحفية فى مصر
    بس تبطلى عصبية لام العصبية تفقد الكثير من المميزات الحلوة
    ياريت اشوفك بمدونتى علشان تنور بأرائك
    تقبلى تحياتى
    ومتعك الله بالنجاح والحب والعافية
    ودمتى بحفظ الله

    ردحذف
  5. ايه البلطجة ديه

    بتهديدي بالقتل اللى يسرق منك بوست انتي عارفه جريمة الشروع في قتل ايه !!!!!

    أول مرة ازور المدونة وشكله فيها هسرق منها كتير قصدي هستفيد منه كتير

    ردحذف
  6. كاتب مصرى اكيد ان شاء الله هزورها دايما .. استمتعت جدا فيها .. نوووووووورتنى

    ردحذف
  7. منمن حبيبة قلبى ، حاسة بيا حبيبتى وحاسة بشحتفتى فى المذاكرة ههههههههههه
    بالنسبة للتاج تصدقى كنت خايفة لتضربونى ههههههههههههه الحمد لله

    ردحذف
  8. ميييييييييييرسى ليكي يا جيداء ياقمر دا من ذوقك .. وشرف ليا طبعا اننا نكون شبه بعض فى حاجات كتير .. نورتينى يا قمراية

    ردحذف
  9. طارق القنام ربنا يكرمك ياااااااااااااااااااارب على الدعوة الحلوة دى مش عارفة اشكرك ازاى ميييييييرسى اوى .. وانا على فكرة بزور مدونتك دايما لكن للاسف مش بلحق اعلق .. اهل بورسعيد اجدع ناس وانا اتشرفت انى عرفت ناس منهم

    ردحذف
  10. احمد رفعت ، تصدق ماعنديش حق انى واقفة بالمطواة على باب المدونة ... لأ ما شوفتنيش بقى وانا ماسكة الجنزير ونازلة ضرب فى البشر .. هقول ايه ماهو اللى ايده فى الماية مش زى اللى ايده فى الناااااااار

    ردحذف
  11. إنت عسل والله ياسااااره
    ومتوقعه ليكى مستقبل ملون
    ملون بألوان زاهيه
    ربنا معاكى
    وتخلصى من المذاكره والدراسه

    ردحذف

Say something...