2008-06-21

شوية سياحة







لما بنمشى فى طريق احنا متعودين عليه مش بناخد بالنا اوى من ملامحه

ولا بنهتم اننا نعرف مميزات الطريق دا ايه

ولا اجمل حاجة فيه ايه ؟

لكن لما بنروح سياحة فى اى مكان

بنهتم اوى بالطريق وبكل ملمح من ملامحه

واى حاجة حلوة فيه ولو بسيطة بنحطها فى اعتبارنا ونكون طايرين بيها فى السما

نفس الحكاية بنعملها مع البشر ..

الناس اللى متعودين نشوفهم كل يوم وبنعيش معاهم حياتنا

ما بنحاولش ابداً ندور جواهم على مميزات

ما بنحاولش ندقق فى ملامح نفوسهم ولا نعرفهم كويس

احنا محتاجين شوية سياحة .. شوية سياحة جوا نفوس اللى حوالينا

نبص لهم كويس

وندرسهم كويس

ونحبهم اوى كاننا هنشوفهم لمرة واحدة ومحتاجين بس نشيل الذكريات الحلوة

ونفرح اوى بمميزاتهم ولو كانت حاجات صغيرة

متهيألى لو عملنا كده هتفرق معانا كتير ..



___________________________________________

كلام مالوش دعوة بالموضوع

" بحبكم اوى وربنا وحده العالم وقفتكم جنبى فرقت قد ايه

انا كنت متخيلة انى مش هبقى كويسة ومش هرجع سارة تانى الا بعد يجي سنة قدام

بس بجد كلامكم وسؤالكم عليا رد فيا الروح

ربنا ما يحرمنى منكم "



هناك 14 تعليقًا:

  1. اولا يشرفنى اكون اول كومنت

    ثانيا : انا مهتم اكتر بكلامك الى ملوش علاقه بالموضوع .. انا كمان صحاب النت بالنسبه لى بيعنولى كتير اوى وبيخفوو عنى كتير

    ثالثا : عن الموضوع الاصلى .. فعلا احنا التكنولوجيا خلتنا نبص للناس على انها مجموعه ايموشنز وكمبيوترات مش بشر من لحم ودم

    تحياتى

    ردحذف
  2. لاعاش ولا كان ياحببيتي

    عمر ما حد هيغيرك وهتفضلي سارة زي ما انت
    لان مينفعش تكوني حد تاني
    انت سارورة وبسسسسسس
    حضن كبيرررررررررررر
    ويارب ميحرمناش منك ابدا ابدا ابدا
    وفعلا عندك حق
    في الموضوع بتاع السياحة بس عارفة انا دلوقتي
    في مراحلة اني بتامل في الحاجات اللي حولينا
    لسة بقي موضوع الاهل دة
    متاملتش
    ههههههه
    سلام

    ردحذف
  3. فكرة ان الواحد يتعامل مع الناس من منطلق انه سايح ولازم يتعامل معاهم كويس ويتفرج عليهم وعلي اخلاقهم
    فكرة جديدة وحلوة

    ردحذف
  4. رويت حكمة و علما
    شبعت رؤية و فكرا
    لكنني
    أحس فيك يا مدينتي المحيرة
    بأنني أضل من رسالة مغفلة العنوان
    و أنني سأظل واقفا على نواصي السكك المنحدرة
    أبحث عن مكان

    صلاح عبدالصبور

    ردحذف
  5. سعيد بأول زيارة لمدونتك .. وكمان حظي أنه أول تعليق
    معاكي حق .. دايما احنا بنكتشف الاشياء الحلوة في كل ما هو جديد .. رغم أن ما أمام أعيننا أيضا جميل .. لكن ربما يحتاج أن نزيح من عليه الغبار لكي يكون أوضح
    بالتوفيق دائما

    ردحذف
  6. بعد السلام عليكم

    فعلا عندك حق والله
    احنا محتاجين شوية سياحة جوا النفوس

    وكلام جميل مايطلعش غير من صحفية
    هههههههههههههههههه

    لمحة جميلة اوي ياسارة

    وربنا يديم عليكي محبة ادقاء التدوين ووقفتهم جنبك دايما

    سعدت بتشريفك مدونتي المتواضعة
    وتمنياتي بدوام التواصل

    تحياتي

    ردحذف
  7. Mohamed Hamdy يقول...
    اولا يشرفنى اكون اول كومنت
    -----------

    دا الشرف ليا انا بجد والله

    ___________________

    ثانيا : انا مهتم اكتر بكلامك الى ملوش علاقه بالموضوع .. انا كمان صحاب النت بالنسبه لى بيعنولى كتير اوى وبيخفوو عنى كتير
    ------------------

    فعلا والله ، عارف بقى لما بيبقوا ميكس اصحابك على النت وفى الواقع كمان بيبقوا بجد رووووووووووووووووووعة
    ________________________

    ثالثا : عن الموضوع الاصلى .. فعلا احنا التكنولوجيا خلتنا نبص للناس على انها مجموعه ايموشنز وكمبيوترات مش بشر من لحم ودم

    -----------------

    صح والله يا محمد ، ما بقيناش نتعامل كبشر بقينا نتعامل كمادة وبس
    ربنا يسترها ويعديها على خير
    بس على فكرة والله مش بس التكنولوجيا السبب

    ردحذف
  8. My Hope$ يقول...
    لاعاش ولا كان ياحببيتي

    عمر ما حد هيغيرك وهتفضلي سارة زي ما انت
    لان مينفعش تكوني حد تاني
    انت سارورة وبسسسسسس
    حضن كبيرررررررررررر
    ويارب ميحرمناش منك ابدا ابدا ابدا
    -----------------------

    ربنا يخليكي يا حبيبة قلبى

    ولا يحرمنى منك ابدا (( حضن كبييييييييير ومووواه ))
    ____________________________

    وفعلا عندك حق
    في الموضوع بتاع السياحة بس عارفة انا دلوقتي
    في مراحلة اني بتامل في الحاجات اللي حولينا
    لسة بقي موضوع الاهل دة
    متاملتش
    ههههههه
    سلام
    ---------------
    عارفة يامنمونتى احنا محتاجين نعمل سياحة فى الناس اللى عايشين معانا اكتر من اى حد تانى لأن دول اكتر ناس بيأثروا على نفسيتنا وحياتنا

    ردحذف
  9. المـــفـــــــقــــــــوعـــــة مــرارتـهــا يقول...
    فكرة ان الواحد يتعامل مع الناس من منطلق انه سايح ولازم يتعامل معاهم كويس ويتفرج عليهم وعلي اخلاقهم
    فكرة جديدة وحلوة

    ______________

    الحمد لله ان الفكرة عجبتك ياقمراية وسعيدة بجد انك نورتينى وشرفتينى بالزيارة

    ردحذف
  10. عبحي .. فخور بأني مش بني آدم يقول...
    رويت حكمة و علما
    شبعت رؤية و فكرا
    لكنني
    أحس فيك يا مدينتي المحيرة
    بأنني أضل من رسالة مغفلة العنوان
    و أنني سأظل واقفا على نواصي السكك المنحدرة
    أبحث عن مكان

    صلاح عبدالصبور

    ---------------
    جميلة بجد كلمات صلاح عبد الصبور ميرسى اوى يا عبحى

    ردحذف
  11. سعيد بأول زيارة لمدونتك .. وكمان حظي أنه أول تعليق
    معاكي حق .. دايما احنا بنكتشف الاشياء الحلوة في كل ما هو جديد .. رغم أن ما أمام أعيننا أيضا جميل .. لكن ربما يحتاج أن نزيح من عليه الغبار لكي يكون أوضح
    بالتوفيق دائما

    _________________

    انا بجد الاسعد انك نورتنى يا فارس ومنورنى حتى لو مش اول تعليق اسفة موضوع الاشراف ع التعليقات بيعمل خدعة ههههههههه

    نووووووووووووورتنى يا فارس وسعيدة ان فكرتى عجبتك

    ردحذف
  12. abo salah يقول...
    بعد السلام عليكم

    فعلا عندك حق والله
    احنا محتاجين شوية سياحة جوا النفوس

    وكلام جميل مايطلعش غير من صحفية
    هههههههههههههههههه
    ------------------

    هههههههههههههههههههههههه

    ربنا يخليك يا ابو صلاح والله الكلمة دى بترفع معدنياتى كتييييييييييييير

    ______________________

    لمحة جميلة اوي ياسارة

    وربنا يديم عليكي محبة ادقاء التدوين ووقفتهم جنبك دايما

    سعدت بتشريفك مدونتي المتواضعة
    وتمنياتي بدوام التواصل

    تحياتي

    ----------------------
    ياااااااااااارب اللهم امييييييين بجد من غيرهم احتاس خالص

    انا بجد اتشرفت بزيارتك وبزيارتى لمدونتك و بجد كنت بزورها كتير ومستنياك تنزل جديد من زمان اووووى

    ردحذف
  13. بجد تشبيه هااااااايل
    روعه يا سارا
    بس عارفه ممكن نطبق دا فعلا
    و نتكيف مع صفاتهم
    بس هما مش بيحبوا العكس
    بمعني زي ما أنا مطلوب مني إني أفهم
    اللي أدامي
    أتمنى برضوو إنهم يفهموني
    عشان بس الحياة تمشي
    لأنك لو عودتيهم إنك فهماهم و بتراعي
    شخصيتهم في كل حاجة
    هتلاقي ضغط نفسي عليكي بجد بيبأه صعب

    بس فعلا الذكرى الحلوة هي اللي بتبقى

    يسلمو الغالي

    :)

    ردحذف
  14. و القادم....أجمل يقول...
    بجد تشبيه هااااااايل
    روعه يا سارا
    بس عارفه ممكن نطبق دا فعلا
    و نتكيف مع صفاتهم
    بس هما مش بيحبوا العكس
    بمعني زي ما أنا مطلوب مني إني أفهم
    اللي أدامي
    أتمنى برضوو إنهم يفهموني
    عشان بس الحياة تمشي
    لأنك لو عودتيهم إنك فهماهم و بتراعي
    شخصيتهم في كل حاجة
    هتلاقي ضغط نفسي عليكي بجد بيبأه صعب

    بس فعلا الذكرى الحلوة هي اللي بتبقى

    يسلمو الغالي
    _____________________

    معاكى حق يا جميل

    بس ماهى المعادلة بتتظبط لو كل حد قرر يراعى غيره

    مش هنلاقى حد اصلا بيضغط على حد وهتلاقى الكل مبسوط

    بس دا مستحيل لأن كده نبقى عايشين فى المدينة الفاضلة نووووووووووورتينى يا لولو

    ردحذف

Say something...