2008-09-18

هلوساتي وانا عيانة





وحشتونى أوي ونفسي ارد ع تعليقاتكم وارد ع بوستاتكم بس مش قادرة

ان شاء الله لما اخف هبقى اعمل كده

دلوقتي قولت البلوج كده ضلمت اكيد

علشان بقالي مدة ما عملتش بوست جديد - متواضعة اوى انا .. عارفة عارفة من غير ما تقولوا - فـ وانا عيانة

وفاضية كده وبتأمل في تاريخي المرضي - اللي ماما حكتهولي لأني انا مش فاكراه الا حاجات بسيطة - قولت احكيلكم عن تخاريفي وهلوساتي وعمايلى السودا وانا عيانة

والله انا مش سوسة من وانا طفلة يعنى - اي نعم بقيت سوسة لما كبرت لكن في يوم من الايام كنت بريئة - احم .. المهم كل الحيل اللي كنت بعملها

كنت بعملها هرباً من بعبع اسمه

(( الدكتووووووووووووور ))

وميني بعبع اسمه

(( الدوا اللي طعمه وحش والحقن اللي بتوجع ))


وعلشان كل دا كنت بعمل الآتي :


* اول لما ماما تحط لي التروموتر في بؤي اللي على اساس نتيجته هروح غصب عني للدكتور

او هاخد الدوا العادى او هكتفي بالبرتقال والحاجات دى كده

فكنت بعمل ايه ؟؟

كنت برفعه من تحت لساني واخليه في الهوا

وطبعاً كانت ماما بتلاقى الامن مستتب والحرارة في التمام

هههههههههههههههههههههههههه

واحيانا كنت بشيله شوية قبل ما ماما تيجي واحطه في الماية


* الدوا كنت بحوشه في بؤي وادخل الباثروم افضيه في الحوض

وبعدين ماما اكتشفت دا فبقت تخلينى ابلعه قدامها وافتح بؤي :((


* كفاية كده لحسن بعد كده تعدوا صوابعكوا لما تسلموا عليا

احكيلكم عن هلاوس الانفلوانزا بقى

بما ان التعب مش مخلينى عارفة انام قررت اتفاهم معاه .. تخيلت انه حاجة كده مربعة كبيرة شبه الورقة

وبدات اتفاهم معاه على شكل مكعبات صغيرة

اخد كل مكعب كده في دماغى على جنب واتفاهم معاه انى هنام وارتاح

وفعلاً جاب نتيجة ونمت

المشكلة انى من ساعة ما قولت لماما ع الطريقة دي شكت في قواي العقلية

والطريقة مابقتش تجيب نتيجة شكل المكعبات زعلت منى :((

والله بجد الطريقة دى عملتها مش عارفة هي حاجة زي عد الخرفان وكده

ولا نوع من محاصرة الالم في الدماغ


البوست مالوش طعم وريحته دوا انا عارفة بس لازم اكتب والا هطططططططق




هناك 27 تعليقًا:

  1. الف سلامه

    شفاكى الله و عافاكى

    و دمك زى السكر و لاسعه و انتى عيانه برضه

    سلامات :)

    ردحذف
  2. الف الف سلامة يالاسعة هانم واللة حسستينى بالذنب

    ردحذف
  3. ونسيت اقولك انا كمان عيان اوى

    ردحذف
  4. السلام عليكم
    الف سلامةعليكي
    وشفاكي الله وعفاكي

    ردحذف
  5. الف سلامه عليك يا جميل
    بس حد يخاف من الدكاتره دى ناس طيبه خالللللللص

    ردحذف
  6. سارة القمر
    الف سلامة عليكي ياحبيبتي
    ان شاء الله تقومي بألف سلامة
    بالنسبة للدكاترة انا كمان بروح لهم بالعافيه والله بس هنعمل ايه يعني
    في ناس عايزانا يابنتي
    ههههههههههه
    ولا ايه رأيك؟؟؟
    يارب تقومي بالف سلامة ياااااااارب
    خلي بالك من نفسك
    أختك شيتوس

    ردحذف
  7. يا نهارك ابيض
    بعبع اسمه الدكتور؟؟؟؟
    ربنا يسامحك بقى:))

    ردحذف
  8. الف سلامه عليكى
    حد يخاف من الدكاتره دول بيخلوا اللى مش عيان يعييا ههه
    دمتى بكل خير

    ردحذف
  9. لا و انا مش يرضينى انك تضقى
    اكتبى يا اختى اكتبى

    ردحذف
  10. يا ألف نهار أبيـ.... قصدي ألف سلامة عليكي يا سمو الأميرة ..

    إن شاء الله اللي يكرهوكي :) و خصوصا ميمي و كوكي :)

    و إن شاء الله ترجعي بالسلامة .. أو بالتوك توك -أيهما كان أسرع :) - ..

    و نتعلم منك شوية حاجات من اللي بتعمليها في الناس حتى و انتي تعبانة .. :)

    بس هنبقى نعد صوابعنا و ناخد بنصيحتكِ ..

    ايه ده ؟؟ الكيبورد ناقصة زرار !!!
    احم احم .. هو أنا بكتب في مدونة مين ؟؟
    آآآآآآه :) .. عد كل حاجة .. أنت ف مدونة سارة :)

    أسأل الله العظيم رب العرش العظيم أن يشفيك و أن يجعل خلوتكِ في المرض للتفكير و التصحيح و ليست ألما و مِلالا ..

    في أمان الله ..

    ردحذف
  11. وليكى تاج عندى لما تخفى تبقى تخشى تشوفية والف سلامة عليكى

    ردحذف
  12. ههههههههههههههههههههه
    أنتى برضه لاسعة و أنتى عيانة


    بس ضحكتينى أوى



    ربنا يشفيكى و ترجعى للمدونة من غير ريحة ادوية

    ردحذف
  13. ههههههههههه

    لا لا لا ألف سلامه عليكِ يا حبيبتي ..
    انشالله الشيطان الوحش :))

    خدي بالك من نفسك واستريحي خالص اليومين دول.. واكتبي كتيييييييير ولا يهمك احنا مبسوطين بريحة الدوا :)

    ردحذف
  14. احلى ماجنوليا .. تسلميلى يا حبيبتى وانتى اللى زي السكر والله .. بالنسبة لكوني لاسعة فالحقيقة انا كنت ملسوعة بالسخونية الايام اللى فاتت دى ههههههههههه

    ردحذف
  15. فاروق .. طالب ثانوي .. انت يعنى يعنى مثلاً بتقولي انك عيان علشان تنفي تهمة انك انت السبب هههههههههههههه التاج قولتلك ع اللى فيها .. والف سلامة عليك

    ردحذف
  16. ابن مصر .. الله يسلمك يارب ميرسى جداً ليك

    ردحذف
  17. مهرة حبيبتى .. الله يسلمك ياقمر بالنسبة للدكاترة انا ليا اصدقاء دكاترة لا يمكن تتخيلي عددهم وزي العسل بجد بس ماعرفش ليه اجى لحد انى اروح لدكتور كمريضة واكرههم ههههههه

    ردحذف
  18. يالهوى يا مهرة دا انتى دكتورة ههههههههههههههههههههه معلششششششش بقى ومعلش يا دكتور عمرو ودكتور احمد فريج والله انا بحبكم كلكم .... بس بردو بخاااااااااااااف

    ردحذف
  19. شيتوس احلى اهلاوية .. الله يسلمك يا حبيبة قلبي يارب .. وع رأيك الواحد لازم يضغط على نفسه علشان خاطر الشعب والجمهور هههههههههههههههه

    ردحذف
  20. احم احم .. دكتور عمرو ما تزززززعلش والله انتوا زي العسل بس انا اللي جبانة

    ردحذف
  21. عايش ولكن ....هههههههههههههه خلي بالك المكان كله محاصر فوقيك بالظبط في دكتور

    ردحذف
  22. كفراووووى ميرسى جداً ليك يادكترة وانا بردو قولت كده

    ردحذف
  23. هو ودماغه ... هههههه قروا علينا بقى .. قروا علينا بقى انا مش ناقصة هههههههه ميرسى جداً ليييك

    ردحذف
  24. كناها هي ... الشيطان الوحش كفاية عليه السلاسل بقى اليومين دول يا جميل هيبقى سلاسل وانفلونزا هههههههههههههههه

    ردحذف
  25. تيييمييييييييي .. لألألألألألألألأ انا مكنتش موجودة يا تيمى لما الكي بورد زراره نقص

    انا اخدت المسطرة اه لكن الزرار دا لأ هههههههه
    ههههههههههههه نورتني ويارب دايما منورنى

    ردحذف
  26. انا هقول لماما على كل ده

    ردحذف
  27. mohamed elbastawesy1 أكتوبر 2008 12:53 م

    انا هقول لماما على اللى بتعمليه

    ردحذف

Say something...