صعب أوي لما تقدر ترفع معنويات ناس كتير وتأثر في حياتهم
وتقنعهم ما يستسلموش لليأس وما تقدرش تعمل كل دا
مع الانسان الوحيد اللي يهمك بجد إنه ما يستسلمش :(
صعب أوي لما يكون وجودك في حياة ناس كتير بيفرق معاهم أو وممكن يكون غير مجرى حياتهم
وتحس إن وجودك زي عدمه في حياة البني آدم الوحيد اللي بتتمنى تكون موجود في حياته :(
احساس يارب ربنا ما يكتبه على حد لأنه بجد .. بيوجع اوي
فعلا يا رب ما يكتبه على حد ابدا
ردحذفاحساس مؤلم جدا لدرجة السكر .. :)
عدم قدرتك على رفع معنويات الإنسان ده مش معناه أبداً إنك مش موجودة في حياته، مجرد وجود روابط وذكريات مشتركة بينك وبين الإنسان ده -مهما كانت بسيطة أو صغيرة- معناه وجودك في حياته.. لكن وجود عن وجود يفرق أكيد ^^
ردحذفعشان كده Don`t Give up!
لا تستسلمي بالسرعة دي واثبتي نفسك أكثر لحد ما تنجحي في كده، وربنا يوفقك إن شاء الله ^^
محمد الوكيل
دا اكيد لانك لما تيجى تساعدى الناس بتنطلقى بكل قوة وطاقة واملك انك تكون النتيجة خير وان ما كانتش خير فدا قضاء الله لكن لما يجى الموضوع ده عند حد معين انتى بتنطلقى بحدود وبتساعدى بردك بحدود لأنك انتى مش مستنية الا النتيجة الخير وبالتالى أهم صفه لتصرفاتك ومساعداتك هو الخوف والحذر وعشان كده بتحسى بالعجز وانك مش قادره تساعدية زى الناس التانيه
ردحذففهمتى حاجه اصل انا مش فاهم
زي ما قال الوكيل ما تستسلميش
ردحذفوخليكي معاه وادعي له
وان شاء الله خير
وربنا معاه ومعاكي
سمو الأميره العزيزة/ ساره
ردحذفبجد كلامك مؤثر بس أنهزامى قوى
فيه نبره غريبه بقالى زماااااااااااان
مسمعتهاش من بنت
بسى أنا هقولك رأى أنا
يمكن ميكنش ليه قيمه عندك
بس صدقينى عن تجربه سنين عشتها
من أيام الجامعه والتنقل من شغل لشغل
وحياه كبيره معى أنى سنى مش كبير قوى
بس الدنيا موقفها مش بتفرق بين حد
المهم أوعى تستسلمى ليأس موهوم
وأوعى تلبسى نفسك تاج العزاب بأيدك
أوعى أنتى لسه صغيره على العزاب اللى بتحمليه لأعصابك
اللى ميحسش بمشاعرك وميكنش حاسس بيكى يبقى بسهوله ميستهلكيش
اللى ميكنش عنده ملكه أنه يحس بأنسان بيحبه وبيكن ليه مشاعر جميله زى مشاعرك يبقى هو مش قد تحمل المشاعر ديه
ربنا خلقنا كده طبقات وقدرات
هو معندوش قدرات أنه يحس بقلب بيحس بيه
يبقى أزاى هيقدر يحبه ويخاف عليه
لا تلومنا نفسك فى حب قلب ليس به نبض لكى يحب
يمكن كلامى يكون غلط بس أنا عشته وحسيت بيه
والحب من طرف واحد مصيده لوحش أسمه اليأس من الحياه
أعزرينى على كلامى
وتقبلى مرورى
ليس الأول ولا الأخير بأذن الله
وأتمنى يكون هناك تواصل مابينا
ودى وتقديرى لمشاعر الطفله الجميله
الصبر واللين وحسن المعاملة هم الدواء
ردحذفوالله يا سارورة ما عارفة اقولك ايه ؟
ردحذفبس بجد انتى عملتى اللى عليكى وزيادة
وكنتى صبورةاوى
والمشكلة مش فيكى المشكلة ف اللى
عايز يعيش الفشل
ف اللى عايز يفضل كده يصعب على
الناس وفرحان بشحاتة المشاعر منهم
ف اللى بجد عاجبه انه يجرب العيشة دى
ببعده عن ربنا وعن انه يكون انسان
كويس
يعنى من الاخر لو مكانك انفض
ولا اتعب نفسى ولا احس بمرارة اذا كان
هو مش فارق معاه
والست ام الليف بتقولك ..
اللى يشيل قربة مخرومة بتخر على
دماغه
سلام
اووووووووى
ردحذففعلا .. احساس مؤلم جدا جدا جدا
ردحذفلو انت يهمك الحد ده اوعي تيأسي منه خليك جنبه لحد ميسمع واتأكدي انه فيوم هيفوق وساعتها عمره مهينسالك ده
ردحذفانا عارف اد ايه الاحساس ده صعب
انا متفق مع مني.. البيشيل قربة مخرومة بتخر عليه..
ردحذفوانك تبقي تفرقي مع ناس او اثرتي في ناس.. دي حاجة تشجعك.. وفعلا تأكدلك ان العيب مش فيكي
انا متفق مع مني.. البيشيل قربة مخرومة بتخر عليه..
ردحذفوانك تبقي تفرقي مع ناس او اثرتي في ناس.. دي حاجة تشجعك.. وفعلا تأكدلك ان العيب مش فيكي
يااااه ياساره احساس بيوجع اوى بجد
ردحذفبس صدقنى هو لو البنى ادم ده محسش انك موجوده وبتحاولى تعمل كل الى تقدرى عليه علشان تبقى موجوده يبقى ميستاهلش
مش ساعات الأمهات بيحسوا بكده ؟ :)
ردحذفلما الأبناء مايقدروش نعمة وجودهم و يستهونوا بهم و مايبرهومش و مايدهومش الحنان و الاهتمام و الحب ..
الفكرة دي بتوجعني قوي.. إن أمي عايشة حياتها عشاني و أنا عايشة حياتي عشان حاجات تانية ..
كتير قوي مش بنحس بقيمة وجود الأم في حياتنا :)
ربنا يخليها لكل اللي اكرمه بيها..
أما بقى يا ستي بخصوص البوست فأنا ، عن تجربة حضرتك مش اي كلام يعني ، اقدر اقول لك انه ببساطة شديدة مايستاهلش :) أيوووون ! بغض النظر بقى، بس البني ادم اللي مش حاسس بحب اللي حواليه له و مش حاسس بنعمة الناس معاه اللي ربنا اداهم له يبقى غلطان و غافل قوي .. بس بردو ده مش معناه اننا نبطل نحب و نساعد .. بس مش دايما بنلاقي اللي حوالينا زينا :)
و يسعد صباحك يا جميلة
سارة .. ممكن التأثير مايبقاش فوري وسريع ويبان بسرعة .. ممكن يحصل مع الوقت
ردحذفأو حتى مع تجاهل المشكلة ومتابعة الحياة من تاني
إدي اللى قدامك فرصة انه يعيش اللحظة المؤلمة .. الألم فى حد ذاته بيعالج
حاولي تاني وبراحة وماتستعجليش
وطبعا استعيني بالله وادعي جامد لان ربنا ممكن يحللك المشكلة كلها فى ثانية واحدة طالما استعنتي بيه وطلبتي منه يوفقك واعلنتي عن احتياجك له
حاولي تاني وتالت وعاشر وعلى طول .. طول ماانتى عايشة في أمل فى حياتك وفى حياة اللى حواليكي
أرجوكي ما تيأسيش وتستلمي واستمري واتمردي بجد
ربنا يوفقك ويعينك يارب
اولا الف مبرو يا سوووووو :)
ردحذفثانيا بالنسبة للبوست ده.
ما تيجي نغير قواعد اللعبة..؟؟
يعني بماانه الانسان الوحيد اللي بنتمنى وجودة في حياتنا ووجودنا في حياته بقى لازم نبذل مجهود اكتر شوية ونعتبر ان طريقتنا مش كانت كافية او مش كانت الطريقة المناسبة..
يعني ببساطة مش (نعمل اللي علينا) لأ...نعمل اكتر بكتير من اللي علينا واحنا مؤمنين انه يستحق ده..
تخيلي الام اللي بتلاقي ابنها في مرحة يأس..ينفع تييأس هي كمان ..؟؟
طبعا لأ..
عشان حبها له بدون قابل وعشان كده بقولك..وقفت لحظة بينك وبين نفسك عشان تاخدي نفس كبير وعميق..؟ يلا بقى نجرب تاني واحنا كلنا امل بيتولد من تاني في التغيير.
ربنا معاك ويوفقك ديما يا سمو الاميرة يا قمر :)
صعب اوي اوي اوي
ردحذفصعب أوي لما يكون وجودك في حياة ناس كتير بيفرق معاهم أو وممكن يكون غير مجرى حياتهم
وتحس إن وجودك زي عدمه في حياة البني آدم الوحيد اللي بتتمنى تكون موجود في حياته :(
حاساها اوي العبارة دي
شعور وحش اوي
الله المستعان
بلاش الإحساس ده
ردحذفصعب أوي
و خصوصاً لو كل اللي في إيدك حاجة بسيطة أوي أوي أوي ممكن تعمليها
مش هتفيد أوي
صعب
أصعب إحساس بجد
ردحذف:(
عبد الله .. مؤلم لدرجة اليأس ، مؤلم لدرجة اني بتمنى اتلاشى .. او اموت او اختفي يمكن يحسوا اني كنت هنا !
ردحذفمحمد الوكيل : عدم وجود تأثير ليا في حياة البني آدم بيساوي عندي اني لاشيء
ردحذفزي ما انت بتقول كده .. وجود عن وجود يفرق فعلاً يا محمد
محمد حجاز تصدق ممكن .. ويمكن كمان لأني قريبة أوي من المشكلة فمش قادرة اكون متفائلة بدرجة كبيرة !
ردحذفيمكن .. يمكن الحكاية زي الدراسة بالظبط
المادة اللي احبها ما اجيبش فيها درجات حلوة والمادة اللي اكرهها اجيب فيها اعلى درجات !! يمكن يا محمد
انسان عادي ... نفسي اتقطع يا عبدو .. هاخد نفس عميق واكمل .. بس يارب اقدر
ردحذفمحمد التركي اهلاً بيك منورني
ردحذفمتهيألي انك فهمت ان الموضوع حب من طرف واحد يا محمد
الحكاية مش كده الحكاية اني يهمني أكون مؤثرة بشكل ايجابي في انسان يهمني وانا مش عارفة فحاسة بالعجز رغم اني بقدر أكون مؤثرة في ناس تانيين يمكن ما اعرفهمش وبالتالي ما يهمونيش بنفس الدرجة
بالنسبة لصغري ع العذاب اللي بحمله لنفسي
فصدقني انا صغيرة على حاجات كتير شوفتها في الدنيا دي .. حاجات حلوة ووحشة
بس كل دا ما حملتوش لنفسي :(
وضاح .. للمرة التانية بسمع النصيحة دي
ردحذفومقتنعة جداً بيها
بس بجد انا أبعد بني آدمة عن الصبر
فإدعي لي ربنا يلهمني الصبر
وقصدي بالصبر عدم التسرع او التأني
منونة .. حاسة بكلامك وحاسة قد ايه انتي موجوعة عشاني .. بس بردو حاسة انه غصب عنه
ردحذفهو كمان صغير ع اللي بيشوفه :(
ربنا يقوينا كلنا يارب
ستار ان زا سكاي :( للأسف
ردحذفأعقل مجنونة :( بردو للأسف
ردحذفبقول للأسف ليكي ولستار ان زا سكاي لأني حاسة انكم جربتوه .. للأسف :(
سعد إدعي لي اني اقدر اكمل يا سعد ويارب فعلاً يقوم ويفوق
ردحذفأبو علي
ردحذفأحياناً بتكون انت وانسان ما كيان واحد
لو انت اللي شايل القربة المخرومة هتخر عليه ولو هو اللي شايلها هتخر عليك
للأسف ..
ميمي مش يمكن انا مش قادرة احسسه بوجودي صح ؟
ردحذفصعب أقول ما يستاهلش :(
ريم .. قريت كلامك اكتر من مرة ياريم
ردحذفوحاسة انه صح جداً
إنسانة .. يارب يكون في تأثير فعلاً يا ياسمين حتى لو مش فوري او سريع
ردحذفبس يارب الوضع لا يبقى على ماهو عليه أو ع الأقل ما يتدهورش .. كله على الله
إدعي لي اوي يا ياسمين بالله عليكي
تيمو .. معاك حق
ردحذفشهيييييييييييييق زفيييييييييييير
هحاول بجد :)
زوزو يارب ما تكوني حاساها لأنك جربتي يا زوزو
ردحذفيارب
بنوتة .. صح
ردحذفعارفة بقى لما تحسي ان مافيش في ايدك حاجة اصلاً
بتبقى أصعب وأصعب :(
سمو الأمير :( للأسف
ردحذفيا ساروووو طالما بتعملى اللى عليكى وتكفى طاقتك فيه يبقى العيب مش فيكى
ردحذفبدليل انك بتغيرى وبتاثرى فى حياة ناس كتير حواليكى
مع انى بردوه حاسة بيكى وعارفة عايشاه ازاى الاحساس دة
متكلمنيش عن الاحساس دة
لأن ربنا كاتبه عليا :|
بس مش بحس انى مقصرة علشان بعمل اللى عليا ولو انى بردوه بتألم